ట్రాఫిక్‌ సమస్యలపై కంప్లయింట్ చేయొచ్చు

By A.Ajay· 1d ago

TG: హైదరాబాద్‌లో ట్రాఫిక్‌ రద్దీ, పార్కింగ్‌ సమస్యలు, రహదారి భద్రతపై కంప్లయింట్ చేసేందుకు ట్రాఫిక్‌ పోలీసులు కొత్త <a href="https://echallan.tspolice.gov.in/htp/">వెబ్‌సైట్‌</a>ను అందుబాటులోకి తెచ్చారు. హైదరాబాద్‌ పోలీస్‌ కమిషనర్‌ సజ్జనార్‌ ఈ వెబ్‌సైట్‌ను ప్రారంభించారు. ట్రాఫిక్‌ పోలీస్‌ స్టేషన్‌ వివరాలు, పార్కింగ్‌ జోన్ల సమాచారం కూడా ఇందులో తెలుసుకోవచ్చు. ట్రాఫిక్‌ సమస్యలపై సూచనలు ఇచ్చేందుకు కూడా అవకాశం కల్పించారు. హెల్ప్‌లైన్‌ నంబర్‌ 9010203626 ద్వారా ట్రాఫిక్‌ పోలీసులను సంప్రదించవచ్చు.

More in TG

▶

TG· 5m ago

జాబ్స్ ఎక్కడ.. నిరుద్యోగుల మహాధర్నా!

TG: ప్రభుత్వ ఉద్యోగ నోటిఫికేషన్లు విడుదల చేయాలని డిమాండ్ చేస్తూ నిరుద్యోగ యువత వచ్చే నెల 7న హైదరాబాద్‌లోని ధర్నా చౌక్ వద్ద మహాధర్నాకు పిలుపునిచ్చారు. గ్రాడ్యుయేట్ MLC ఎన్నికలలోపు నోటిఫికేషన్లు ఇవ్వాలని డిమాండ్ చేస్తోంది. మెగా DSC, ప్రత్యేక ఏజెన్సీ DSC, ఫారెస్ట్ శాఖలో ఖాళీల భర్తీ, ఏజెన్సీ ప్రాంతంలోని 29 సెక్టార్లలో ఉద్యోగాలు, ప్రభుత్వ శాఖల్లో ఖాళీల గుర్తింపు, జాబ్ క్యాలెండర్ ప్రకటన వారి ప్రధాన డిమాండ్లుగా ఉన్నాయి.

▶

TG· 5m ago

ఇది కాలం తెచ్చిన కరువు కాదు :హరీష్ రావ్

తెలంగాణలో కరువు పరిస్థితులకు కాంగ్రెస్‌ ప్రభుత్వ నిర్లక్ష్యమే కారణమని BRS నేత హరీశ్‌ రావ్ అన్నారు. దేవాదుల ప్రాజెక్టులో పది మోటార్లకు బదులు మూడు మాత్రమే ఎందుకు నడుపుతున్నారని ప్రశ్నించారు. రిజర్వాయర్లు, చెరువులు నింపాలని డిమాండ్‌ చేశారు. ఆంధ్రప్రదేశ్‌లో తక్కువ వర్షపాతం నమోదైనా పంటలు పండుతున్నాయని, తెలంగాణలో మాత్రం రైతులు ఇబ్బందులు పడుతున్నారని విమర్శించారు. “ఇది కాలం తెచ్చిన కరువు కాదు.. కాంగ్రెస్‌ తెచ్చిన కరువు” అంటూ ప్రభుత్వంపై మండిపడ్డారు

TG· 1h ago

రోడ్ యాక్సిడెంట్స్ తగ్గించేందుకు కొత్త గైడ్‌లైన్స్

TG: రాష్ట్రంలో రోడ్డు ప్రమాదాలను తగ్గించే లక్ష్యంతో ప్రభుత్వం కొత్త గైడ్‌లైన్స్ జారీ చేసింది. అక్టోబర్ 12న G.O. నంబర్ 48 విడుదల చేసింది. రహదారి భద్రతా నిధుల ఆదాయం, ఖర్చుల వివరాలను ఆన్‌లైన్‌లో పర్యవేక్షించడంతోపాటు, రాష్ట్ర, జిల్లా స్థాయి ఖాతాలకు CAG ఆడిట్ తప్పనిసరి చేసింది. పోలీస్, ఆరోగ్య, రహదారులు, విద్య తదితర శాఖలు రోడ్డు భద్రతపై తీసుకున్న చర్యల వివరాలను మూడు నెలలకోసారి సంబంధిత సంస్థకు అందించేలా గైడ్‌లైన్స్ రూపొందించింది.

▶

TG· 1h ago

పోలీస్ కుటుంబాల్లో బతుకమ్మ సందడి

హైదరాబాద్‌లోని పేట్లబురుజు CAR హెడ్‌క్వార్టర్స్‌లో బతుకమ్మ వేడుకలు జరిగాయి. తెలంగాణ పోలీస్ ఉన్నతాధికారి VC సజ్జనార్ కుటుంబ సమేతంగా ఈ వేడుకల్లో పాల్గొన్నారు. పోలీస్ సిబ్బందితో కలిసి బతుకమ్మ ఆడి పండుగను జరుపుకున్నారు. విధుల్లో బిజీగా ఉండే పోలీస్ కుటుంబాలకు ఈ వేడుకలు ఆనందాన్ని, కొత్త ఉత్సాహాన్ని ఇచ్చాయని సజ్జనార్ తెలిపారు. ఈ సందర్భంగా మహిళలందరికీ బతుకమ్మ శుభాకాంక్షలు చెప్పారు.