చాకలి ఐలమ్మ ఆశయాలను ఆదర్శంగా తీసుకోవాలి: కలెక్టర్

By Bala· 2h ago

TG: చాకలి ఐలమ్మ వర్ధంతి సందర్భంగా సమీకృత జిల్లా కలెక్టరేట్‌లో ఘనంగా నివాళులు అర్పించారు. కలెక్టర్ కోయ శ్రీహర్ష, అదనపు కలెక్టర్ బి. శ్రీరాములు ఐలమ్మ చిత్రపటానికి పూలమాలలు వేసి నివాళులర్పించారు. పేదల భూములు, హక్కుల కోసం ఆమె చేసిన పోరాటం చిరస్మరణీయమని కలెక్టర్ అన్నారు. ఐలమ్మ ఆశయాలను ప్రతి ఒక్కరూ ఆదర్శంగా తీసుకోవాలని పిలుపునిచ్చారు.

More in TG

TG· 1h ago

ములుగులో రైస్ మిల్లర్ల మహా ధర్నా

TG: ములుగు జిల్లా కేంద్రంలో రైస్ మిల్లర్ల అసోసియేషన్ ఆధ్వర్యంలో మహా ధర్నా కొనసాగుతోంది. తమ సమస్యలను పరిష్కరించాలని డిమాండ్ చేస్తూ మిల్లర్లు ప్లకార్డులతో జాతీయ రహదారిపై ర్యాలీ నిర్వహించారు. అనంతరం పోస్టాఫీస్ ఎదుట ఏర్పాటు చేసిన టెంట్ వద్ద ఆందోళన చేపట్టనున్నారు. విజిలెన్స్ దాడులు నిలిపివేయాలని, గోదాముల్లో స్థలం కేటాయించాలని, మిల్లింగ్ ఛార్జీలు పెంచాలని ప్రభుత్వాన్ని కోరుతున్నారు.

TG· 1h ago

MGU ఎంఈడీ పరీక్షల షెడ్యూల్ విడుదల

TG: మహాత్మా గాంధీ విశ్వవిద్యాలయం పరిధిలో ఎంఈడీ సెమిస్టర్‌–2 రెగ్యులర్‌ పరీక్షల షెడ్యూల్‌ విడుదలైంది. ఈ నెల 23 నుంచి అక్టోబర్‌ 3 వరకు పరీక్షలు నిర్వహించనున్నట్లు పరీక్షల నియంత్రణ అధికారి డాక్టర్‌ ఉపేందర్‌రెడ్డి తెలిపారు. విద్యార్థులు పరీక్షల తేదీలను ముందుగానే పరిశీలించి, అందుకు అనుగుణంగా సన్నద్ధం కావాలని సూచించారు. పూర్తి పరీక్షల షెడ్యూల్‌ను MGU అధికారిక వెబ్‌సైట్‌లో అందుబాటులో ఉంచినట్లు తెలిపారు.

TG· 1h ago

నారాయణపేటలో వ్యభిచార ముఠా గుట్టురట్టు

TG: నారాయణపేట జిల్లా మక్తల్ పట్టణంలో వ్యభిచార ముఠా గుట్టురట్టైంది. నారాయణపేట రోడ్డులోని ఎస్వీఎస్ లాడ్జిపై ఎస్సై రాజు ఆధ్వర్యంలో పోలీసులు ఇవాళ దాడి చేశారు. లాడ్జి యజమాని భాస్కర్‌రెడ్డి, సహాయకుడు లింగప్పతో పాటు ముగ్గురు పురుషులు, ఏడుగురు మహిళలను అదుపులోకి తీసుకున్నారు. వారి నుంచి 10 సెల్‌ఫోన్లు, రూ.7,800 నగదు, రెండు బైక్‌లను స్వాధీనం చేసుకున్నారు. కేసు నమోదు చేసి దర్యాప్తు చేపట్టారు.

TG· 2h ago

గద్వాలలో కలకలం.. ప్రేమ జంట ఇంటిపై జేసీబీ దాడి

TG: జోగులాంబ గద్వాల జిల్లాలో దారుణం చోటుచేసుంది. ప్రేమ వివాహం చేసుకున్న దళిత యువకుడి ఇంటిని యువతి కుటుంబ సభ్యులు కూల్చేశారు. గద్వాల మండలం రేపల్లెలో ఈ ఘటన చోటుచేసుకుంది. గ్రామానికి చెందిన ఓ యువతి, యువకుడు ఇటీవల హైదరాబాద్‌లో ప్రేమ వివాహం చేసుకున్నారు. ఈ విషయం తెలుసుకున్న యువతి కుటుంబ సభ్యులు ఆగ్రహంతో యువకుడి ఇంటిపై దాడికి పాల్పడ్డారు. జేసీబీలతో ఇంటిని కూల్చివేశారు. దీంతో గ్రామంలో ఉద్రిక్త పరిస్థితులు ఏర్పడ్డాయి. పోలీసులు అక్కడికి చేరుకున్నారు.