'చెత్తను ఇంటి వద్దే వేరు చేయాలి'

By B V Appalanaidu· 2h ago· Yandapallivalasa, Araku Valley, Alluri Sitharama Raju

అరకులోయ మండలం పెదలబూడి పంచాయతీలోని SWPC షెడ్‌ వద్ద బిన్,బ్యాగ్ విధానంపై ఇవాళ అవగాహన కార్యక్రమం నిర్వహించారు. MPDOలు వీసం ప్రసాద్‌, ఎన్‌.వి.ఎన్‌. మూర్తి, కె.వి.ఏ. సత్యనారాయణ పాల్గొన్నారు. PDOలు, గ్రీన్ అంబాసిడర్లు, పారిశుద్ధ్య సిబ్బందికి తడి, పొడి, ప్రమాదకర చెత్తను ఇంటి వద్దే వేరు చేయడంపై వివరించారు. తడి చెత్తను ఆకుపచ్చ, పొడి చెత్తను నీలం బిన్‌లో వేయాలని సూచించారు.

More in Local

Local· 1m ago

రోడ్డు ప్రమాద మరణాలు బాధాకరం: బీజేపీ

రోడ్డు ప్రమాదాల కారణంగా ఎంతోమంది మరణించడం బాధాకరమని బీజేపీ రాష్ట్ర అధ్యక్షులు ఎన్. రామచందర్ రావు ఆందోళన వ్యక్తం చేశారు. మంగళవారం మెట్టుగూడలో బీజేపీ ఓబీసీ మోర్చా నిర్వహించిన రహదారి భద్రతా చైతన్య కార్యక్రమంలో ఆయన పాల్గొని మాట్లాడారు. మద్యం సేవించి వాహనం నడపడం ప్రాణాంతకమన్నారు. ట్రాఫిక్ నిబంధనలు పాటించి కుటుంబ భద్రతకు ప్రాధాన్యత ఇవ్వాలని సూచించారు. కార్యక్రమంలో బీజేపీ నాయకులు మేకల సారంగపాణి, వై. సురేష్ కుమార్, వెంకటరమణి తదితరులు పాల్గొన్నారు.

Local· 5m ago

లచ్చిరెడ్డిపాలెంలో ఉచిత మెడికల్ క్యాంపు

రౌతులపూడి మండలం లచ్చిరెడ్డిపాలెంలో ఏబీవీపీ (స్టూడెంట్ ఫర్ సేవ) ఆధ్వర్యంలో, గురు న్యూరో మల్టీ స్పెషాలిటీ హాస్పిటల్ సహకారంతో ఉచిత మెడికల్ క్యాంపు జరిగింది. ఏబీవీపీ జిల్లా కన్వీనర్ కామిన కుమార్, బీజేవైఎం కోనసీమ ఇన్‌చార్జి చిట్రా పాపారావు ఆధ్వర్యంలో నిర్వహించారు. బీజేపీ రాష్ట్ర అధికార ప్రతినిధి పెద్దిరెడ్డి రవికిరణ్ రిబ్బన్ కట్ చేసి క్యాంపు ప్రారంభించారు. ప్రధాని మోదీ పుట్టినరోజు సందర్భంగా బీజేపీ నెలరోజుల సేవా కార్యక్రమాలు చేపడుతోందని ఆయన తెలిపారు.

Local· 7m ago

గిరిజన ఉత్పత్తులకు విలువ జోడింపు.. మెరుగైన ఆదాయం!

అల్లూరి జిల్లా పాడేరులో TRIFED, జిల్లా యంత్రాంగం, ఐటీడీఏ ఆధ్వర్యంలో గిరిజన ఉత్పత్తుల విలువ జోడింపు, మార్కెటింగ్‌పై వర్క్‌షాప్ జరిగింది. ముడి అటవీ ఉత్పత్తులకు ప్రాసెసింగ్, నాణ్యత, ప్యాకేజింగ్, బ్రాండింగ్ చేస్తే మెరుగైన ఆదాయం వస్తుందని TRIFED ఎండీ రాజమురుగన్ చెప్పారు. పాడేరు తేనెకు ప్రత్యేక బ్రాండ్, GI గుర్తింపు అవకాశాలను పరిశీలిస్తున్నట్లు కలెక్టర్ నిశాంతి తెలిపారు. VDVKల ద్వారా తేనె, కాఫీ, మిరియాలకు value యాడ్ చేయాలని పీఓ ఆదిత్య వర్మ అన్నారు.

Local· 12m ago

SSC-2027కు మిషన్ మార్చ్.. 100% పాసే లక్ష్యం!

అల్లూరి జిల్లాలో పదో తరగతిలో 100% ఉత్తీర్ణతే లక్ష్యంగా 'మిషన్ మార్చ్ SSC-2027' ప్రారంభించారు. కలెక్టర్ నిశాంతి ఆదేశాలతో విద్యార్థి, ఉపాధ్యాయుల హాజరుపై ప్రత్యేక పర్యవేక్షణ ఉంటుంది. సాయంత్రం 4-5కి స్టడీ అవర్, రోజూ స్లిప్ టెస్టులు. వెనుకబడిన విద్యార్థులకు ప్రత్యేక బోధన. పాఠశాలల్లో భద్రత, మౌలిక సదుపాయాల పనులు డిసెంబర్ 31లోగా పూర్తి చేయాలని సూచించారు. అధికారులు, ఉపాధ్యాయులు సమన్వయంతో పనిచేయాలని కోరారు.