బండి సంజయ్‌కు కాంగ్రెస్ నేత ఓపెన్ ఛాలెంజ్

By dk· 8 Aug 2026· కరీంనగర్ జిల్లా

TG: కేంద్ర సహాయ శాఖ మంత్రి బండి సంజయ్ తప్పుడు ప్రచారాలు మానుకోవాలని కాంగ్రెస్ నేత కోమటిరెడ్డి నరేందర్‌రెడ్డి అన్నారు. కరీంనగర్‌లో మీడియా సమావేశంలో ఆయన మాట్లాడారు. రాష్ట్ర ప్రభుత్వ నిధులను కేంద్ర నిధులుగా ప్రచారం చేస్తున్నారని ఆరోపించారు. కేంద్రం రూ.210 కోట్లు ఇస్తే రూ.840 కోట్లు తామే ఇచ్చినట్లు ప్రచారం చేసుకోవడం విడ్డూరంగా ఉందన్నారు. రాష్ట్ర ప్రభుత్వ వాటా లేకుండా ఒక్క అభివృద్ధి పని కూడా జరగలేదని పేర్కొన్నారు. నిధులపై బహిరంగ చర్చకు తాము సిద్ధంగా ఉన్నామని, బండి సంజయ్ సిద్ధమా అని సవాల్ చేశారు.

More in Politics

Politics· 3h ago

"గ్రీన్ గణేశా".. DCM పవన్ కళ్యాణ్ స్పెషల్ మెసేజ్!

AP: వినాయక చవితి సందర్భంగా.. AP డిప్యూటీ సీఎం పవన్ కళ్యాణ్ రాష్ట్ర ప్రజలకు శుభాకాంక్షలు తెలిపారు. పండుగను భక్తిశ్రద్ధలతో పాటు పర్యావరణహితంగా జరుపుకోవాలన్నారు. ప్రతి ఒక్కరూ మట్టి వినాయక విగ్రహాలను పూజించాలని కోరారు. ప్లాస్టర్ ఆఫ్ పారిస్, రసాయనాలతో తయారైన విగ్రహాలు నీటిని కలుషితం చేస్తాయని, మట్టి విగ్రహాలు పర్యావరణానికి మేలు చేస్తాయని తెలిపారు. పచ్చదనాన్ని కాపాడుతూ పండుగ జరుపుకోవాలని విజ్ఞప్తి చేశారు.మీరు కూడా మీ ఊరి మట్టి లేదా సీడ్ గణేశ్‌తో ఫొటోలు తీసుకొని మాకు పంపండి. మేం అందరికీ చూపిస్తాం.

Politics· 4h ago

యూసీసీపై అమిత్ షా కీలక ప్రకటన

కేంద్ర హోంమంత్రి అమిత్ షా మాట్లాడుతూ.. 2029 లోక్‌సభ ఎన్నికల్లోగా NDA పాలిత 19 రాష్ట్రాలు, రెండు కేంద్రపాలిత ప్రాంతాల్లో యూనిఫాం సివిల్ కోడ్ అమలు చేస్తామని ప్రకటించారు. ప్రధాని మోదీ ప్రజాసేవలో 25 ఏళ్లు పూర్తి కానుండటంతో దేశవ్యాప్తంగా ‘సేవా సంకల్ప్ అభియాన్’ నిర్వహించనున్నట్లు అన్నారు. ఈ కార్యక్రమం సెప్టెంబర్ 17న మోదీ పుట్టినరోజున ప్రారంభమై అక్టోబర్ 17 వరకు కొనసాగుతుంది. 2001లో తొలిసారి గుజరాత్ ముఖ్యమంత్రిగా బాధ్యతలు చేపట్టిన మోదీ నాలుగుసార్లు CMగా, మూడుసార్లు ప్రధానమంత్రిగా గెలుపొందారు.

Politics· 4h ago

పీలేరు బ్యాడ్మింటన్ స్టార్.. నేషనల్స్ కు దీక్షిత! 🏸

వైఎస్ఆర్ కడప జిల్లా పీలేరుకు చెందిన దీక్షిత జాతీయస్థాయి బ్యాడ్మింటన్ టోర్నీకి క్వాలిఫై అయ్యింది. విజయవాడలో జరిగిన అండర్-14 బ్యాడ్మింటన్ పోటీల్లో రెండు కేటగిరీల్లో సత్తా చాటింది. తండ్రి హరి కువైట్లో ఉంటున్నారు. తల్లి ఉషారాణి పీలేరులో ప్రైవేట్ స్కూల్ టీచర్గా పనిచేస్తున్నారు. ఈమె రెండు కేటగిరీల్లో నేషనల్స్కు సెలెక్ట్ అవ్వడం విశేషం. కూతురి ప్రతిభపై కుటుంబం ఫుల్ హ్యాపీ. మరో యంగ్ ఛాంపియన్ పుట్టింది కదా!.. మీ గ్రామాల్లో కూడా ఇలాంటి యువకెరటాలు సాధించే విజయాలను వార్తలుగా పంపండి.

Politics· 5h ago

మట్టి వినాయకుడే.. ఎకో-ఫ్రెండ్లీ ! 🌱

ఏలూరు జిల్లా ఉంగుటూరు మండలం కైకరం గ్రామంలో స్పెషల్ డ్రైవ్ జరిగింది. జనసేన నాయకుడు వెజ్జు వెంకట సుబ్బారావు గ్రామస్థులకు మట్టి వినాయక విగ్రహాలు పంపిణీ చేశారు. పూజకు కావాల్సిన ప్రత్యేక పుస్తకాలను కూడా అందజేశారు. ప్రకృతి దైవ స్వరూపమని, పర్యావరణ హితంగా వినాయక చవితి జరుపుకోవాలని ఆయన కోరారు. ప్లాస్టిక్ విగ్రహాల వల్ల పర్యావరణానికి హాని జరుగుతుందని, మట్టి విగ్రహాలే బెస్ట్ అని సూచించారు. గ్రామస్థులు ఈ చర్యను హర్షించారు. మీరు కూడా ఈసారి మట్టి గణనాథుడినే పెడుతున్నారా? అయితే ఫొటో, వార్త పంపండి.