బావిలో గుర్తుతెలియని మృతదేహం

By ARJUN· 1h ago· Alampur, Alampur, Jogulamba Gadwal

జోగులాంబ గద్వాల్ జిల్లా అలంపూర్ నియోజకవర్గంలోని శాంతినగర్ పట్టణ శివారులో డెడ్‌బాడీ కలకలం రేపింది. జమ్మలమ్మ ఆలయం పక్కన ఉన్న బావిలో గుర్తుతెలియని పురుషుడి మృతదేహం లభ్యమైంది. మృతుడి వయసు సుమారు 25 నుంచి 35 ఏళ్ల మధ్య ఉంటుందని పోలీసులు తెలిపారు. మృతుడిని గుర్తించే ప్రయత్నం చేస్తున్నారు. అతడిని ఎవరైనా గుర్తిస్తే వెంటనే శాంతినగర్ పోలీసులకు సమాచారం ఇవ్వాలని కోరారు. వివరాల కోసం 8712670290 నంబర్‌ను సంప్రదించాలని పోలీసులు సూచించారు.

More in Local

Local· 12m ago

అండర్-12 పరుగు పందెంలో శ్రేయాస్ విజయం

జగిత్యాల జిల్లా మెట్‌పల్లి ప్రాంతంలోని ఆరపేట వాగ్దేవి పాఠశాలకు చెందిన 5వ తరగతి విద్యార్థి అల్లూరి శ్రేయాస్ రెడ్డి అథ్లెటిక్స్ పోటీల్లో ప్రతిభ చాటారు. కోరుట్ల మినీ స్టేడియంలో జరిగిన జిల్లాస్థాయి పోటీల్లో అండర్-12 విభాగం 300 మీటర్ల పరుగు పందెంలో విజయం సాధించారు. దీంతో ఈ నెల 11న ఆసిఫాబాద్‌లో జరగనున్న రాష్ట్ర స్థాయి పోటీలకు ఎంపికయ్యారు. ఈ విషయాన్ని జిల్లా అథ్లెటిక్స్ కార్యదర్శి ముత్తయ్య రెడ్డి తెలిపారు.

Local· 13m ago

బైక్‌పై తీసుకెళ్లి.. ధ్రువీకరణ పత్రం అందేలా కృషి

అల్లూరి జిల్లా అనంతగిరి మండలం ఎన్‌ఆర్‌ పురం పంచాయతీ పరిధిలోని పెదకూనెల గ్రామానికి చెందిన కోటిపర్తి జోగయ్య అనారోగ్యంతో విజయనగరం మహారాజా ఆసుపత్రిలో అక్టోబర్ 3న మృతి చెందారు. మరణ ధ్రువీకరణ పత్రం పొందేందుకు కుటుంబ సభ్యులు ఇబ్బందులు పడుతున్న విషయం తెలుసుకున్న యువ నాయకుడు కోటపర్తి శ్రీను స్పందించారు. తన బైక్‌పై వారిని విజయనగరానికి తీసుకెళ్లి, అవసరమైన ప్రక్రియ పూర్తి చేయించి ధ్రువీకరణ పత్రం అందేలా సహకరించారు.

Local· 15m ago

అభివృద్ధి పనులపై మంత్రి ఫరూక్ సమీక్ష

నంద్యాల క్యాంపు కార్యాలయంలో మంత్రి ఫరూక్ ముఖ్యకార్యకర్తలు, నాయకులతో సమావేశమయ్యారు. ఈ సందర్భంగా నియోజకవర్గ రాజకీయ పరిస్థితులు, అభివృద్ధి పనుల పురోగతిపై చర్చించారు. అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా నాయకులు, కార్యకర్తలు కృషి చేయాలని మంత్రి సూచించారు. ప్రజలు ఎదుర్కొంటున్న సమస్యలను గుర్తించి, వాటి పరిష్కారానికి కార్యకర్తలు చొరవ చూపాలని చెప్పారు. ప్రజలకు అందుబాటులో ఉంటూ వారి సమస్యలను అధికారుల దృష్టికి తీసుకెళ్లాలని పిలుపునిచ్చారు.

ప్రభుత్వ పథకాలను వినియోగించుకోవాలి: ఎమ్మెల్యే

▶

Local· 17m ago

ప్రభుత్వ పథకాలను వినియోగించుకోవాలి: ఎమ్మెల్యే

పేదలకు సంక్షేమ పథకాలు అందాలంటే కూటమి ప్రభుత్వంతోనే సాధ్యమవుతుందని ఎమ్మెల్యే డాక్టర్ కోండ్రు మురళి మోహన్ పేర్కొన్నారు. విజయనగరం జిల్లా రాజాంలో జరిగిన కార్యక్రమంలో ఆయన మాట్లాడారు. గత ప్రభుత్వ హయాంలో అభివృద్ధి కుంటుపడిందని, కూటమి ప్రభుత్వం అధికారంలోకి వచ్చిన తర్వాత అన్ని వర్గాలకు న్యాయం జరుగుతోందని తెలిపారు. ప్రజలకు ఇచ్చిన హామీలను నెరవేరుస్తూ సంక్షేమంతో పాటు అభివృద్ధికి ప్రభుత్వం కట్టుబడి ఉందన్నారు. అర్హులైన ప్రతి ఒక్కరికి ఇళ్లు ఇస్తామన్నారు.