SFI, DYFI, AISF, AIYF ఆధ్వర్యంలో 'తిరంగా మార్చ్'

By Vishi· 3h ago

CEC జ్ఞానేష్ కుమార్ రిజైన్ చేయాలని డిమాండ్ చేస్తూ ఢిల్లీలో వామపక్ష విద్యార్థి, యువజన సంఘాల ఆధ్వర్యంలో భారీ నిరసన ప్రదర్శన జరిగింది. SFI, DYFI, AISF, AIYF సంఘాల ప్రతినిధులు, నాయకులు ఈ 'తిరంగా మార్చ్' నిరసన ర్యాలీ నిర్వహించారు. CPI రాజ్యసభ సభ్యుడు పి.సంతోష్ కుమార్ మాట్లాడుతూ పోలీసుల చర్యలకు తాము భయపడేది లేదని స్పష్టం చేశారు. రాబోయే రోజుల్లో ఈ పోరాటం మరింత తీవ్రరూపం దాలుస్తుందన్నారు. జ్ఞానేష్ కుమార్ రాజీనామా చేసేవరకు ఊరుకోం అని చెప్పారు.

More in National

National· 2h ago

శేషన్ లాంటి అధికారులు కావాలి

దేశంలో పారదర్శకమైన ఎన్నికల వ్యవస్థను, ప్రజాస్వామ్య బద్ధమైన పాలనను కాపాడుకోవడానికి మాజీ CEC టి.ఎన్.శేషన్ లాంటి అధికారులు అవసరమని ఢిల్లీకి చెందిన ఆర్.కె. శర్మ అన్నారు. 60 ఏళ్ల ఆయన ఢిల్లీలోని కన్నాట్ ప్లేస్ వద్ద ఉన్న సెంట్రల్ పార్క్ బయట జరిగిన 'తిరంగా మార్చ్'కు హాజరయ్యారు. గతంలో శేషన్ CEC గా ఉన్నప్పుడు రూల్స్‌ని కఠినంగా వర్తింపజేశారని అన్నారు. ప్రస్తుతం ఎన్నికల వ్యవస్థపై ప్రజల్లో మళ్లీ నమ్మకాన్ని పునరుద్ధరించాల్సిన బాధ్యత ఉందని చెప్పారు.

అంకితా భండారీ కోసం కాంగ్రెస్ సేవాదళ్ క్యాండిల్ మార్చ్

▶

National· 3h ago

అంకితా భండారీ కోసం కాంగ్రెస్ సేవాదళ్ క్యాండిల్ మార్చ్

అంకితా భండారీ హత్య కేసులో బాధితురాలికి న్యాయం చేయాలని డిమాండ్ చేస్తూ ఢిల్లీలో కాంగ్రెస్ సేవాదళ్ ఆధ్వర్యంలో క్యాండిల్ మార్చ్ నిర్వహించారు. 19 ఏళ్ల అంకిత 2022 సెప్టెంబర్‌లో హత్యకు గురైంది. నిందితులకు కోర్టు జీవిత ఖైదు విధించింది. ఈ హత్య వెనుక ఉన్న 'VIP' ఎవరనే కోణంపై విచారణ జరగాలనే డిమాండ్లు కొనసాగుతున్నాయి. ఇటీవల అంకితా భండారి తల్లిదండ్రులు, కాంగ్రెస్ నేతలు రాహుల్ గాంధీ, ప్రియాంకా గాంధీ తదితరులు ఢిల్లీలోని ఇండియా గేట్ వద్ద నిరసన దీక్ష చేపట్టారు.

అనుమతి నిరాకరణ.. అయినా సాగిన 'లెహ్రా దో తిరంగా'

▶

National· 4h ago

అనుమతి నిరాకరణ.. అయినా సాగిన 'లెహ్రా దో తిరంగా'

బెంగళూరులో 'లెహ్రా దో తిరంగా' (Lehra Do Tiranga) నిరసన మార్చ్ ఉద్రిక్తతకు దారితీసింది. జాతీయ జెండాను ఎగరేసే విషయంలో తమ నాయకులపై అక్రమ కేసులు పెట్టి, జైలుపాలు చేయడాన్ని నిరసిస్తూ CJP ఈ నిరసనలకు <a href="https://www.theclearcutnews.com/n/xgBE96S">పిలుపునిచ్చింది</a>. బెంగళూరులోని టౌన్ హాల్ నుంచి క్విట్ ఇండియా మెమోరియల్ వరకు 'తిరంగా మార్చ్' నిర్వహించాలని నిర్ణయించారు. అయితే పోలీసులు మార్చ్‌కు అనుమతి నిరాకరించారు. వాటిని కాదని నిరసనకారులు వీధుల్లో జాతీయ జెండాలతో 'లేహ్రా దో తిరంగా' మార్చ్‌ చేపట్టారు.

National· 5h ago

Breakup తర్వాత ప్రియురాలి హత్య

కేరళలోని ఇడుక్కి జిల్లా పూపారా టీ ఎస్టేట్ దగ్గర దారుణం జరిగింది. 18 ఏళ్ల నిత్యను ఆమె మాజీ ప్రియుడు 19 ఏళ్ల నిషాంత్ హత్య చేసినట్లు పోలీసులు తెలిపారు. గతంలో రిలేషన్‌లో ఉన్న వీరిద్దరూ విడిపోయారు. అక్టోబర్ 11న మాట్లాడుకుందామని నిత్యను పిలిచిన నిషాంత్.. గొడవ తర్వాత రాయితో కొట్టి చంపినట్లు పోలీసులు చెబుతున్నారు. ఆపై మృతదేహంపై పెట్రోల్ పోసి నిప్పంటించాడు. పోలీసులు నిషాంత్‌ను అరెస్ట్ చేశారు. ప్రేమ వ్యవహారాల్లో ఇలాంటి దారుణాలు దేశవ్యాప్తంగా తరచూ వెలుగులోకి రావడం ఆందోళన కలిగిస్తోంది.