కేటీఆర్ చెయ్యి వేశారు: సీతక్క

By Krishna· 2h ago

మహిళా నేతలపై కేటీఆర్ చెయ్యి వేశారనీ, ఆ ఫుటేజ్ తమ దగ్గర ఉంది అని కాంగ్రెస్ మంత్రి సీతక్క అన్నారు. డ్యూటీలో ఉన్న పోలీసులను కొట్టిన బీఆర్ఎస్ నేతలపై చర్యలు తీసుకోవాలని ఆమె అసెంబ్లీలో డిమాండ్ చేశారు. బీఆర్ఎస్ ఎమ్మెల్యేల పట్ల దురుసుగా ప్రవర్తించిన పోలీసులపై చర్యలు తీసుకోవాలన్న ఆమె.. అదే సమయంలో.. బీఆర్ఎస్ నేతలు.. పోలీసులపై దాడులు చెయ్యడమేంటి అని ఆమె ప్రశ్నించారు. పోలీసులు తమ వృత్తిలో భాగంగా పనిచేస్తారన్న ఆమె.. వారిని టార్గెట్ చెయ్యడమేంటని ప్రశ్నించారు.

More in TG

TG· 17m ago

గణేశ్‌ మండపాలకు అలర్ట్!

TG: హైదరాబాద్ పరిధిలో ఏర్పాటుచేసే గణేశ్‌ మండపాల వివరాల్ని తప్పనిసరిగా ఆన్‌లైన్‌లో నమోదు చెయ్యాలని సీపీ సజ్జనార్‌ స్పష్టం చేశారు. పండుగ టైమ్ దగ్గర పడుతోందనీ, ఇంకా చాలా మంది నమోదు చేయించుకోలేదనీ, త్వరగా ఈ పని పూర్తి చేసుకోవాలని ఆయన కోరారు. నిర్వాహకులు <a href="https://policeportal.tspolice.gov.in/index.html">వెబ్‌సైట్‌లో</a> రిజిస్ట్రేషన్‌ చేసుకోవాలని సీపీ సూచించారు. నమోదైన వివరాల ఆధారంగా తగిన భద్రతా చర్యలు తీసుకుంటామనీ.. అలాగే.. నిమజ్జనం, ట్రాఫిక్‌ కంట్రోల్ కూడా ఈజీ అవుతుందని సజ్జనార్ తెలిపారు.

TG· 27m ago

మహిళా కమిషన్‌కి కాంగ్రెస్ కంప్లైంట్!

TG: తెలంగాణ కాంగ్రెస్ మహిళా ఎమ్మెల్యేలు.. BRS ఎమ్మెల్యేలపై మహిళా కమిషన్‌కి కంప్లైంట్ ఇచ్చారు. నిన్న అసెంబ్లీ గేట్ 3 దగ్గర.. BRS ఎమ్మెల్యేలు.. మహిళా పోలీసుల ముందు షర్టులు విప్పారనీ.. దాంతో పోలీసులు తలదించుకోవాల్సి వచ్చిందనీ.. అందువల్ల వారిపై చర్యలు తీసుకోవాలని కాంగ్రెస్ మహిళా ఎమ్మెల్యేలు కంప్లైంట్‌లో తెలిపారు. అసెంబ్లీ సమావేశాలు జరిగిన ప్రతిసారీ బీఆర్ఎస్ నేతలు కావాలని అడ్డుకుంటున్నారనీ, ఇలాంటి తీరు మారాలని వారు కోరారు. బీఆర్ఎస్ తీరు ఎంతో బాధాకరం అని వారు అన్నారు.

TG· 41m ago

సీఎం రేవంత్ కీలక భేటీ

TG: న్యాయశాఖ నిపుణులతో తెలంగాణ CM రేవంత్ భేటీ అయ్యారు. శాసన మండలిలో ఆరోపణలు ఎదుర్కొంటున్న బీఆర్ఎస్ ఎమ్మెల్సీల విషయంలో ఎలా ముందుకు వెళ్లాలి అనే అంశంపై ఆయన చర్చిస్తున్నారు. ఈ సమావేశంలో డిప్యూటీ సీఎం భట్టి విక్రమార్క, మంత్రి శ్రీధర్ బాబు కూడా పాల్గొన్నారు. ఆరోపణలు ఎదుర్కొంటున్న బీఆర్ఎస్ ఎమ్మెల్సీ తాతా మధు, నవీన్ రెడ్డి ఇప్పటికే అరెస్ట్ అయ్యారు. ఐతే.. వారిని ఎమ్మెల్సీ పదవుల నుంచి తొలగించాలా, నిబంధనలు ఎలా ఉన్నాయి అనే అంశాలపై సీఎం చర్చిస్తున్నట్లు తెలుస్తోంది.

TG· 50m ago

సిద్ధిపేటలో ఘర్షణ

TG: సిద్ధిపేట.. దామరకుంట దగ్గర ఉద్రిక్త పరిస్థితులు తలెత్తాయి. KCR ఇంటిని ముట్టడించేందుకు కాంగ్రెస్ నాయకులు ఎర్రవల్లికి బయలుదేరగా.. వారి కాన్వాయ్‌ని బీఆర్ఎస్ నేతలు అడ్డుకున్నారు. రాళ్ల దాడి చేశారు. దాంతో రెండు వర్గాల మధ్య తోపులాట జరిగి, తీవ్ర ఘర్షణ ఏర్పడింది. విషయం తెలుసుకున్న కేటీఆర్, హరీశ్‌రావుతోపాటూ మరికొందరు బీఆర్ఎస్ నేతలు.. హైదరాబాద్ అసెంబ్లీ నుంచి ఎర్రవల్లి ఫామ్ హౌస్‌కి బయలుదేరారు. మరోవైపు ఫామ్‌హౌస్ దగ్గర 144 సెక్షన్ అమల్లో ఉంది. కొందరు కాంగ్రెస్ నేతల్ని పోలీసులు అదుపులోకి తీసుకున్నారు.