కార్పొరేటర్ చేతిలో చెంపదెబ్బ తిన్న లేడీ డాక్టర్ రాజీనామా !

థానేలోని ఒక మున్సిపల్ ఆస్పత్రిలో శివసేన కార్పొరేటర్ చేతిలో చెంపదెబ్బ తిన్న ఒక మహిళా డాక్టర్ తన పదవికి రాజీనామా చేశారు. అంతకుముందు ఆమెతో పాటు ఉన్న తోటి డాక్టర్ అక్కడి వాతావరణానికి భయపడి ఉద్యోగం వదిలేశారు.ఈ ఘటన జరిగినప్పుడు ఆ కార్పొరేటర్ డాక్టర్‌ను దూషించడమే కాకుండా దాడికి పాల్పడ్డారు. దీనిపై ఆసుపత్రి సిబ్బంది తీవ్ర నిరసన వ్యక్తం చేశారు. ఆసుపత్రిలో తమకు రక్షణ కరువైందని, విపరీతమైన భయాందోళనలు నెలకొన్నాయని వివరిస్తూ మహిళా డాక్టర్ తన రాజీనామా లేఖను సమర్పించారు. ఈ ఘటన స్థానికంగా వైద్య వర్గాల్లో తీవ్ర కలకలం రేపింది.