అనంతపురంలో హైటెన్షన్
By DK· 9 Jul 2026· అనంతపురం జిల్లా
AP: అనంతపురంలో TDP MLA ఎంఎస్ రాజు, YSRCP మాజీ MLA తోపుదుర్తి ప్రకాశ్రెడ్డిలు సవాళ్లు, ప్రతి సవాళ్లు చేసుకోవడంతో టెన్షన్ వాతావరణం నెలకుంది. తనపై చేసిన ఆరోపణలను నిరూపించాలని ఎంఎస్ రాజు సవాల్ చేయగా, ఆరోపణలు నిరూపించకపోవడంతో ప్రకాశ్ రెడ్డి ఇంటిని ముట్టడిస్తామని ప్రకటించారు. తన నివాసానికి TDP శ్రేణులు వస్తే రాళ్లతో దాడి చేసేందుకు ప్రకాశ్ రెడ్డి కంకరను సిద్ధం చేసినట్లు సమాచారం. దీంతో పోలీసులు అప్రమత్తమై కంకరను తొలగించారు. ఇరువర్గాల కార్యకర్తలు రోడ్డుపైకి చేరుకోవడంతో వారి ఇళ్ల వద్ద భారీ పోలీసు బందోబస్తు ఏర్పాటు చేశారు.
