10న మూడు అనువాద పుస్తకాల ఆవిష్కరణ

By Vishi· 3h ago

TG: సామాజిక సత్యాలను ప్రతిబింబించే మూడు అనువాద పుస్తకాల (అదృశ్యకథనం, నిషేధిత పుస్తకాల లైబ్రరీ, మూక)ను ఛాయ బుక్స్ సంస్థ ఆవిష్కరిస్తోంది. ఈ కార్యక్రమం హైదరాబాద్ నగరం లామకాన్‌లో జరుగుతుంది. ప్రముఖ నటుడు, సామాజికవేత్త ప్రకాష్‌రాజ్ ముఖ్యఅతిథిగా సెప్టెంబర్ 10 గురువారం సాయంత్రం 6 గంటలకు ఈ కార్యక్రమం జరగనుంది. జర్నలిస్ట్ కె.శ్రీనివాస్, మీడియా అకాడమీ మాజీ చైర్మన్ అల్లం నారాయణ, కవయిత్రి మెర్సీ మార్గరెట్, అనువాదకులు కె.సత్యరంజన్, అరిపిరాల సత్యప్రసాద్, మానస ఎండ్లూరి పాల్గొననున్నారు.

More in Arts/Literature

Arts/Literature· 8h ago

ఇవాళ త్రిపురనేని గోపీచంద్ జయంతి

ఇవాళ ప్రముఖ తెలుగు రచయిత, హేతువాది త్రిపురనేని గోపీచంద్(1910-1962) జయంతి. త్రిపురనేని గోపీచంద్‌ రచనల్లో సమాజంలోని సమస్యలు, మనుషుల ఆలోచనలు, జీవితంలోని సంఘర్షణలు కనిపిస్తాయి. ‘అసమర్థుని జీవయాత్ర’, ‘పండిత పరమేశ్వరశాస్త్రి వీలునామా’ ఆయన ప్రసిద్ధ రచనలు. ఇందులో మనిషి జీవితం, ఆలోచనలు, సమాజం మధ్య ఉన్న సంఘర్షణను చూపించారు. సమాజంలోని తప్పులను ప్రశ్నిస్తూ, ప్రజలు కొత్తగా ఆలోచించేలా ఆయన రచనలు చేశారు. ఆయన రచనలు అప్పటి కాలానికే పరిమితం కాకుండా, నేటికీ పాఠకులను ఆలోచింపజేస్తున్నాయి.

Arts/Literature· 1d ago

సెప్టెంబర్ 12న రెండు తరాల కవిసంగమం

TG: కవిసంగమం ఆధ్వర్యంలో రెండుతరాల కవులను ఒకే వేదికపై తీసుకువచ్చే ప్రత్యేక కవిసమ్మేళనం ‘రెండుతరాల కవిసంగమం – సిరీస్-47’ సెప్టెంబర్ 12, 2026న జరుగుతోంది. ఈ కార్యక్రమం హైదరాబాద్‌లోని కోఠి, సుల్తాన్‌బజార్(రాంకోటి)లో ఉన్న శ్రీకృష్ణదేవరాయ తెలుగు భాషానిలయంలో సాయంత్రం 6 గంటలకు స్టార్ట్ అవుతుంది. రెండు తరాలకు చెందిన కవులు కాంచనపల్లి గోవర్ధన్‌రాజు, ఫణిమాధవి కన్నోజు, గంగిరెడ్డి విశ్వనాథరెడ్డి, దండు వెంకట్రాములు, స్వప్న కొండమడుగు తమ కవిత్వాన్ని వినిపిస్తారు.

Arts/Literature· 2d ago

బొంబాయి పొట్టేలు – కథల పుస్తకం

కథకుడు, చిత్రకారుడు చరణ్ పరిమి రాసిన రెండో కథల పుస్తకం ‘బొంబాయి పొట్టేలు’. రేగి అచ్చులు ప్రచురణ సంస్థ దీన్ని ప్రచురించింది. అబ్‌స్ట్రాక్ట్, సర్రియల్ టచ్‌తో సాగే ఈ కథలు సమాజంలోని అనేక కోణాలను కొత్తగా చూపిస్తాయి. అసమానతలు, వివక్ష, మనుగడ పోరాటాలను ఎదుర్కొనే పాత్రలు ఈ కథల్లో కనిపిస్తాయి. ఈ పుస్తకానికి రచయిత డా.వేంపల్లె షరీఫ్ ముందుమాట రాశారు. రచయిత చరిత్రను, ఆధిపత్య సంస్కృతి రాజకీయాలను అర్థం చేసుకుని రచయిత ఈ కథలు రాశారని ఆయన వివరించారు. దీని ధర రూ.170. పుస్తకం కొనే <a href="https://amzn.in/d/0dDm8w3U">లింక్</a>.

Arts/Literature· 5d ago

స్త్రీల గర్భం, స్వేచ్ఛపై సామాజిక వ్యాఖ్యానం

ఫెమినిస్ట్ స్టడీ సర్కిల్ ప్రపంచ స్త్రీవాద సాహిత్యాన్ని తెలుగులోకి అనువదించింది. ఇటాలియన్ రచయిత్రి ఒరియనా ఫాలసి రాసిన ‘Letter to a Child Never Born’ పుస్తకాన్ని ఓల్గా తెలుగులో అనువాదం చేశారు. తల్లి తన కడుపులో బిడ్డ ఉన్నట్టు గుర్తించినప్పటి నుంచి, అండం గర్భంలో పెరిగి రూపం మారే ప్రక్రియను ఇందులో వివరంగా చెప్పారు. ఇది కేవలం శరీరం గురించి రాసిన రచనే కాదు, సామాజిక వ్యాఖ్యానం కూడా. పితృస్వామ్యం మన ఆచారాలు, భాష, సంస్కృతులను ఎలా తయారు చేసిందో ఈ పుస్తకం చెబుతుంది. పుస్తకం ధర రూ.100. కొనే <a href="https://www.telugubooks.in/products/puttani-biddaku-thalli-uttharam?srsltid=AfmBOorDrAEUy8FkbTr9Tubb4BId_N3ZPRpD-RxM8kBlKq7YQfh7Ni_b">లింక్</a>.