ములుగులో రోడ్డు ప్రమాదం

By BK· 2h ago· ములుగు

ములుగు జిల్లా తాడువాయి మండలం కొండపర్తి క్రాస్ వద్ద గుంటూరు వెళ్తున్న సూపర్ లగ్జరీ బస్సు, 26 మందితో వస్తున్న బొలెరో వాహనాన్ని ఢీకొట్టింది. ప్రమాదంలో గాయపడిన వారిని 108లో ములుగు గవర్నమెంట్ హాస్పిటల్‌కు తరలించారు. గాయపడినవారు మల్లంపల్లి మండలం ముద్దనూరు, సోమ్లా తండాకు చెందినవారు. ఘటనపై స్పందించిన మంత్రి సీతక్క ఆదేశాలతో జిల్లా గ్రంధాలయ చైర్మన్ బానోత్ రవిచందర్ హాస్పిటల్‌కు వెళ్లారు. మెరుగైన వైద్యం కోసం కొందరిని MGMకు తరలించగా, మిగతా వారికి ములుగులోనే ట్రీట్మెంట్ ఇస్తున్నారు.

More in Local

▶

Local· 8m ago

వాహనదారుల ఇబ్బందులు..రోడ్డా? చెరువా?

ఖమ్మం నుంచి ఇల్లందు వెళ్లే రోడ్డుపై మంచుగోండ వద్ద పరిస్థితి అధ్వానంగా తయారైందని స్థానికులు, వాహనదారులు ఆవేదన చెందుతున్నారు. ఇటీవల కురిసిన వర్షాలకు రోడ్డుపై భారీగా నీరు చేరి చెరువులా మారింది. గుంతల్లో నీరు చేరడంతో వాహనదారులు ప్రమాదాలకు గురవుతున్నారు. ప్రతిరోజూ వందలాది వాహనాలు తిరిగే ఈ రోడ్డుని అధికారులు వెంటనే పరిశీలించి, గుంతలను పూడ్చి రోడ్డు బాగుచేయాలని ప్రజలు కోరుతున్నారు.

NH-516Eపై కొండచరియలు.. ప్రమాదం తప్పింది!

▶

Local· 31m ago

NH-516Eపై కొండచరియలు.. ప్రమాదం తప్పింది!

అల్లూరి సీతారామరాజు జిల్లా కొయ్యూరు మండలం కేడీపేట దగ్గర NH-516Eలో భారీ వర్షాలకు కొండచర్యలు విరిగిపడ్డాయి. ప్రయాణికులు ముందుగానే గమనించి వాహనాలు ఆపడంతో ప్రమాదం తప్పింది. హైవే నిర్మాణంలో జాగ్రత్తలు పాటించకపోవడంతోనే ఇలా జరుగుతోందని ఆగ్రహం వ్యక్తం చేస్తున్నారు. వెంటనే చర్యలు తీసుకోవాలని డిమాండ్ చేస్తున్నారు.

Local· 32m ago

‘అంగన్ మిలన్’ సేవా కార్యక్రమం

కామారెడ్డి జిల్లా బిచ్‌కుంద మున్సిపాలిటీ SC కాలనీ అంగన్‌వాడీ కేంద్రంలో మహిళా మోర్చా ఆధ్వర్యంలో ‘అంగన్ మిలన్’ కార్యక్రమం జరిగింది. ఈ కార్యక్రమంలో జిల్లా కో-ఇంచార్జి రాథోడ్ సునీత పాల్గొని కేంద్ర పథకాలపై అవగాహన కల్పించారు. అంగన్‌వాడీ టీచర్, ఆశా కార్యకర్త, ఆయమ్మలను శాలువాలతో సన్మానించి, చిన్నారులకు పండ్లు పంపిణీ చేశారు.

Local· 34m ago

రక్షణ కల్పించాలని పోలీసులను ఆశ్రయించిన సర్పంచ్

మహబూబాబాద్ జిల్లా కురవి మండలం గుండ్రాతిమడుగు గ్రామసర్పంచ్ బండ రాజేశ్వరి తనకు, తన కుటుంబసభ్యులకు రక్షణ కల్పించాలని కురవి పోలీసులను ఆశ్రయించారు. గ్రామంలోని పెద్దచెరువు మట్టి తరలింపు విషయంలో వివాదం నెలకొన్నట్లు ఆమె తెలిపారు. ఎలాంటి అనుమతులు లేకుండా చెరువు మట్టిని తరలించి ప్రైవేట్ వ్యక్తులు, రైస్ మిల్లులకు విక్రయిస్తున్నారని ఆరోపించారు. వ్యవహారాన్ని అడ్డుకోవడంతో ఉపసర్పంచ్, 10వ వార్డు సభ్యుడి నుంచి బెదిరింపులు ఎదురవుతున్నాయని ఫిర్యాదులో పేర్కొన్నారు.