మన్మోహన్‌కు భారత రత్న ఇవ్వాలి: CM రేవంత్

By Mahesh· 1d ago· TG

TG: మాజీ ప్రధాని మన్మోహన్ సింగ్ సేవలను దేశం ఎప్పటికీ మర్చిపోదని CM రేవంత్ అన్నారు. అలాంటి గొప్ప వ్యక్తికి భారత రత్న ఇవ్వడంలో ఆబ్జెక్షన్ ఏంటని ప్రశ్నించారు. ఆయన జ్ఞాపకార్థం కనీసం స్థలం కూడా ఇవ్వలేదని ఆవేదన వ్యక్తం చేశారు. మన్మోహన్ సింగ్‌కు భారత రత్న ఇచ్చి గౌరవించాలని ప్రధాని మోదీని కోరారు. ఢిల్లీలో మెమోరియల్ ఇన్‌స్టిట్యూషన్ ఏర్పాటు చేయాలని విజ్ఞప్తి చేశారు. <a href="https://www.theclearcutnews.com/n/PPJxpva">విగ్రహ ఆవిష్కరణ కార్యక్రమంలో</a> మాజీ CJI జస్టిస్ ఎన్.వీ. రమణ, కొందరు ప్రముఖులు పాల్గొన్నారు.

More in TG

▶

TG· 38m ago

మంచిర్యాలలో ఘోర రోడ్డు ప్రమాదం

TG: తెలంగాణలోని మంచిర్యాలలో ఈ రోజు ఉదయం వేగంగా వచ్చిన లారీ, ఆటోను ఢీకొట్టడంతో ఘోర ప్రమాదం జరిగింది. ఈ ఘటనలో ఇద్దరు అక్కడికక్కడే మృతి చెందారు. మరో ఐదుగురు తీవ్రంగా గాయపడ్డారు. వీరిలో ముగ్గురి పరిస్థితి విషమంగా ఉన్నట్లు సమాచారం. స్పీడ్, రాష్ డ్రైవింగ్, రాంగ్ రూట్‌లో రావడం ప్రమాదానికి కారణంగా కనిపిస్తోంది. ఘటనపై పోలీసులు దర్యాప్తు చేస్తున్నారు. ఈ నిర్లక్ష్యం 2 కుటుంబాల్లో విషాదాన్ని నింపింది.

TG· 1h ago

నేలకొండపల్లి బౌద్ధ క్షేత్రానికి ఘన చరిత్ర

TG: ఖమ్మం జిల్లా నేలకొండపల్లిలోని మహా బౌద్ధ స్థూపం ఎంతో చారిత్రక ప్రాధాన్యం ఉన్న ప్రాంతం. 1970లలో జరిగిన పురావస్తు తవ్వకాల్లో భారీ స్థూపంతో పాటు బౌద్ధ భిక్షువులు ఉండే గదులు, బావులు, ఇటుక కట్టడాలు బయటపడ్డాయి. బుద్ధుడి శిల్పాలు, కంచు విగ్రహం, పురాతన నాణేలు, సున్నపురాయితో చేసిన చిన్న స్థూపం లభించాయి. ప్రస్తుతం బయటపడిన <a href="https://www.theclearcutnews.com/n/gxxKbAQ">చారిత్రక వస్తువులను</a> భద్రపరచి, వాటి గురించి సందర్శకులకు వివరించేలా మ్యూజియం ఏర్పాటు చేయాలని ప్రభుత్వం ప్లాన్ చేస్తోంది.

TG· 1h ago

పలు రైళ్ళ రాకపోకలకు అంతరాయం

HYD: సికింద్రాబాద్ నుంచి బయలుదేరిన శాతవాహన ఎక్స్‌ప్రెస్‌కు మౌలాలి వద్ద సాంకేతిక సమస్య తలెత్తింది. రైలు ఇంజిన్‌లోని ప్యాంటోగ్రాఫ్ విరిగిపోవడంతో రైలు మార్గమధ్యలో నిలిచిపోయింది. సమాచారం అందుకున్న రైల్వే సిబ్బంది వెంటనే మరమ్మతు చేపట్టారు. సుమారు గంటపాటు శ్రమించిన అనంతరం లోపాన్ని సరిచేసి రైలును తిరిగి నడిపించారు. ఈ ఘటనతో సికింద్రాబాద్ నుంచి VZM, VSP, TPT వైపు వెళ్లే పలు రైళ్ల రాకపోకలకు కొంతసేపు అంతరాయం ఏర్పడింది.

TG· 1h ago

నేలకొండపల్లికి పర్యాటక శోభ

TG: ఖమ్మం జిల్లా, నేలకొండపల్లి మండలం, ముజ్జుగూడెంలోని మహా బౌద్ధ స్థూపం ప్రాంతాన్ని.. పర్యాటక కేంద్రంగా అభివృద్ధి చేసేందుకు తెలంగాణ ప్రభుత్వం ప్లాన్ రెడీ చేస్తోంది. బాలసముద్రం చెరువు చుట్టూ బోటింగ్, వ్యూ ఏరియాలు, రెస్ట్ ప్లేసెస్, పచ్చిక మైదానాలు ఏర్పాటు చెయ్యాలనేది ప్రభుత్వ ప్లాన్. బౌద్ధ ప్రార్థనా మందిరం, మ్యూజియం, 3డీ సెంటర్, వాకింగ్ ట్రాక్స్, 24 కాటేజీలు, 20 బెడ్స్ డార్మిటరీ, ఫుడ్ కోర్టు, షాపులు ఏర్పాటు చేసేలా ఈ ప్లాన్ ఉంది.