విద్యార్థులపై చీపురుతో దాడి

By sahani · 31 Mar 2026· Telugu Report· jagithyala

జగిత్యాల ఎస్టీ సంక్షేమ హాస్టల్ లో విద్యార్థులపై నాలుగు నెలలుగా కామటి శ్రీనివాస్ మద్యం మత్తులో విధులకు హాజరవుతూ చీపురుతో దాడి కి పాల్పడటం అత్యంత దారుణం. విద్యార్థులను వేధింపులకు గురి చేస్తున్నా అధికారులతో పాటు హాస్టల్ సిబ్బంది కనీసం రివ్యూ కూడా చేయకుండా బాధ్యతారాహితంగా పని చేస్తున్నారు.

More in Local

Local· just now

పాఠశాలలో స్వయం పరిపాలన దినోత్సవం

TG: హైదరాబాద్ నల్లకుంట ప్రభుత్వ పాఠశాలలో విద్యార్థులు స్వయం పరిపాలనా దినోత్సవాన్ని ఉత్సాహంగా నిర్వహించారు. విద్యార్థులు ఉపాధ్యాయులుగా మారి పాఠశాల ప్రారంభం నుంచి అసెంబ్లీ నిర్వహణతో పాటు పాఠాలు బోధించడం, వివిధ బాధ్యతలు చేపట్టారు. అనంతరం ఉపాధ్యాయులు పి.విమల, టి.యాదయ్య, జి.అరుణ, కే.సంధ్య, హిమబిందులను పాఠశాల తరఫున ప్రధానోపాధ్యాయులు ముత్యాల రవీందర్ సన్మానించారు. ఉపాధ్యాయుల పాత్ర సమాజంలో కీలకమని ఆయన పేర్కొన్నారు. కార్యక్రమంలో టి.కవిత, ఎస్.సుజిత, ప్రశాంతి, అనిల్ కుమార్, సురేందర్ రెడ్డి పాల్గొన్నారు.

Local· 2m ago

రైతు తోటలో డ్రిప్ పనితీరు పరిశీలన

TG: నిర్మల్ జిల్లా పెంబి మండలంలో ఆయిల్‌పామ్ తోటలో డ్రిప్ ఇరిగేషన్ పనితీరును ఉద్యానవన శాఖ అధికారులు మంగళవారం పరిశీలించారు. నిర్మల్ డివిజన్ ఉద్యానవన అధికారి మౌనిక, జైన్ కంపెనీ DCO నాగరాజుతో కలిసి రైతు సల్ల రాము తోటను సందర్శించారు. డ్రిప్ ద్వారా నీటి వినియోగం, మొక్కలకు అందుతున్న నీటి తీరును పరిశీలించి, నీటి యాజమాన్య పద్ధతులపై రైతుకు సూచనలు చేశారు. డ్రిప్ ఇరిగేషన్‌తో నీటిని ఆదా చేయడంతో పాటు ఆయిల్‌పామ్ మొక్కల ఎదుగుదల మెరుగుపడుతుందని తెలిపారు.

Local· 6m ago

నారాయణఖేడ్‌లో అంబేద్కర్ యువజన సంఘం ధర్నా

TG: సంగారెడ్డి జిల్లా నారాయణఖేడ్‌లో డాక్టర్ బాబాసాహెబ్ అంబేద్కర్‌పై అనుచిత వ్యాఖ్యలు చేసిన హమారా ప్రసాద్‌పై కఠిన చర్యలు తీసుకోవాలని ఆల్ ఇండియా అంబేద్కర్ యువజన సంఘం డిమాండ్ చేసింది. జిల్లా సెక్రటరీ అనుముల తుకారం ఆధ్వర్యంలో మంగళవారం అంబేద్కర్ విగ్రహం వద్ద ధర్నా నిర్వహించారు. అంబేద్కర్‌ను అవమానించేలా వ్యాఖ్యలు చేయడం కోట్లాది మంది ప్రజల మనోభావాలను దెబ్బతీసే చర్యగా వారు పేర్కొన్నారు. సంబంధిత చట్టాల ప్రకారం కేసు నమోదు చేసి చర్యలు తీసుకోవాలని ప్రభుత్వాన్ని కోరారు.

Local· 13m ago

విద్యార్థులను కలవని VC.. SFI ఆగ్రహం

AP: విజయవాడలోని ఎన్టీఆర్ హెల్త్ యూనివర్సిటీలో పారామెడికల్, అలైడ్ హెల్త్ సైన్సెస్ విద్యార్థుల సమస్యలపై SFI రాష్ట్ర కమిటీ ఆందోళన వ్యక్తం చేసింది. విద్యార్థుల సమస్యలపై వైస్‌ ఛాన్సలర్‌ చంద్రశేఖర్‌ను కలిసేందుకు వెళ్లిన SFI నాయకులను ఆయన కలవకుండా మరో సమావేశానికి వెళ్లడాన్ని నాయకులు ఖండించారు. నాలుగేళ్ల కోర్సులు జాప్యంతో ఆరేళ్లకు చేరుతున్నాయని, ఇంటర్న్‌షిప్‌కు స్టైపెండ్‌ చెల్లించడం లేదన్నారు. ప్రతి విద్యార్థికి నెలకు ₹15,000 స్టైపెండ్‌, సకాలంలో పరీక్షలు, ఫలితాలు, అకడమిక్‌ క్యాలెండర్‌ ప్రకటించాలన్నారు.