ఈ రోజు తెలంగాణ ఇంటర్ ఫలితాలు.. ఉదయం 11 గంటలకు విడుదల!

By sahani· 12 Apr 2026· Telugu Report· Telangana

తెలంగాణ ఫస్ట్ ఇయర్, సెకండ్ ఇయర్ రిసల్ట్స్ ఆదివారం ఉదయం పదకొండు గంటలకు విడుదల కానున్నాయి. ప్రభుత్వ సలహాదారు కె. కేశవరావు, విద్యాశాఖ కార్యదర్శి యోగితా రాణా వీటిని విడుదల చేస్తారు. విద్యార్థులు తమ ఫలితాలను అధికారిక వెబ్‌సైట్‌లతో పాటు, 80969 58096 నంబర్‌కు వాట్సప్‌లో ‘Hi’ అని మెసేజ్ చేసి కూడా సులభంగా రిసల్ట్స్ updates పొందవచ్చు. ఈ ఇయర్ దాదాపు తొమ్మిదిన్నర లక్షల మంది స్టూడెంట్స్ ఈ ఎక్షామ్స్ కి అటెండ్ అయ్యారు.

More in Local

Local· 2m ago

ఘనంగా ఉస్మానియా యూనివర్సిటీ స్నాతకోత్సవం

TG: హైదరాబాద్‌లోని ఉస్మానియా విశ్వవిద్యాలయం స్నాతకోత్సవం ఘనంగా నిర్వహించారు. హైదరాబాద్ జిల్లాలో జరిగిన ఈ కార్యక్రమానికి తెలంగాణ రాష్ట్ర గవర్నర్, ఉస్మానియా విశ్వవిద్యాలయ ఛాన్సలర్ శివప్రతాప్ శుక్లా ముఖ్యఅతిథిగా హాజరయ్యారు. భారత్ బయోటెక్ చైర్మన్ డా. కృష్ణ ఎల్లా పాల్గొన్నారు. ఉస్మానియా విశ్వవిద్యాలయ వైస్ ఛాన్సలర్ ప్రొఫెసర్ కుమార్ మొగులం అధ్యక్షతన స్నాతకోత్సవ కార్యక్రమం జరిగింది. ఈ సందర్భంగా విద్యార్థులు, అధ్యాపకులు, విశ్వవిద్యాలయ అధికారులు పాల్గొన్నారు.

Local· 5m ago

బీర్పూర్ కిడ్నాప్ కేసు ఛేదన.. సిబ్బందికి ప్రశంసలు

TG: కిడ్నాప్ కేసును కొన్ని గంటల్లోనే ఛేదించడంలో కీలకంగా వ్యవహరించిన పోలీసు సిబ్బంది, గ్రామస్తులను జిల్లా ఎస్పీ అశోక్ కుమార్ అభినందించి బహుమతులు అందజేశారు. జగిత్యాల జిల్లా బీర్పూర్ పోలీస్ స్టేషన్ పరిధిలో కేసు ఛేదనలో కానిస్టేబుల్ మల్లేష్‌తో పాటు రాజారాంపల్లి గ్రామస్తులు సతీష్, ఏడుకొండలు సహకరించారు. పోలీసులకు ప్రజల సహకారం ఎంతో కీలకమని ఎస్పీ తెలిపారు. కేసు ఛేదనలో కృషి చేసిన జగిత్యాల రూరల్ CI సుధాకర్, SI రాజు, సిబ్బందిని కూడా అభినందించారు. కార్యక్రమంలో DSP పురుషోత్తం రెడ్డి పాల్గొన్నారు.

Local· 7m ago

తాత మధును బర్తరఫ్‌ చేయాలని కాంగ్రెస్ ధర్నా

TG: BRS ఎమ్మెల్సీ తాత మధును బర్తరఫ్ చేయాలని డిమాండ్ చేస్తూ కాంగ్రెస్ నాయకులు ధర్నా నిర్వహించారు. జగిత్యాల జిల్లా గొల్లపల్లి మండల కేంద్రంలో కాంగ్రెస్ పార్టీ ఆధ్వర్యంలో చేపట్టిన ఆందోళనలో, శాసనసభ స్పీకర్ గడ్డం ప్రసాద్ తల్లి గురించి తాత మధు అనుచిత వ్యాఖ్యలు చేశారంటూ నాయకులు ఆరోపించారు. తాత మధుపై కఠిన చర్యలు తీసుకోవాలని, ప్రజాప్రతినిధులు బాధ్యతాయుతంగా వ్యవహరించాలని డిమాండ్ చేశారు. కార్యక్రమంలో కాంగ్రెస్ పార్టీ నాయకులు, కార్యకర్తలు పాల్గొన్నారు.

Local· 9m ago

దళితులను అవమానిస్తే సహించం: KPVS

TG: దళిత స్పీకర్‌పై ఎమ్మెల్సీ తాత మధు చేసిన అనుచిత వ్యాఖ్యలను తీవ్రంగా ఖండిస్తున్నామని KPVS జిల్లా నాయకుడు ఎడ్ల సురేష్ అన్నారు. వికారాబాద్ జిల్లా బషీరాబాద్ మండలంలో ఆయన మాట్లాడుతూ.. దళితులను అవమానించే వ్యాఖ్యలను సహించబోమన్నారు. ఎమ్మెల్సీ తాతా మధుపై కఠిన చర్యలు తీసుకోవాలని డిమాండ్ చేశారు. దళితుల ఆత్మగౌరవం, సామాజిక న్యాయం కోసం పోరాడుతామని తెలిపారు. అంబేడ్కర్ ఆలోచనలను ఆదర్శంగా తీసుకుని ముందుకు సాగుతామని ఎడ్ల సురేష్ పేర్కొన్నారు.