ఫుడ్ పాయిజనింగ్.. ఆస్పత్రిపాలైన 19 మంది స్టూడెంట్స్

By Sharmila· 2h ago

AP: కాకినాడ జిల్లా, తునిలోని ఉమెన్స్ జూనియర్ కాలేజీలో శనివారం మధ్యాహ్న భోజనం తర్వాత 19 మంది విద్యార్థినులు వాంతులు, విరేచనాలతో ఆస్పత్రి పాలయ్యారు. వారిని తుని ప్రభుత్వ ఏరియా హాస్పటల్‌కు తరలించి చికిత్స అందిస్తున్నారు. సాంబార్‌లో బల్లి పడిందని విద్యార్థినులు చెబుతున్నారు. స్టూడెంట్స్ పరిస్థితి నిలకడగా ఉందనీ, పరిశీలనలో ఉంచామని డాక్టర్లు తెలిపారు. ఈ ఘటనపై దర్యాప్తు ప్రారంభమైంది.

More in AP

AP· 51m ago

చెత్త ఇస్తే సరుకులు ఇస్తారా ?

AP : తిరుపతి జిల్లా గ్రామీణ ప్రాంతాల్లో ‘స్వచ్ఛ రథాలు’ సూపర్ హిట్ అవుతున్నాయి. ఇప్పటివరకు ఈ బండ్ల ద్వారా ఏకంగా 5.5 లక్షల కిలోల పొడి చెత్తను సేకరించినట్లు జిల్లా పంచాయతీ అధికారి సుశీలాదేవి చెప్పారు. ప్రజలు తమ ఇళ్లలోని పాత ప్లాస్టిక్, కాగితాలు, కార్డ్‌బోర్డ్ డబ్బాలంటి పొడి చెత్తను ఈ స్వచ్ఛ రథాలకు ఇచ్చి, వాటికి బదులుగా ఇంట్లోకి కావాల్సిన నిత్యావసర సరుకులను పొందవచ్చని తెలిపారు. దీనికి ఎలాంటి లిమిట్ లేదు, ఎంత ఎక్కువ చెత్త ఇస్తే అంత ఎక్కువ సరుకులు ఇస్తారని అన్నారు.

AP· 2h ago

అమరావతి భూములపై రైతుల అభ్యంతరం

AP: అమరావతి విషయంలో గ్రామకంఠాల పరిధిలోని ఇళ్లు, స్థలాలు, వాటికి సంబంధించిన భూమి వ్యవహారాలపై ప్రభుత్వం తీసుకున్న నిర్ణయాల విషయంలో తమకు అన్యాయం జరిగిందని రాజధాని రైతు JAC నేతలు ఆరోపించారు. ప్రభుత్వం ఈ నిర్ణయాన్ని రివ్యూ చేసి, పరిష్కరించాలంటూ వారు CMకి 10 అంశాలతో లేఖ పంపారు. దీనిపై వచ్చిన 685 దరఖాస్తుల్లో రూల్స్‌కి అనుకూలంగా ఉన్న వాటినే ఆమోదించామని CRDA తెలిపింది. రైతులకు రావాల్సిన ప్రయోజనాలు అందిస్తామని చెప్పింది. సమస్యలు పరిష్కారం కాకపోతే ఉద్యమం చేస్తామని రైతు నేతలు హెచ్చరించారు.

▶

AP· 2h ago

భగ్గుమంటున్న విజయవాడ

AP: ఆంధ్రప్రదేశ్‌లో ఇవాళ గ్రామ, వార్డు సచివాలయ ఉద్యోగులు చేపట్టిన 'ఛలో విజయవాడ' ఉద్ధృతంగా సాగుతోంది. పోలీసుల నిర్బంధాన్ని ఏమాత్రం లెక్కచెయ్యకుండా ఉద్యోగులు.. భారీ సంఖ్యలో విజయవాడకు తరలివస్తున్నారు. ఎటుచూసినా వారే కనిపిస్తున్నారు. బారికేడ్లను సైతం తోసుకుంటూ వస్తుండటంతో, అనేక ప్రాంతాల్లో ఉద్రిక్త పరిస్థితులు తలెత్తుతున్నాయి. రెండేళ్లుగా AAS, నోషనల్ ఇంక్రిమెంట్లు, మృతుల కుటుంబాలకు ప్రయోజనాలు, ప్రమోషన్ల వంటి సమస్యలు పరిష్కరించకపోవడంతో వారు నిరసన తెలుపుతున్నారు.

AP· 3h ago

ఫార్మా కంపెనీలకు నోటీసులు

AP: అనకాపల్లి జిల్లా.. పరవాడ ఫార్మాసిటీలో కాలుష్యంపై AP పొల్యూషన్ కంట్రోల్ బోర్డ్ (APPCB) ఫోకస్ పెట్టింది. ఫార్మా కంపెనీల నుంచి వచ్చే వ్యర్థ జలాలను.. క్లీన్ చెయ్యకుండా బయటకు వదిలినట్లు ప్రాథమికంగా గుర్తించింది. రాంకీతో పాటు ఫార్మాసిటీలోని మొత్తం 95 ఫార్మా కంపెనీలకు షోకాజ్ నోటీసులు జారీ చేసింది. వారం రోజుల్లో వివరణ ఇవ్వాలని ఆదేశించింది. అధికారులు నీటి శాంపిళ్లను సేకరించి టెస్టుల కోసం పంపారు.