'నేహా బోరా'ని చంపేస్తామని బెదిరింపులు

By Vishnu· 1h ago· Thehindu

ఆల్ ఇండియా స్టూడెంట్స్ అసోసియేషన్ - AISA జాతీయ అధ్యక్షురాలు నేహా బోరాకు గుర్తుతెలియని వ్యక్తుల నుంచి చంపేస్తామనే బెదిరింపులు వచ్చాయి. ఉత్తరప్రదేశ్‌లో ‘GenZ రైజింగ్’ ప్రచారంలో ఆమె పాల్గొనగా.. సంస్థ అధికారిక నంబర్‌కు అసభ్యకర మెసేజ్‌లతోపాటూ, "ఆమె చావు ఖాయం" అంటూ వాయిస్ నోట్స్ పంపించారు. దీనిపై తక్షణమే FIR నమోదు చేసి, వార్నింగ్ ఇచ్చిన వారిపై కఠిన చర్యలు తీసుకోవాలనీ, అలాగే నేహా బోరాకి తగిన సెక్యూరిటీ కల్పించాలని AISA ప్రతినిధులు UP DGPకి కంప్లైంట్ చేశారు.

More in Politics

Politics· 3h ago

CM రేవంత్ రెడ్డితో సింగపూర్ ప్రతినిధుల భేటీ

TG: CM రేవంత్‌ రెడ్డితో సింగపూర్‌ ప్రతినిధులు భేటీ అయ్యారు. సెమీకండక్టర్‌ పరిశ్రమలపై వారు ఆసక్తి కనబరిచారు. మూసీ పునరుజ్జీవనం, ఫ్యూచర్‌ సిటీపై సీఎం ప్రజెంటేషన్‌ ఇచ్చారు. హైదరాబాద్‌ను నాలెడ్జ్‌ హబ్‌గా తీర్చిదిద్దుతున్నామని తెలిపారు. రాష్ట్రంలో పెట్టుబడులకు పూర్తి సహకారం అందిస్తామని హామీ ఇచ్చారు. ఈ క్రమంలోనే వారిని తెలంగాణ గ్లోబల్‌ సమ్మిట్‌కు ఆహ్వానించారు. సమావేశంలో పెట్టుబడులు, సాంకేతిక సహకారం, మౌలిక వసతుల అభివృద్ధి అంశాలు చర్చకు వచ్చాయి.

Politics· 1d ago

కడుపునొప్పితో దంపతుల మృతి.. కలకలం

పెద్దపల్లి జిల్లా రామగిరి మండలం సెంటినరీ కాలనీలో విషాదం చోటుచేసుకుంది. మధ్యప్రదేశ్‌కు చెందిన అజయ్‌ (28), అతడి భార్య దినేశ్వరి (25) గంటల వ్యవధిలో మృతి చెందారు. వకీల్‌పల్లిలో కూలీ పనులు చేసుకుంటున్న ఈ దంపతులు సోమవారం తీవ్రమైన కడుపునొప్పితో బాధపడ్డారు. ఆసుపత్రికి తరలిస్తుండగా మార్గమధ్యలో అజయ్‌ మృతి చెందగా, చికిత్స పొందుతూ దినేశ్వరి మృతి చెందారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

Politics· 1d ago

బేగంపేటలో భారీ ట్రాఫిక్ జామ్

హైదరాబాద్‌ బేగంపేటలో భారీగా ట్రాఫిక్‌ జామ్‌ ఏర్పడింది. మూడు రోజుల సెలవుల తర్వాత ఉద్యోగులు ఒక్కసారిగా కార్యాలయాలకు బయలుదేరడంతో రోడ్లపై వాహనాల రద్దీ పెరిగింది. దీంతో బేగంపేట ప్రధాన రహదారిపై కిలోమీటర్ల మేర వాహనాలు నిలిచిపోయాయి. ట్రాఫిక్‌లో చిక్కుకున్న వాహనదారులు తీవ్ర ఇబ్బందులు పడుతున్నారు. దీంతో సమాచారం అందుకున్న ట్రాఫిక్‌ పోలీసులు సిబ్బందులు రంగంలోకి దిగి వాహనాలను క్లియర్ చేసేందుకు యత్నిస్తున్నారు.

Politics· 1d ago

పూజలు చేస్తూ పూజారి మృతి.. అసలేం జరిగింది?

నల్గొండ జిల్లా తిరుమలగిరిసాగర్‌ మండలం ఘోర ఘటన చోటుచేసుకుంది. తలపాలెంలో గణేశ్‌ మండపంలో పూజలు చేస్తూ పూజారి ఉప్పల దత్తు ప్రసాద్‌ మృతి చెందారు. పూజల విషయంలో గుండాల రవి, పున్నయ్యతో వివాదం జరిగిన అనంతరం దత్తు ప్రసాద్‌ వారి మండపానికి వెళ్లి పూజలు చేస్తుండగా స్పృహతప్పి పడిపోయారు. ఆస్పత్రికి తరలించగా అప్పటికే మృతి చెందినట్లు వైద్యులు తెలిపారు. కుమారుడి ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు.