ఒక్కప్పుడు మావోయిస్టు.. ఇప్పుడు యూనివర్సిటీ ఉద్యోగి!

By Sharmila· 2h ago· Thehindu

ఒకప్పుడు అడవుల్లో మావోయిస్టు అగ్రనేతగా, ₹6 కోట్ల రివార్డుతో ఉన్న మల్లోజుల.వేణుగోపాల్ జీవితం ఇప్పుడు పూర్తిగా మారిపోయింది. 2025 అక్టోబర్ 15న లొంగిపోయిన ఆయన, ప్రస్తుతం గోండ్వానా యూనివర్సిటీలో ఉద్యోగిగా పనిచేస్తున్నారు. తుపాకీ పట్టిన చేతులు ఇప్పుడు ల్యాప్‌టాప్‌పై పనిచేస్తున్నాయి. గ్రామసభల అభివృద్ధి కోసం సమన్వయకర్తగా బాధ్యతలు నిర్వహిస్తున్నారు. అడవి జీవితం నుంచి ఆఫీసు ఉద్యోగం వరకు ఆయన ప్రయాణం ఆసక్తికరంగా మారింది.

More in National

National· 36m ago

ఇకపై Flightsలో ఈ పవర్ బ్యాంక్ బ్యాన్!

ఫ్లైట్‌లో పవర్ బ్యాంక్ తీసుకెళ్లేవారికి అలర్ట్! MOBIKINS MK-PB-04 మోడల్ పవర్ బ్యాంక్‌ను విమానాల్లో తీసుకెళ్లడంపై DGCA బ్యాన్ చేసింది. ఇటీవల ఇండిగో ఫ్లైట్‌లో ఈ <a href="https://www.theclearcutnews.com/n/vFNDrYE">పవర్ బ్యాంక్‌లో మంటలు</a> చెలరేగడంతో ఈ డెసిషన్ తీసుకుంది. ఇండియా నుంచి వెళ్లే, ఇండియాకు వచ్చే, దేశంలో తిరిగే ఫ్లైట్స్‌లో దీన్ని క్యాబిన్ బ్యాగ్, చెక్-ఇన్ బ్యాగ్‌లోనే కాదు.. కార్గోలోనూ తీసుకెళ్లకూడదు. ఈ బ్యాన్ అన్ని పవర్ బ్యాంకులకు కాదు.. ఈ మోడల్‌కు మాత్రమే అప్లై అవుతుందని DGCA తెలిపింది.

National· 41m ago

సంప్రదాయ విత్తన సంరక్షకుడు చెరువాయల్ రామన్ కన్నుమూత

కేరళంలోని వయనాడ్‌కు చెందిన ప్రముఖ సంప్రదాయ వరివిత్తన సంరక్షకుడు, పద్మశ్రీ పురస్కార గ్రహీత చెరువాయల్ రామన్(74) ఇవాళ కన్నుమూశారు. ఆరోగ్య సమస్యలతో బాధపడుతున్న ఆయన కోళికోడ్ మెడికల్ కాలేజీ హాస్పిటల్లో చికిత్స పొందుతూ మరణించారు. దాదాపు 50కి పైగా అరుదైన సంప్రదాయ వరి రకాలను ఆయన కాపాడారు. దేశీయ విత్తనాల సంరక్షణకు జీవితాన్ని అంకితం చేసిన ఆయనను స్థానికంగా ప్రజలు 'నెల్లాచన్' (వరి విత్తనాల తండ్రి) అని ఆప్యాయంగా పిలుచుకుంటారు.

National· 46m ago

ఓటు హక్కు కోసం పోరాడితే అరెస్టు చేస్తారా?

సౌరవ్ దాస్, ఆశుతోష్ రంకా అరెస్టును CPI(M) తీవ్రంగా ఖండించింది. ఓటు హక్కును కాపాడాలని కోరడం నేరమా? జాతీయ జెండాను ఎగురవేయడం శాంతిభద్రతలకు భంగం కలిగించడమా?అని అమిత్ షా, ఢిల్లీ పోలీసులను ప్రశ్నించింది. వారిని వెంటనే విడుదల చేయాలని డిమాండ్ చేసింది. ప్రజాస్వామ్యంలో ఓటు హక్కు ఎంతో ముఖ్యమని, దాని కోసం శాంతియుతంగా నిరసన తెలిపే హక్కు ప్రతి ఒక్కరికీ ఉందని చెప్పింది. ఓటు హక్కును కాపాడేందుకు జరిగే నిరసనలను అడ్డుకోవద్దని CPI(M) తన 'X' పోస్టులో స్పష్టం చేసింది.

నేరస్తులను వీధుల్లోకి వదులుతున్న BJP: ప్రకాశ్‌రాజ్

▶

National· 56m ago

నేరస్తులను వీధుల్లోకి వదులుతున్న BJP: ప్రకాశ్‌రాజ్

CJP నేతలు సౌరవ్ దాస్, అశుతోష్ రంకాలను ఐదు రోజుల జ్యుడీషియల్ కస్టడీకి తరలించడాన్ని నటుడు, సామాజిక కార్యకర్త ప్రకాశ్ రాజ్ తీవ్రంగా ఖండించారు. ఢిల్లీలో జాతీయ జెండాను ప్రదర్శించినంత మాత్రాన వాళ్లను అర్ధరాత్రి 3 గంటలకు మేజిస్ట్రేట్ ముందు హాజరుపరిచి, కస్టడీకి పంపడం సరికాదన్నారు. శాంతిభద్రతలకు విఘాతం కలిగించని వారిని అణగదొక్కి, నేరస్థులను మాత్రం వీధుల్లోకి వదిలేస్తున్నారని విమర్శించారు. ఈ అన్యాయాన్ని, పక్షపాత వైఖరిని ఆయన తీవ్రంగా తప్పుబట్టారు.