🚨 Fake News ఎందుకు మళ్లీ మళ్లీ వైరల్ అవుతుందో తెలుసా? 👀

ఒక ఫేక్ న్యూస్ ఒక్కసారి వైరల్ అయితే.. మళ్లీ మళ్లీ మన ముందుకు ఎందుకు వస్తుంది? దీనికి మన మెదడు, సోషల్ మీడియా రెండూ కారణమే. భయం, కోపం, ఆశ్చర్యం కలిగించే వార్తలు మన దృష్టిని త్వరగా ఆకర్షిస్తాయి. మనకు నచ్చిన అభిప్రాయాలకు సరిపోయే విషయం కనిపిస్తే, నిజమా కాదా అని చెక్ చేయకుండానే నమ్మే అవకాశం ఉంటుంది. ఒకే విషయం పదేపదే కనిపిస్తే అది నిజమేనన్న భావన కలగొచ్చు. ఒకరు షేర్ చేస్తే మరొకరు ఫార్వర్డ్ చేస్తారు. ఇలా వార్త వేగంగా వ్యాపిస్తుంది. వైరల్ అయిందంటే నిజమని కాదు, షేర్ చేసే ముందు మూలం, తేదీ చెక్ చేయడం ముఖ్యం.