ప్రశాంత వాతావరణంలో పరీక్షలు: కలెక్టర్

By Bala· 2h ago

మెదక్ జిల్లాలో ఈ నెల 24న నిర్వహించనున్న టీజీపీఎస్సీ పరీక్షలను ఎలాంటి అవకతవకలకు తావులేకుండా పారదర్శకంగా నిర్వహిస్తామని కలెక్టర్ ప్రతిమా సింగ్ తెలిపారు. నర్సాపూర్‌లోని బీవీఆర్‌ఐటీ పరీక్షా కేంద్రాన్ని ఆమె పరిశీలించారు. పరీక్ష ప్రారంభానికి గంట ముందే కేంద్రాల గేట్లు మూసివేస్తామని స్పష్టం చేశారు. అభ్యర్థులు నిబంధనలు తప్పనిసరిగా పాటించాలని, పరీక్ష హాల్లోకి ఎలక్ట్రానిక్ పరికరాలను అనుమతించబోమని వెల్లడించారు.

More in Local

Local· 1m ago

అందరూ సుభిక్షంగా ఉండాలి.: గోవిందరావు

శ్రీకాకుళం జిల్లా బీజేపీ ఉపాధ్యక్షుడు వేల్పుల గోవిందరావు దసరా శుభాకాంక్షలు తెలిపారు. సోమవారం బీజేపీ మండల క్యాంపు కార్యాలయంలో మండలం, ఆమదాలవస నియోజకవర్గ ప్రజలకు ఆయన శుభాకాంక్షలు చెప్పారు. చెడుపై మంచి సాధించిన విజయానికి విజయదశమి ప్రతీక అని అన్నారు. ప్రజల జీవితాల్లో సుఖసంతోషాలు, ఆయురారోగ్యాలు నిండాలని ఆకాంక్షించారు. రాష్ట్రం అన్ని రంగాల్లో అభివృద్ధి పథంలో దూసుకుపోవాలని, రైతాంగం పాడిపంటలతో సుభిక్షంగా ఉండాలని కోరారు.

▶

Local· 6m ago

పలమనేరు వార్డు నామినేషన్లు: 104 ఆమోదం!

చిత్తూరు జిల్లా పలమనేరు పురపాలక ఎన్నికలకు సంబంధించి 36 వార్డుల నామినేషన్ల పరిశీలన సోమవారం ప్రశాంతంగా ముగిసింది. మొత్తం 150 నామినేషన్లలో 104 ఆమోదం పొందగా, 12 తిరస్కరణకు గురయ్యాయి. మున్సిపల్ కమిషనర్ కె. లోకేశ్వర వర్మ ఈ వివరాలు తెలిపారు. నామినేషన్ల ఉపసంహరణకు అక్టోబర్ 21 మధ్యాహ్నం 3 గంటల వరకు సమయం ఉంది. అందరూ ఎన్నికల నియమావళిని పాటించాలని ఆయన విజ్ఞప్తి చేశారు.

Local· 11m ago

Guntur మేయర్ ఎన్నిక కోసం 19 నామినేషన్లు!

గుంటూరు నగరపాలక సంస్థ మేయర్ ఎన్నికకు 20 నామినేషన్లు దాఖలయ్యాయి. సోమవారం స్క్రూట్నీ అనంతరం 19 అర్హత పొందగా, ఒకటి తిరస్కరణకు గురైంది. TDP, YCPకి మూడేసి నామినేషన్లు అర్హత సాధించాయి. Congressకు మూడు నామినేషన్లు ఆమోదం పొందాయి. ఇతర పార్టీలతోపాటు నలుగురు స్వతంత్ర అభ్యర్థుల నామినేషన్లు కూడా అర్హత పొందాయి. ఈ నెల 21న ఉపసంహరణ అనంతరం తుది జాబితా ప్రకటిస్తామని కమిషనర్ కె. మయూర్ అశోక్ తెలిపారు.

▶

Local· 16m ago

కనిగిరిలో నామినేషన్లపై దౌర్జన్యం!

మార్కాపురం జిల్లా కనిగిరి మున్సిపాలిటీలో 32 వార్డుల ఎన్నికల నామినేషన్లపై వివాదం చెలరేగింది. YCP అభ్యర్థులను నామినేషన్ వేయకుండా అడ్డుకున్నారని ఆరోపణలు వస్తున్నాయి. పోలీసులను తప్పించి TDPకి చెందిన 150-200 మంది బయటి వ్యక్తులు నామినేషన్ కేంద్రంలోకి చొరబడి పత్రాలు చించారని, దాడులకు పాల్పడ్డారని బాధితులు చెబుతున్నారు. ఈ ఘటనపై SP, కలెక్టర్‌కు ఫిర్యాదు చేసినా స్పందన లేదన్నారు. నిష్పక్షపాతంగా ఎన్నికలు జరపాలని, రీనోటిఫికేషన్ ఇవ్వాలని ప్రజలు కోరుతున్నారు.