మహిళల భద్రత ప్రతి ఒక్కరి బాధ్యత

కాకినాడ జిల్లా పెద్దాపురం మహారాణి కళాశాలలో మహిళలు, చిన్నారుల భద్రత, శక్తి యాప్, సైబర్ నేరాల నివారణపై పోలీసులు ప్రత్యేక అవగాహన కార్యక్రమం నిర్వహించారు. సీఐ వైఆర్‌కే శ్రీనివాస్ విద్యార్థులకు శక్తి యాప్ వినియోగం, గుడ్ టచ్–బ్యాడ్ టచ్, పోక్సో చట్టం, లవ్ ట్రాప్స్, డ్రగ్స్ ప్రమాదాలు, రోడ్డు భద్రత, యాంటీ ర్యాగింగ్ అంశాలపై అవగాహన కల్పించారు. అత్యవసర పరిస్థితుల్లో 100, 112 లేదా శక్తి యాప్ ద్వారా వెంటనే పోలీసులను సంప్రదించాలని సూచించారు. ఈవ్ టీజింగ్, ర్యాగింగ్, సైబర్ మోసాల పట్ల అప్రమత్తంగా ఉండాలన్నారు.