రీల్‌ కోసం స్టంట్‌.. చివరికి బైక్‌ సీజ్‌!

By Anusha· 2h ago· X

హర్యానాలోని పంచకుల చండీమందిర్ టోల్ ప్లాజా దగ్గర ఇన్‌స్టా రీల్ కోసం ఓ యువకుడు బైక్‌తో ఫుల్ రిస్క్ స్టంట్ చేశాడు. స్పీడ్‌గా బైక్ నడుపుతూ దానిపై నిల్చొని పోజ్ ఇవ్వబోయి కిందపడ్డాడు. బైక్ డివైడర్‌ను ఢీకొట్టింది. ఈ స్టంట్‌ని అతని ఫ్రెండ్ వీడియో తీశాడు. పోలీసులు ఇద్దరినీ గుర్తించారు. స్టంట్‌కి 25 వేలు, వీడియోకి 20 వేల రూపాయల ఫైన్ వేశారు. రెండు బైక్‌లనూ సీజ్ చేసి కౌన్సెలింగ్ ఇచ్చారు. రీల్స్ కోసం ఇలాంటి రిస్క్‌లు చెయ్యొద్దని పోలీసులు హెచ్చరించారు.

More in National

National· 37m ago

స్పామ్ కాల్స్‌కు TRAI చెక్.!

స్పామ్ కాల్స్‌కు TRAI కొత్త రూల్స్ తెచ్చింది. యూజర్లు కంప్లైంట్ చెయ్యకపోయినా, AI ద్వారా స్పామ్‌గా గుర్తించిన నంబర్లపై టెలికం కంపెనీలు చర్యలు తీసుకోవాల్సి ఉంటుంది. ఒకే వ్యక్తికి చెందిన 5 లేదా అంతకంటే ఎక్కువ నంబర్లు 10 రోజుల్లో స్పామ్‌గా తేలితే కనెక్షన్లపై చర్యలు తప్పవు. తొలిసారి 15 రోజులు అవుట్‌గోయింగ్ కాల్స్ బ్లాక్ చేస్తారు. మళ్లీ తప్పు చేస్తే ఏడాది పాటు అన్ని కనెక్షన్లు కట్ చేసి, బ్లాక్‌లిస్ట్‌లో పెడతారు. ప్రమోషనల్ కాల్స్ ఆపాలంటే 1909కు BLOCK PROMO అని SMS చెయ్యొచ్చు.

National· 1h ago

అనవసరంగా ఢిల్లీకి రావొద్దు: నితిన్‌ నబీన్‌

BJP రాష్ట్రాలు, కేంద్ర పాలిత ప్రాంతాల ఇన్‌చార్జిలతో పార్టీ అధ్యక్షుడు నితిన్‌ నబీన్‌ ఢిల్లీలో సమావేశమయ్యారు. వ్యక్తిగత పనుల కోసం తరచూ ఢిల్లీకి రావొద్దనీ, అప్పగించిన రాష్ట్రాల్లో పార్టీని బలోపేతం చేయడంపై దృష్టి పెట్టాలని సూచించారు. కొందరు నేతలు సీనియర్లను కలవడానికి పదేపదే ఢిల్లీకి వచ్చి సమయం వేస్ట్ చేస్తున్నారన్న ఆయన.. ఇన్‌‌ఛార్జిలు రాష్ట్రాల్లో తరచూ పర్యటించాలనీ, బూత్‌ స్థాయిలో సమావేశాలు నిర్వహించాలని ఆదేశించారు.

National· 1h ago

135 ఏళ్ల లైబ్రరీకి 'కొత్త' కష్టాలు

ఢిల్లీలోని 135 ఏళ్ల సెంట్రల్ సెక్రటేరియట్ లైబ్రరీ కోసం కొత్త చోటు వెతుకుతున్నారు. సెంట్రల్ విస్టా ప్రాజెక్ట్‌లో శాస్త్రి భవన్‌ను కూల్చేయాలని నిర్ణయం తీసుకున్నారు. అందుకోసం సెప్టెంబర్ చివరి నాటికి ఖాళీ చేయాలని ఆదేశాలు ఇచ్చారు. కర్తవ్య భవన్-2లో 300 చదరపు మీటర్ల రెండు గదులు ఇచ్చారు. కానీ 8లక్షల 50 వేల పుస్తకాలు, ప్రభుత్వ రికార్డులు ఉన్న లైబ్రరీకి ఆ స్పేస్ చాలదని కల్చరల్ మినిస్ట్రీ చెప్పింది.

▶

National· 2h ago

అరేబియా సముద్రంలో భారీ డ్రగ్స్‌ సీజ్‌

లక్షద్వీప్‌కి సౌత్ సైడ్‌లో అరేబియా సముద్రంలో సెప్టెంబర్‌ 25న ఇండియన్‌ కోస్ట్‌గార్డ్‌, గుజరాత్‌ ATS కలిసి డ్రగ్స్‌ స్మగ్లింగ్‌ను అడ్డుకున్నాయి. అనుమానిత ఇరానియన్‌ బోటును పట్టుకుని, 526 కేజీల హెరాయిన్‌, methamphetamineను సీజ్‌ చేశారు. వీటి విలువ 3,000 కోట్ల రూపాయలకు పైగా ఉంటుందని అధికారులు తెలిపారు. బోటులో ఉన్న ఐదుగురు పాకిస్థానీ పౌరులను అదుపులోకి తీసుకున్నారు.