'ఆశా వర్కర్ల సమస్యలు పరిష్కరించాలి'

By padam Subramanyam· 2h ago· Samudrapalle, Palamaner, Chittoor

పలమనేరు ఆశా వర్కర్ల సమస్యలను పరిష్కరించాలని AP ఆశా వర్కర్స్ యూనియన్ (CITU) కోరింది. కనీస వేతనాలు, సెలవులు, ప్రయాణ భత్యాలు, ₹10 లక్షల బీమాతో పాటు నాణ్యమైన మొబైళ్లు, యూనిఫాంలు అందించాలని డిమాండ్ చేసింది. ఖాళీ పోస్టులు భర్తీ చేసి పని ఒత్తిడి తగ్గించాలని, కమ్యూనిటీ హెల్త్ వర్కర్లకు సమాన వేతనం కల్పించాలని కోరింది. MLA అమర్నాథ్ రెడ్డి ప్రతినిధికి వినతిపత్రం అందించారు.

More in Local

Local· just now

గిరిజన ఉత్పత్తులకు విలువ జోడింపు.. మెరుగైన ఆదాయం!

అల్లూరి జిల్లా పాడేరులో TRIFED, జిల్లా యంత్రాంగం, ఐటీడీఏ ఆధ్వర్యంలో గిరిజన ఉత్పత్తుల విలువ జోడింపు, మార్కెటింగ్‌పై వర్క్‌షాప్ జరిగింది. ముడి అటవీ ఉత్పత్తులకు ప్రాసెసింగ్, నాణ్యత, ప్యాకేజింగ్, బ్రాండింగ్ చేస్తే మెరుగైన ఆదాయం వస్తుందని TRIFED ఎండీ రాజమురుగన్ చెప్పారు. పాడేరు తేనెకు ప్రత్యేక బ్రాండ్, GI గుర్తింపు అవకాశాలను పరిశీలిస్తున్నట్లు కలెక్టర్ నిశాంతి తెలిపారు. VDVKల ద్వారా తేనె, కాఫీ, మిరియాలకు value యాడ్ చేయాలని పీఓ ఆదిత్య వర్మ అన్నారు.

Local· 5m ago

SSC-2027కు మిషన్ మార్చ్.. 100% పాసే లక్ష్యం!

అల్లూరి జిల్లాలో పదో తరగతిలో 100% ఉత్తీర్ణతే లక్ష్యంగా 'మిషన్ మార్చ్ SSC-2027' ప్రారంభించారు. కలెక్టర్ నిశాంతి ఆదేశాలతో విద్యార్థి, ఉపాధ్యాయుల హాజరుపై ప్రత్యేక పర్యవేక్షణ ఉంటుంది. సాయంత్రం 4-5కి స్టడీ అవర్, రోజూ స్లిప్ టెస్టులు. వెనుకబడిన విద్యార్థులకు ప్రత్యేక బోధన. పాఠశాలల్లో భద్రత, మౌలిక సదుపాయాల పనులు డిసెంబర్ 31లోగా పూర్తి చేయాలని సూచించారు. అధికారులు, ఉపాధ్యాయులు సమన్వయంతో పనిచేయాలని కోరారు.

Local· 7m ago

కాకరవాయి రైతులకు సాగునీటి కష్టాలు

తిరుమలాయపాలెం మండలం కాకరవాయిలో వర్షాలు ఆశించిన స్థాయిలో లేక చెరువులు, కుంటల్లో నీరు తగ్గిపోవడంతో రైతులు ఇబ్బందులు పడుతున్నారు. విద్యుత్‌ కోతలు, లో-వోల్టేజీ కారణంగా మోటార్లు సక్రమంగా పనిచేయడం లేదని తెలిపారు. పంటలకు కీలక దశలో సాగునీరు అందకపోతే నష్టం వాటిల్లే ప్రమాదం ఉందన్నారు. భక్త రామదాసు లిఫ్ట్‌ ఇరిగేషన్‌ ద్వారా చెరువులకు నీటిని మళ్లించి నింపాలని రైతులు ప్రభుత్వాన్ని కోరారు.

Local· 8m ago

కాంట్రాక్ట్ ఉద్యోగుల రిలే దీక్షలు.. న్యాయం కావాలి!

ఏపీ మెడికల్ అండ్ హెల్త్ కాంట్రాక్ట్ ఎంప్లాయిస్ జాయింట్ యాక్షన్ కమిటీ ఆధ్వర్యంలో పోలవరం జిల్లా చింతూరు ఐటీడీఏ ఎదుట వైద్య ఆరోగ్య శాఖ కాంట్రాక్ట్ ఉద్యోగులు రిలే నిరాహార దీక్షలు ప్రారంభించారు. చింతూరు డివిజన్ పరిధిలోని 11 పీహెచ్‌సీలు, 2 సీహెచ్‌సీల నుంచి సుమారు 100 మంది సిబ్బంది పాల్గొన్నారు. కాంట్రాక్ట్ ఉద్యోగులను రెగ్యులర్ చేయాలని, అప్పటి వరకు 100 శాతం గ్రాస్ సాలరీ ఇవ్వాలని వీరి ప్రధాన డిమాండ్లు. ఐదుసార్లు ప్రభుత్వంతో చర్చలు జరిపినా ఫలితం లేదన్నారు.