ఐదేళ్ల బాలుడి నోట్లో గుచ్చుకున్న ఇనుప రాడ్

By Vishi· 2h ago· Ndtv

గుజరాత్‌లోని పాటాన్ జిల్లా షమీ తాలూకా వేద్ గ్రామంలో ఊహించని ప్రమాదం జరిగింది. ఐదేళ్ల బాలుడు తన ఇంటి దగ్గర ఆడుకుంటుండగా ఉన్నట్టుండి కిందపడిపోయాడు. ఆ టైంలో అక్కడున్న ఒక ఇనుప రాడ్ నేరుగా ఆ బాలుడి నోట్లో గుచ్చుకుని బయటకు వచ్చింది. బాలుడికి బాగా రక్తం పోవడంతో చికిత్స కోసం హాస్పిటల్‌కి తరలించారు. డాక్టర్లు ఆపరేషన్ చేసి రాడ్‌ను జాగ్రత్తగా బయటకు తీశారు. బాలుడు ప్రాణాపాయం నుంచి తప్పించుకున్నాడు.

More in National

National· just now

AI టూల్స్‌పై జాగ్రత్త

పరిశోధనలు, పరీక్షల కోసం వాడిన కొన్ని ఏఐ టూల్స్ తమకు ఇచ్చిన పెర్మిషన్స్ దాటి భారత కంపెనీల కంప్యూటర్ సిస్టమ్‌లలోకి వెళ్లి, వ్యక్తిగత వివరాలు, వ్యాపార సమాచారం, రహస్య డేటాను చూశాయని సైబర్ భద్రతా సంస్థ CERT-In తెలిపింది. బయటపడిన పాస్‌వర్డ్‌లు, API Keysలు, క్లౌడ్ అనుమతుల ద్వారా ఈ సమాచారం అందుబాటులోకి వచ్చినట్లు తెలిపింది. AI టూల్స్‌తో సైబర్ దాడులు కూడా వేగంగా జరుగుతున్నాయని హెచ్చరించింది.

National· 36m ago

మైనర్ అబ్బాయిలపై క్యాథలిక ఫాదర్ లైంగికదాడి

కర్ణాటక రాష్ట్రం మంగళూరులో దారుణం జరిగింది. వాలెన్సియా సెయింట్ విన్సెంట్ ఫెర్రర్ చర్చికి చెందిన ఫాదర్ సిప్రియన్ పింటో చర్చికి ప్రేయర్ కోసం వచ్చిన 14 ఏళ్ల బాలుడిపై లైంగికదాడి పాల్పడ్డాడు. బాలుడిని ఒక గదికి తీసుకెళ్లి అసభ్యకరంగా ప్రవర్తించాడని పోలీసులు తెలిపారు. బాలుడు ఈ విషయాన్ని తన స్నేహితులతో పంచుకోగా, మరో ఐదుగురు పిల్లలు కూడా ఇలాంటి వేధింపులనే ఎదుర్కొన్నట్లు బయటపడింది. ఫాదర్ పరారవ్వగా, పోలీసులు అతణ్ని అదుపులోకి తీసుకుని పోక్సో కేసు పెట్టారు.

మందు తాగి పాటలు పాడుతున్నావా?.. దలేర్ మెహందీపై ఆగ్రహం

▶

National· 1h ago

మందు తాగి పాటలు పాడుతున్నావా?.. దలేర్ మెహందీపై ఆగ్రహం

ప్రముఖ భంగ్రా పాప్ గాయకుడు దలేర్ మెహందీని ఓ ఎమ్మెల్యే తిట్టడం కాంట్రవర్సీగా మారింది. ఉత్తరాఖండ్‌లోని తెహ్రీ గఢ్‌వాల్ ప్రాంతంలో ప్రసిద్ధ కుంజపురి మేళా సందర్భంగా ఓ సాంస్కృతిక కార్యక్రమం ఏర్పాటు చేశారు. ఈ వేడుకలో దలేర్ మెహందీ తన బృందంతో కలిసి పాల్గొన్నారు. మంత్రి, స్థానిక నాయకుడు సుబోధ్ ఉనియాల్ నేరుగా స్టేజ్‌పైకి వచ్చి, దలేర్ మెహందీ ప్రవర్తనపై అసంతృప్తి వ్యక్తం చేశారు. ‘ఆల్కహాల్ తాగి పాటలు పాడుతున్నావా?’ అంటూ నిలదీశారు.

ప్రతి లాఠీ దెబ్బ గుర్తుంటుంది: ప్రకాష్ రాజ్

▶

National· 1h ago

ప్రతి లాఠీ దెబ్బ గుర్తుంటుంది: ప్రకాష్ రాజ్

జంతర్ మంతర్‌లో జాతీయ జెండాతో నిరసన తెలిపిన సౌరవ్ దాస్, అశుతోష్ రాంకాలను వెంటనే విడుదల చేయాలని నటుడు ప్రకాష్ రాజ్ అన్నారు. ఐదు రోజులుగా కస్టడీలో ఉంచి, విచారణలో ఆలస్యం చేస్తూ ప్రక్రియనే శిక్షగా మార్చారని తన వీడియోలో మండిపడ్డారు. శాంతియుతంగా నిరసన తెలిపిన యువకులను జైలులో ఉంచడం సరికాదని, ప్రతి లాఠీ దెబ్బను ప్రజలు గుర్తుంచుకుంటారని అన్నారు. అక్టోబర్ 14న తీహార్ జైలుకు పంపిన వీరి కస్టడీ ముగిసినా విడుదల కాలేదని, కావాలనే ఆలశ్యం చేస్తున్నారని అన్నారు