చెరువులో మొసలి.. గ్రామస్తుల్లో భయాందోళన

నాగర్ కర్నూల్ జిల్లా బిజినపల్లి మండలం ఖానాపూర్ విలేజ్ చెరువులో ఆదివారం మొసలి కనిపించడంతో గ్రామస్తులు భయాందోళనకు గురయ్యారు. చెరువు దగ్గరికి వెళ్లాలంటే భయపడే పరిస్థితి వచ్చింది. ఈ విషయం తెలుసుకున్న సర్పంచ్, ప్రజలు ఎవరూ చెరువు వైపు వెళ్లొద్దని ఊరిలో దండోరా వేయించారు. ఫారెస్ట్ డిపార్ట్‌మెంట్ ఆఫీసర్స్ వెంటనే స్పందించి, ఆ మొసలిని అక్కడి నుంచి తరలించాలని గ్రామస్తులు కోరుతున్నారు.