నీట మునిగిన స్మశాన వాటిక

By Y Nanibabu· 23h ago

కాకినాడ జిల్లా పిఠాపురం నియోజకవర్గంలోని గొల్లప్రోలు పట్టణంలో ఎస్సీ కాలనీకి సమీపంలో ఉన్న దళితుల స్మశాన వాటిక భారీ వర్షాలకు నీట మునిగింది. రెండు రోజులుగా కురుస్తున్న వర్షాలకు సుద్దగడ్డ కాలువ ద్వారా వరద నీరు స్మశాన వాటికలోకి చేరింది. దీంతో మొత్తం ప్రాంగణం నీటితో నిండిపోయి చెరువును తలపిస్తోంది. ఇలాంటి పరిస్థితుల్లో ఎవరైనా మృతి చెందితే అంత్యక్రియలు నిర్వహించడం ఎలా అని స్థానిక దళితులు ఆవేదన వ్యక్తం చేస్తున్నారు. సంబంధిత శాఖ అధికారులు చర్యలు తీసుకోవాలని కోరుతున్నారు.

More in Local

Local· 6m ago

టీచర్లపై దాడి చేయడం సరికాదు: MLA

బాపట్ల జిల్లా చీరాలలో ఉపాధ్యాయులపై దాడి ఘటనను MLA మాలకొండయ్య తీవ్రంగా తప్పుబట్టారు. AP Skill Development Corporation ఆధ్వర్యంలో చీరాలలో నిర్వహించిన జాబ్ మేళాను ఆయన ప్రారంభించారు. DSC నియామకాల విషయంలో YCP తీరుపై విమర్శలు చేశారు. కష్టపడి ఉద్యోగాలు సాధించిన ఉపాధ్యాయులపై కోడిగుడ్లు, రాళ్లతో దాడి చేయడం దారుణమని ఆరోపించారు. గత YCP ప్రభుత్వంలో నిరుద్యోగులకు ఉద్యోగాలు కల్పించలేదని, ఉద్యోగాలు ఇస్తున్న కూటమి ప్రభుత్వాన్ని విమర్శించడం విడ్డూరంగా ఉందన్నారు.

Local· 10m ago

గురుకుల విద్యార్థినుల ఆటో బోల్తా

నెల్లూరు జిల్లా తోటపల్లిగూడూరు మండలం మహాలక్ష్మీపురం ప్రభుత్వ బాలికల గురుకుల పాఠశాలకు చెందిన విద్యార్థినులు ప్రయాణిస్తున్న ఆటో బోల్తాపడింది. సచివాలయంలో నిర్వహిస్తున్న Information Technology క్లాసులకు విద్యార్థినులను మూడు ఆటోల్లో ప్రిన్సిపాల్ పంపించారు. ఎదురుగా వచ్చిన సిమెంట్ ఆటో ఢీకొనడంతో ఓ ఆటో అదుపుతప్పి బోల్తాపడింది. ప్రమాదంలో ఎనిమిది మంది విద్యార్థినులు గాయపడగా ప్రభుత్వ ఆస్పత్రికి తరలించారు. తీవ్రంగా గాయపడిన టీచర్‌ను KIMSకు తీసుకెళ్లారు.

Local· 24m ago

బంకించంద్ర చటర్జీని స్మరించుకోవాలి: MLA

వందేమాతరం గేయం ప్రతి ఒక్కరి గొంతులో మార్మోగాలని నిర్మల్ జిల్లా ముధోల్ MLA పవార్ రామారావు పటేల్ అన్నారు. భైంసాలోని ఎస్‌ఎస్‌ జిన్నింగ్ ఫ్యాక్టరీలో విద్యాభారతి ఆధ్వర్యంలో ‘నమామి భారతం’ కార్యక్రమంలో భాగంగా శుక్రవారం సామూహిక వందేమాతరం గాన కార్యక్రమం నిర్వహించారు. ఈ సందర్భంగా MLA మాట్లాడుతూ.. వందేమాతరం గేయ రచయిత బంకించంద్ర చటర్జీని స్మరించుకోవాలని తెలిపారు. దేశభక్తి భావనను పెంపొందించేలా ఇలాంటి కార్యక్రమాలు నిర్వహించడం అవసరమన్నారు.

Local· 30m ago

సాలూరు ఆర్టీసీ కాంప్లెక్స్‌ను పరిశీలించిన మంత్రి

భారీ వర్షాలతో పార్వతీపురం మన్యం జిల్లా సాలూరులో వరద పరిస్థితిని మంత్రి గుమ్మిడి సంధ్యారాణి పరిశీలించారు. సాలూరు ఆర్టీసీ కాంప్లెక్స్‌లోకి వరద నీరు చేరడంతో ప్రయాణికులకు ఇబ్బందులు లేకుండా తక్షణ చర్యలు చేపట్టాలని అధికారులను ఆదేశించారు. సాలూరు, మక్కువ, పాచిపెంట మండలాల్లో దెబ్బతిన్న రహదారులు, కల్వర్టులు, పంట పొలాలు, ఇళ్లను ఆమె పరిశీలించారు. వరదలతో దెబ్బతిన్న ప్రాంతాల్లో వెంటనే మరమ్మతులు చేపట్టాలని అధికారులకు స్పష్టం చేశారు.