పాలకుర్తి గురుకులంలో ఎలుకల భయం

By Bala· 4h ago

జనగామ జిల్లా పాలకుర్తి మండల కేంద్రంలోని తెలంగాణ సాంఘిక సంక్షేమ గురుకుల పాఠశాలలో ఎలుకల బెడదతో 14 మంది విద్యార్థినులు అస్వస్థతకు గురయ్యారు. రాత్రి భోజనం అనంతరం నిద్రిస్తున్న సమయంలో విద్యార్థినుల చేతులు, కాళ్లపై ఎలుకలు కరిచినట్లు గుర్తించారు. విషయం తెలుసుకున్న ప్రిన్సిపల్‌ వరలక్ష్మి వెంటనే వారిని ప్రభుత్వ ఆసుపత్రికి తరలించారు. వైద్యులు పరీక్షలు నిర్వహించి అవసరమైన వ్యాక్సిన్లు అందించారు.

More in Local

Local· 1m ago

కొయ్యూరులో దెబ్బతిన్న తారు రోడ్డు

అల్లూరి సీతారామరాజు జిల్లా కొయ్యూరు మండలం బూదరళ్ల గ్రామ పంచాయతీ పరిధిలోని పోకలపాలెం–గోదుమలంక గ్రామాల మధ్య బ్రిడ్జి సమీపంలో తారు రోడ్డు అంచు కొట్టుకుపోయింది. రహదారి పక్కన కాలువ నిర్మించకపోవడంతో వర్షపు నీరు రోడ్డుపై నుంచి ప్రవహించి అంచు దెబ్బతిన్నట్లు స్థానికులు తెలిపారు. దీంతో వాహనదారులు ఇబ్బందులు ఎదుర్కొంటున్నారు. ప్రమాదం జరిగే అవకాశం ఉండటంతో అధికారులు వెంటనే స్పందించి రోడ్డు భాగాన్ని పునరుద్ధరించాలని గ్రామస్థులు కోరుతున్నారు.

Local· 5m ago

రోడ్డుపై పడిన భారీ చెట్టు

అంబేడ్కర్ కోనసీమ జిల్లా రాజోలు మండలం తాటిపాక మఠం–చాకలిపాలెం ప్రధాన రహదారిపై భారీ వృక్షం కూలి వాహనాల రాకపోకలు నిలిచిపోయాయి. గత రెండు రోజులుగా కురుస్తున్న భారీ వర్షాలకు చెట్టు రోడ్డుకు అడ్డంగా పడిపోయింది. దీంతో ప్రయాణికులు, వాహనదారులు తీవ్ర ఇబ్బందులు ఎదుర్కొంటున్నారు. అత్యవసర పనులపై వెళ్లేవారు, బైక్‌లపై ప్రయాణించే వారు అవస్థలు పడుతున్నారని స్థానికులు తెలిపారు. రహదారిపై చెట్టు కూలి రాకపోకలు నిలిచిపోయినా అధికారులు స్పందించకపోవడంపై స్థానికులు ఆగ్రహం వ్యక్తం చేశారు.

Local· 12m ago

టీచర్లపై దాడి చేయడం సరికాదు: MLA

బాపట్ల జిల్లా చీరాలలో ఉపాధ్యాయులపై దాడి ఘటనను MLA మాలకొండయ్య తీవ్రంగా తప్పుబట్టారు. AP Skill Development Corporation ఆధ్వర్యంలో చీరాలలో నిర్వహించిన జాబ్ మేళాను ఆయన ప్రారంభించారు. DSC నియామకాల విషయంలో YCP తీరుపై విమర్శలు చేశారు. కష్టపడి ఉద్యోగాలు సాధించిన ఉపాధ్యాయులపై కోడిగుడ్లు, రాళ్లతో దాడి చేయడం దారుణమని ఆరోపించారు. గత YCP ప్రభుత్వంలో నిరుద్యోగులకు ఉద్యోగాలు కల్పించలేదని, ఉద్యోగాలు ఇస్తున్న కూటమి ప్రభుత్వాన్ని విమర్శించడం విడ్డూరంగా ఉందన్నారు.

Local· 17m ago

గురుకుల విద్యార్థినుల ఆటో బోల్తా

నెల్లూరు జిల్లా తోటపల్లిగూడూరు మండలం మహాలక్ష్మీపురం ప్రభుత్వ బాలికల గురుకుల పాఠశాలకు చెందిన విద్యార్థినులు ప్రయాణిస్తున్న ఆటో బోల్తాపడింది. సచివాలయంలో నిర్వహిస్తున్న Information Technology క్లాసులకు విద్యార్థినులను మూడు ఆటోల్లో ప్రిన్సిపాల్ పంపించారు. ఎదురుగా వచ్చిన సిమెంట్ ఆటో ఢీకొనడంతో ఓ ఆటో అదుపుతప్పి బోల్తాపడింది. ప్రమాదంలో ఎనిమిది మంది విద్యార్థినులు గాయపడగా ప్రభుత్వ ఆస్పత్రికి తరలించారు. తీవ్రంగా గాయపడిన టీచర్‌ను KIMSకు తీసుకెళ్లారు.