రీల్స్ వివాదం.. టీచర్ ఉద్యోగానికి రాజీనామా
By dk· 3 Aug 2026· ఖమ్మం జిల్లా
TG: రీల్స్తో సోషల్ మీడియాలో గుర్తింపు పొందిన ఖమ్మం ప్రభుత్వ ఉపాధ్యాయురాలు భూక్యా గౌతమి తన ఉద్యోగానికి రాజీనామా చేశారు. గతంలో ప్రైవేట్ స్కూల్ను ప్రమోట్ చేయడంతో సస్పెండ్ అయిన ఆమెకు ఆరునెలల తర్వాత తిరిగి పోస్టింగ్ ఇచ్చారు. అయితే DEO నుంచి ఇబ్బందులు ఎదురవుతున్నాయని, పలుమార్లు కలిసేందుకు ప్రయత్నించినా అవకాశం ఇవ్వలేదని ఆవేదన వ్యక్తంచేశారు. తాను ఎప్పుడూ పాఠశాల విధులకు భంగం కలిగించలేదని, ఇంట్లో ఉన్నప్పుడు మాత్రమే రీల్స్ చేశానని చెప్పారు. విమర్శలు, అవమానాలు భరించలేక జాబ్కు రిజైన్ చేస్తున్నానన్నారు.
