బైకులను గాయబ్ చేస్తున్నోళ్ల అరెస్టు

By Anand· 22 Aug 2026

వరుసగా బైకులు దొంగిలిస్తూ, చైన్ స్నాచింగుకు పాల్పడుతున్న ఇద్దరు యువకులను పోలీసులు అరెస్టు చేశారు. వారి నుంచి ఆరు బైకులతో పాటు, తులంన్నర బంగారు గొలుసును స్వాధీనం చేసుకున్నారు.ఈ నెల 18న సారంగాపూర్ మండలం అర్రపెల్లిలో రాత్రి వేళ చైన్ స్నాచింగ్ జరిగింది. బాధితుల ఫిర్యాదుతో విచారణ చేపట్టిన పోలీసులు... పక్కా సమాచారంతో రేచపల్లి ఎక్స్ రోడ్ వద్ద నిందితులు రేగొండ జగదీశ్వర్, ఎలాగందుల పవన్ చందులను అదుపులోకి తీసుకున్నారు. వీరితో పాటు దొంగిలించిన బైకులను కొనుగోలు చేసిన వారిని కూడా అరెస్ట్ చేసి రిమాండ్ చేశారు.

More in Local

Local· 1m ago

చారకొండలో బిజెపి నాయకుల ముందస్తు అరెస్ట్

TG: నాగర్ కర్నూల్ జిల్లా చారకొండలో చలో అసెంబ్లీ కార్యక్రమానికి తరలివెళ్తున్న బీజేపీ, BJYM నాయకులను పోలీసులు సోమవారం ఉదయం ముందస్తుగా అరెస్ట్ చేశారు. బీజేపీ కిసాన్ మోర్చా జిల్లా నాయకుడు చంద్రారెడ్డి, మండల నాయకులు వెంకటేష్ చారి, శ్రీకాంత్, హరిబాబు తదితరులను అదుపులోకి తీసుకుని పోలీస్‌స్టేషన్‌కు తరలించారు. చలో అసెంబ్లీ కార్యక్రమానికి వెళ్లకుండా అడ్డుకోవడంపై బీజేపీ నాయకులు పోలీసుల తీరును తీవ్రంగా ఖండించారు. విద్యార్థుల ఫీజు రీయింబర్స్‌మెంట్ బకాయిల విడుదల కోసం తమ పోరాటం కొనసాగుతుందని స్పష్టం చేశారు.

Local· 6m ago

కల్వకుర్తిలో బిజెపి నాయకుల అరెస్ట్

TG: ఫీజు రీయింబర్స్‌మెంట్ బకాయిలు వెంటనే విడుదల చేయాలని డిమాండ్ చేస్తూ చలో అసెంబ్లీ కార్యక్రమానికి వెళ్తున్న బీజేపీ, BJYM నాయకులను నాగర్ కర్నూల్ జిల్లా కల్వకుర్తి పోలీసులు సోమవారం ఉదయం అరెస్ట్ చేశారు. మొగిలి దుర్గాప్రసాద్, బోడ నర్సింహ, నరేష్ చారి, బాబీ దేవ్, పరశురాములు తదితరులను అదుపులోకి తీసుకుని పోలీస్‌స్టేషన్‌కు తరలించారు. విద్యార్థుల సమస్యలపై ప్రభుత్వం స్పందించాలని, బకాయిలను వెంటనే విడుదల చేయాలని నాయకులు డిమాండ్ చేశారు. విద్యార్థుల హక్కుల కోసం తమ పోరాటం కొనసాగుతుందని నాయకులు స్పష్టం చేశారు.

Local· 22m ago

కరుణాకర్ కుటుంబానికి మిత్రుల ఆర్థిక భరోసా

TG: వరంగల్ జిల్లా నల్లబెల్లి మండలం వేదనగర్‌కు చెందిన స్వర్గీయ కరుణాకర్ కుటుంబాన్ని ఆయన చిన్ననాటి స్నేహితులు సోమవారం పరామర్శించారు. నిరుపేద కుటుంబానికి అండగా నిలిచిన మిత్రులు తమ గ్రూపులోని సభ్యుల నుంచి సేకరించిన రూ.30 వేల ఆర్థిక సాయాన్ని కరుణాకర్ కుమారులకు అందజేశారు. భవిష్యత్తులోనూ కుటుంబానికి తమ వంతు సహకారం అందిస్తామని హామీ ఇచ్చారు. కార్యక్రమంలో బిక్షపతి, నాగరాజు, మోహన్, ప్రవీణ్, శంకర్, రాజేష్, రాజేందర్, సాగర్, సతీష్, మహేందర్, భాస్కర్, స్వామి, ప్రభాకర్ తదితరులు పాల్గొన్నారు.

Local· 25m ago

విద్యార్థుల జీవితాల్లో గురువుల పాత్ర కీలకం

TG: విద్యార్థుల భవిష్యత్తును తీర్చిదిద్దడంలో ఉపాధ్యాయుల పాత్ర అత్యంత కీలకమని షాద్‌నగర్ మండల విద్యాధికారి టీ. మనోహర్ అన్నారు. తెలంగాణ గుర్తింపు పొందిన పాఠశాలల యాజమాన్యాల సంఘం ఆధ్వర్యంలో షాద్‌నగర్‌లోని సాయిరాజా ఫంక్షన్ హాల్‌లో డాక్టర్ సర్వేపల్లి రాధాకృష్ణన్ ఉత్తమ ఉపాధ్యాయుల పురస్కార ప్రదానోత్సవం ఆదివారం రాత్రి ఘనంగా నిర్వహించారు. కార్యక్రమంలో సుమారు 50 పాఠశాలలకు చెందిన 250 మంది ఉపాధ్యాయులు, ప్రధానోపాధ్యాయులు, నిర్వాహకులు పాల్గొన్నారు.