"TDP అరాచకం": సజ్జల

By Krishna· 1d ago

AP: నిన్న, ఇవాళ TDP అరాచకం సృష్టిస్తోంది అని YCP సీనియర్ నేత సజ్జల రామకృష్ణ ఆరోపించారు. "కావాలని కాలిక్యులేటెడ్‌గా హింస చేస్తున్నారు. అసలు ఎక్కడా నామినేషన్ వెయ్యకుండా చెయ్యడమే టార్గెట్‌గా దాడులు చేస్తున్నారు. మా అభ్యర్థులను ఎత్తుకుపోతున్నారు. ఎలక్షన్ కమిషన్ డమ్మీ అయిపోయింది. YCP అభ్యర్థుల నామినేషన్లను అధికారులు తీసుకోవట్లేదు. పోలీసులే YCP అభ్యర్థులను తరిమేస్తున్నారు" అని ఆయన అన్నారు. గెలుస్తామనే నమ్మకం లేకే TDP ఇలా చేయిస్తోందని సజ్జల విమర్శించారు.

More in AP

AP· 3h ago

గవర్నర్‌ని కలిసిన YS జగన్

AP: గవర్నర్ అబ్దుల్ నజీర్‌ని కలిశారు ప్రతిపక్ష నేత YS జగన్. YCP నేతలపై జరుగుతున్న దాడుల గురించి గవర్నర్‌కి కంప్లైంట్ చేశారు. ముఖ్యంగా స్థానిక ఎన్నికల్లో నామినేషన్ వెయ్యనివ్వకుండా తమ అభ్యర్థులను ఎక్కడికక్కడ అడ్డుకున్నారని జగన్ చెప్పినట్లు తెలిసింది. రాష్ట్రవ్యాప్తంగా అనేక జిల్లాల్లో తమ అభ్యర్థులు, నేతలు, కార్యకర్తలపై పోలీసులు, TDP గూండాలు దాడులకు పాల్పడ్డారని గవర్నర్‌ దృష్టికి తీసుకెళ్లినట్లు తెలిసింది. మరోవైపు మున్సిపాలిటీలు, కార్పొరేషన్లకు నామినేషన్ల స్వీకరణ ప్రక్రియ ఇవాళ్టితో ముగిసింది.

▶

AP· 4h ago

"పులివెందులలో నామినేషన్ వెయ్యనివ్వరా?"

AP: కడప జిల్లా.. పులివెందులలో ఏం జరుగుతోంది? లా అండ్ ఆర్డర్ బాలేదంటూ.. పోలీసులు.. నామినేషన్ వెయ్యకుండా అడ్డుకోవడమేంటి? ఇవాళ మధ్యాహ్నం 3 గంటలతో నామినేషన్ల స్వీకరణ ప్రక్రియ ముగిసింది. ఐతే YCPకి చెందిన చాలా మంది అభ్యర్థులు నామినేషన్ వెయ్యనే లేదు. ఎక్కడికక్కడ దాడులు, హింస. దాంతో నామినేషన్ల ప్రక్రియ అల్లకల్లోలంగా మారింది. రాష్ట్రవ్యాప్తంగా ఇదే సీన్. అందువల్ల అసలు ఈ ఎన్నికలు ప్రజాస్వామ్యబద్ధంగా జరుగుతాయా అనే సందేహాలను వ్యక్తం చేస్తోంది YCP.

▶

AP· 6h ago

ప్రకాశం జిల్లాలో రచ్చ రచ్చ

AP: ఆంధ్రప్రదేశ్.. ప్రకాశం జిల్లా.. దర్శిలో తీవ్ర ఉద్రిక్త పరిస్థితులు ఏర్పడ్డాయి. స్థానిక సంస్థల ఎన్నికల్లో నామినేషన్ వేసేందుకు YCP అభ్యర్థులతోపాటూ.. నేతలు, క్యాడర్ కూడా తరలివచ్చారు. ఐతే.. నామినేషన్ వేసే వారితో నలుగురు మాత్రమే వెళ్లాలంటూ పోలీసులు అడ్డుకున్నారు. దాంతో గొడవ మొదలైంది. ఎస్సై ఏడుకొండలకు గాయాలయ్యాయి. క్యాడర్‌‌ని చెదరగొట్టేందుకు పోలీసులు లాఠీఛార్జ్ చేశారు. కొంతమందికి గాయాలయ్యాయి. పోలీసులకు వ్యతిరేకంగా YCP నాయకులు రోడ్డుపై ధర్నా చేశారు.

AP· 7h ago

SEC ఆఫీసుకి జగన్.. దాడులపై కంప్లైంట్

AP: విజయవాడలో రాష్ట్ర ఎన్నికల కమిషనర్ ఆఫీసుకి వెళ్లిన YCP ఛీఫ్ జగన్.. తమ అభ్యర్థులపై జరుగుతున్న దాడులపై కంప్లైంట్ ఇచ్చారు. 2 రోజులుగా అనేక జిల్లాల్లో ఈ దాడులు జరిగాయని చెబుతూ.. అందుకు సంబంధించిన ఫొటోలు, వీడియోలను ఆధారాలుగా ఇచ్చారు. తమ అభ్యర్థులకు సెక్యూరిటీ కల్పించాలని కోరారు. మరోవైపు నామినేషన్లు వెయ్యకుండా అడ్డుకుంటున్నారనే అంశంతో YCP వేసిన హౌస్ మోషన్ పిటిషన్‌ని AP హైకోర్టు విచారణకు ఆమోదించింది.