ఫార్మా కంపెనీలకు నోటీసులు

By Sharmila· 2h ago· Thehindu

AP: అనకాపల్లి జిల్లా.. పరవాడ ఫార్మాసిటీలో కాలుష్యంపై AP పొల్యూషన్ కంట్రోల్ బోర్డ్ (APPCB) ఫోకస్ పెట్టింది. ఫార్మా కంపెనీల నుంచి వచ్చే వ్యర్థ జలాలను.. క్లీన్ చెయ్యకుండా బయటకు వదిలినట్లు ప్రాథమికంగా గుర్తించింది. రాంకీతో పాటు ఫార్మాసిటీలోని మొత్తం 95 ఫార్మా కంపెనీలకు షోకాజ్ నోటీసులు జారీ చేసింది. వారం రోజుల్లో వివరణ ఇవ్వాలని ఆదేశించింది. అధికారులు నీటి శాంపిళ్లను సేకరించి టెస్టుల కోసం పంపారు.

More in AP

ఫుడ్ పాయిజనింగ్.. ఆస్పత్రిపాలైన 19 మంది స్టూడెంట్స్

▶

AP· 30m ago

ఫుడ్ పాయిజనింగ్.. ఆస్పత్రిపాలైన 19 మంది స్టూడెంట్స్

AP: కాకినాడ జిల్లా, తునిలోని ఉమెన్స్ జూనియర్ కాలేజీలో శనివారం మధ్యాహ్న భోజనం తర్వాత 19 మంది విద్యార్థినులు వాంతులు, విరేచనాలతో ఆస్పత్రి పాలయ్యారు. వారిని తుని ప్రభుత్వ ఏరియా హాస్పటల్‌కు తరలించి చికిత్స అందిస్తున్నారు. సాంబార్‌లో బల్లి పడిందని విద్యార్థినులు చెబుతున్నారు. స్టూడెంట్స్ పరిస్థితి నిలకడగా ఉందనీ, పరిశీలనలో ఉంచామని డాక్టర్లు తెలిపారు. ఈ ఘటనపై దర్యాప్తు ప్రారంభమైంది.

AP· 43m ago

అమరావతి భూములపై రైతుల అభ్యంతరం

AP: అమరావతి విషయంలో గ్రామకంఠాల పరిధిలోని ఇళ్లు, స్థలాలు, వాటికి సంబంధించిన భూమి వ్యవహారాలపై ప్రభుత్వం తీసుకున్న నిర్ణయాల విషయంలో తమకు అన్యాయం జరిగిందని రాజధాని రైతు JAC నేతలు ఆరోపించారు. ప్రభుత్వం ఈ నిర్ణయాన్ని రివ్యూ చేసి, పరిష్కరించాలంటూ వారు CMకి 10 అంశాలతో లేఖ పంపారు. దీనిపై వచ్చిన 685 దరఖాస్తుల్లో రూల్స్‌కి అనుకూలంగా ఉన్న వాటినే ఆమోదించామని CRDA తెలిపింది. రైతులకు రావాల్సిన ప్రయోజనాలు అందిస్తామని చెప్పింది. సమస్యలు పరిష్కారం కాకపోతే ఉద్యమం చేస్తామని రైతు నేతలు హెచ్చరించారు.

▶

AP· 1h ago

భగ్గుమంటున్న విజయవాడ

AP: ఆంధ్రప్రదేశ్‌లో ఇవాళ గ్రామ, వార్డు సచివాలయ ఉద్యోగులు చేపట్టిన 'ఛలో విజయవాడ' ఉద్ధృతంగా సాగుతోంది. పోలీసుల నిర్బంధాన్ని ఏమాత్రం లెక్కచెయ్యకుండా ఉద్యోగులు.. భారీ సంఖ్యలో విజయవాడకు తరలివస్తున్నారు. ఎటుచూసినా వారే కనిపిస్తున్నారు. బారికేడ్లను సైతం తోసుకుంటూ వస్తుండటంతో, అనేక ప్రాంతాల్లో ఉద్రిక్త పరిస్థితులు తలెత్తుతున్నాయి. రెండేళ్లుగా AAS, నోషనల్ ఇంక్రిమెంట్లు, మృతుల కుటుంబాలకు ప్రయోజనాలు, ప్రమోషన్ల వంటి సమస్యలు పరిష్కరించకపోవడంతో వారు నిరసన తెలుపుతున్నారు.

AP· 3h ago

APలో మరో భారీ సిమెంట్ ఫ్యాక్టరీ

AP: ఏపీలో భారీ పెట్టుబడికి మై హోం ఇండస్ట్రీస్‌ సిద్ధమైంది. పల్నాడు జిల్లా, దాచేపల్లి మండలం, గామలపాడుకి దగ్గర్లో 3000 కోట్ల రూపాయలతో గ్రీన్‌ఫీల్డ్‌ సిమెంట్‌ ఫ్యాక్టరీ ఏర్పాటు చేయనుంది. ఏడాదికి 35 లక్షల టన్నుల సిమెంట్‌ ఉత్పత్తి చేసేలా ప్లాంట్‌ను నిర్మిస్తారు. 2029 మార్చి నాటికి ఉత్పత్తి ప్రారంభించే ప్లాన్ ఉంది. ఈ ప్రాజెక్టుతో సుమారు 2 వేల మందికి ఉపాధి లభిస్తుందన్న ప్రభుత్వం... ప్రత్యేక రాయితీలు, ప్రోత్సాహకాలు ప్రకటించింది.