విద్యే విముక్తి మార్గం - జ్యోతిబా ఫూలేకి నివాళులు

విద్య లేకపోతే జ్ఞానం నశిస్తుంది.. జ్ఞానం లేకపోతే నైతికత పోతుంది.. నైతికత లేకపోతే అభివృద్ధి ఆగిపోతుంది.. అభివృద్ధి లేకపోతే సంపద ఉండదు.. సంపద లేకపోతే దళితులు అణగారిన వర్గాలు నాశనమైపోతారు. ఒక్క విద్య లేకపోవడం వల్లే ఇన్ని అనర్థాలు జరుగుతాయి. అన్న నినాదంతో సమాజంలో చైతన్యం రగిలించిన సామాజిక విప్లవకారుడు మహాత్మా జ్యోతిబా ఫూలే. ఇవాళ ఆయన జయంతి. మహారాష్ట్రలో పుణెలో 1827 ఏప్రిల్ 11న జన్మించారు. ముఖ్యంగా మహిళా విద్య కోసం తన జీవితాన్ని అంకితం చేసిన ధన్యజీవి ఫూలే. బ్రాహ్మణులే చదువుకోవాలన్న ఆధిపత్య ధోరణిపై తిరుగుబాటు చేసి 1848లోనే దేశంలోనే మొదటి బాలికల పాఠశాలను ప్రారంభించారు. భార్య సావిత్రిబాయి ఫూలేను విద్యావంతురాలిని చేశారు. ఆ మహనీయునికి తెలుగు రిపోర్ట్ ఘన నివాళులర్పిస్తోంది.