MVSR ఘటన.. తండ్రి ఆవేదన

By Prashanth· 1d ago

నాదర్‌గుల్‌ <a href="https://www.theclearcutnews.com/n/bZP8Fkx">MVSR కాలేజీ దాండియా</a> ఘటనలో చని పోయిన విద్యార్థిని తండ్రి భావోద్వేగానికి గురయ్యారు. “పండగకు ఇద్దరు కూతుళ్లను ఊరికి తీసుకెళ్దామనుకున్నా.. కానీ ఇప్పుడు పెద్ద కూతురి మృతదేహాన్ని తీసుకెళ్తున్నా. చిన్న కూతురి పరిస్థితి కూడా విషమంగా ఉంది” అంటూ ఆవేదన వ్యక్తం చేశారు. భారీ ఈవెంట్ నిర్వహించినా సరైన ఏర్పాట్లు చేయలేదని, కూతురు చనిపోయినా కాలేజీ యాజమాన్యం స్పందించలేదని ఆరోపించారు. కాలేజీ నిర్లక్ష్యం వల్ల తన ఇద్దరు కూతుళ్ల భవిష్యత్తు నాశనమైందని అన్నారు.

More in TG

▶

TG· 3h ago

పాతబస్తీలో భారీ అగ్నిప్రమాదం!

TG: హైదరాబాద్ నగరంలోని పాతబస్తీలో మదీనా ప్రాంతంలో బాంబే హౌసరీలో భారీ అగ్నిప్రమాదం చోటుచేసుకుంది. మంటల నుంచి ఎక్కువగా పొగ వెలువడుతుండటంతో స్థానికులు ఉక్కిరిబిక్కిరి అవుతున్నారు. మంటలు ఇతర షాపులకు వ్యాపించకుండా ఫైర్ సిబ్బంది చర్యలు తీసుకుంటున్నారు. హోల్‌సేల్ క్లాత్ మార్కెట్ కావడంతో భారీగా ఆస్తి నష్టం జరిగే అవకాశం ఉందని అధికారులు భావిస్తున్నారు.

▶

TG· 3h ago

కోనేరులోకి దూసుకెళ్లిన కారు

TG: రంగారెడ్డి జిల్లా మహేశ్వరంలోని శివగంగ రాజరాజేశ్వర ఆలయ కోనేరులోకి ఇన్నోవా క్రిస్టా కారు దూసుకెళ్లి నీటిలో మునిగిపోయింది. వెంటనే అప్రమత్తమైన డ్రైవర్ డోర్ తెరిచి బయటకు రావడంతో ప్రమాదం తప్పింది. కారులో డ్రైవర్‌ ఒక్కరే ఉండటంతో ప్రాణనష్టం జరగలేదు. కారు అదుపుతప్పి కోనేరులోకి దూసుకెళ్లడానికి అతివేగమే కారణమని స్థానికులు చెబుతున్నారు.

TG· 5h ago

వెండి బతుకమ్మపై ట్రోల్స్.. PV సింధు కౌంటర్

TG: గతేడాది తెలంగాణ బతుకమ్మ వేడుకల్లో పాల్గొన్న బాడ్మింటన్ ప్లేయర్ PV సింధు.. వెండి బతుకమ్మ పట్టుకున్న ఫొటోను తన ఇన్‌స్టాగ్రామ్‌లో పోస్ట్ చేశారు. ఈసారి మిస్సయ్యానని చెప్పారు. ఐతే.. "పూలు పేర్చితేనే బతుకమ్మ అంటారు. మీ పైత్యాన్ని పండుగపై రుద్దకండి" అని ఓ నెటిజన్ ట్రోల్ చేశారు. దీనికి ఆమె కౌంటర్ ఇచ్చారు. తెలంగాణ కోడలిని అయినందుకు అత్తగారు ప్రేమతో తనకు బహుమతిగా ఇచ్చారనీ, వెనక ఉన్న పెద్ద పూల బతుకమ్మను తానే పేర్చానని తెలిపారు.

TG· 5h ago

19 ఏళ్ల స్టూడెంట్ దారుణ హత్య

TG : జగిత్యాల జిల్లా ఎండపల్లి మండలం రాజరాంపల్లిలో తెల్లవారుజామున 19 ఏళ్ల బొంత సంతోష్‌ను గుర్తు తెలియని ఇద్దరు వ్యక్తులు కత్తితో పొడిచి దారుణంగా హత్య చేశారు. సంతోష్ జనగామకు చెందిన వ్యక్తి కాగా, అతని కుటుంబం పెద్దపల్లి జిల్లా ధర్మారం మండలానికి వలస వెళ్ళింది. అక్కడ సంతోష్‌ ఇంటర్ సెకండ్ ఇయర్ చదువుతున్నాడు. మృతదేహాన్ని జగిత్యాల హాస్పిటల్‌కు తరలించారు. ఈ హత్యకు సంబందించిన వివరాలు ఇంకా తెలియాల్సి ఉంది.