ఆష్ఠ గ్రామంలో ఘనంగా దేవీ నవరాత్రి ఉత్సవాలు

By Digamber Adla· 22h ago· Mudhole, Mudhole, Nirmal

నిర్మల్ జిల్లా ముధోల్ మండలం ఆష్ఠ గ్రామంలో నవరాత్రి ఉత్సవాలు భక్తిశ్రద్ధలతో కొనసాగుతున్నాయి. దుర్గామాత ఆలయంలో అన్నప్రసాద వితరణ నిర్వహించగా, రాత్రి గురుస్వామి సునీల్ దత్ ఆధ్వర్యంలో మహా కుంకుమార్చన చేపట్టారు. ఈ కార్యక్రమంలో వందలాది మహిళా భక్తులు పాల్గొన్నారు. పర్యావరణ పరిరక్షణలో భాగంగా అన్నదానంలో ప్లాస్టిక్‌కు దూరంగా ఉండి స్టీల్ ప్లేట్లను వినియోగించారు. సహకరించిన గ్రామస్తులకు దుర్గామాత కమిటీ కృతజ్ఞతలు తెలిపింది.

More in Local

Local· 3m ago

కడపలో దళిత అభ్యర్థిపై దాడి!

కడప పట్టణంలోని 27వ వార్డు దళిత కార్పొరేటర్ అభ్యర్థి బి. శ్యాంసన్, ఆయన కుటుంబ సభ్యులపై దాడి చేసి నామినేషన్ పత్రాలు చించివేశారని ఆరోపణలు వెల్లువెత్తాయి. లోమడ చంద్రమోహన్ రెడ్డి అనుచరులే ఈ దాడికి పాల్పడ్డారని బాధితుడు ఆరోపించారు. గాయపడిన వారికి పోలీసులు రక్షణ కల్పించలేదని, ఫిర్యాదు నమోదు చేయలేదని పేర్కొన్నారు. ఈ ఘటనపై జాతీయ ఎస్సీ కమిషన్, జాతీయ మానవ హక్కుల కమిషన్‌కు ఫిర్యాదు చేయనున్నట్లు శ్యాంసన్ తెలిపారు.

Local· 14m ago

వర్క్‌షాప్ ఉద్యోగుల సమస్యలపై మంత్రి హామీ

కరీంనగర్ RTC వర్క్‌షాప్‌ జోనల్ పరిధిలో 12 ఏళ్ల తర్వాత జరిగిన ఎంప్లాయీస్ యూనియన్ ఎన్నికల్లో కాంగ్రెస్ ఐక్యకూటమి ఘన విజయం సాధించింది. ఈ నేపథ్యంలో యూనియన్ గౌరవ అధ్యక్షుడు తాళ్లపల్లి శ్రీనివాస్ గౌడ్ ఆధ్వర్యంలో నాయకులు మంత్రి పొన్నం ప్రభాకర్‌ను కలిశారు. వర్క్‌షాప్‌ ఉద్యోగుల సమస్యలను ఆయన దృష్టికి తీసుకెళ్లగా, పరిష్కారానికి కృషి చేస్తానని మంత్రి హామీ ఇచ్చారు.

Local· 18m ago

'పండుగ వేళ శాంతిభద్రతలకు సహకరించండి'

విజయదశమి సందర్భంగా నిజామాబాద్ జిల్లా ప్రజలకు పోలీస్ కమిషనర్ పి. సాయి చైతన్య శుభాకాంక్షలు తెలిపారు. చెడుపై మంచి విజయానికి ప్రతీకగా జరుపుకునే ఈ పండుగ స్ఫూర్తితో ప్రజలంతా ఐక్యత, సమగ్రతను కాపాడాలని ఆకాంక్షించారు. నిజామాబాద్, ఆర్మూర్, బోధన్ డివిజన్లలో శాంతిభద్రతలకు విఘాతం కలగకుండా, మత విద్వేషాలకు తావివ్వకుండా పోలీసులకు సహకరించాలని కోరారు. ప్రజలు, పోలీసులు స్నేహభావంతో మెలగాలని సూచించారు.

Local· 21m ago

'ఆనకట్టల వద్ద నీటి నిల్వకు ప్రభుత్వం కసరత్తు'

ఖమ్మం జిల్లా అమ్మగారి పల్లి వద్ద గోదావరి ఆనకట్టను పరిశీలించిన మంత్రి తుమ్మల, ఎల్ నినో ముప్పు దృష్ట్యా దసరా నుంచి దుమ్ముగూడెం వద్ద ఇసుక బస్తాలతో ఒక టీఎంసీ నీటిని నిల్వ చేస్తామన్నారు. పంటలను కాపాడటమే లక్ష్యమని చెబుతూ, నీటి కొరత వల్ల రైతులు వరి సాగు చేయకుండా తక్కువ నీటితో పండే ప్రత్యామ్నాయ పంటలు వేసుకోవాలని కోరారు.