చిన్నారి మృతితో హాస్పిటల్ వద్ద టెన్షన్ టెన్షన్

By dk yamjala· 1 Jun 2026· వికారాబాద్ జిల్లా

TG: డాక్టర్ల నిర్లక్ష్యంతో చిన్నారి మృతి చెందింది. 5నెలల చిన్నారికి జ్వరం రావడంతో వికారాబాద్ జిల్లాలోని మహవీర్ హాస్పిటల్‌లో చేర్చారు. సెల్‌ఫోన్ ద్వారా వైద్యుల సూచనలతో చికిత్స చేయడంతోనే పాప చనిపోయిందని కుటుంబసభ్యులు ఆరోపించారు. జ్వరం ఉందని తీసుకొస్తే హాస్పిటల్‌లో చేర్చుకోవడంలో, ట్రీట్‌మెంట్ చేయడంలో నెగ్లెన్స్ చేశారని, అందుకే తమ బిడ్డ మృతి చెందిందని తల్లిదండ్రులు కన్నీటి పర్యంతమయ్యారు. బాధిత కుటుంబసభ్యులు, బంధువులు ఆందోళన చేయడంతో అక్కడ టెన్షన్ వాతావరణం నెలకుంది.

More in Local

Local· 14m ago

కరెంట్ కోతలపై రైతుల ధర్నా

AP: అప్రకటిత విద్యుత్ కోతలతో పంటలు ఎండిపోయే పరిస్థితి ఏర్పడిందంటూ రైతులు ఆందోళనకు దిగారు. శ్రీ సత్యసాయి జిల్లా ఓ.డి.చెరువు మండలం కొండకమర్ల సబ్‌స్టేషన్‌ వద్ద రైతులు ధర్నా నిర్వహించారు. గత 15 రోజులుగా తరచూ విద్యుత్ కోతలు విధించడంతో తాగునీరు, సాగునీటికి తీవ్ర ఇబ్బందులు ఎదురవుతున్నాయని రైతులు ఆవేదన వ్యక్తం చేశారు. ఎల్‌నినో ప్రభావంతో వర్షాలు సకాలంలో లేక బోరుబావుల నీటితో పంటలను కాపాడుకుంటున్న సమయంలో కోతలు మరింత ఇబ్బందులకు గురిచేస్తున్నాయని తెలిపారు.

Local· 22m ago

గణేష్ మండపాలకు పోలీసుల కీలక నిబంధనలు

TG: గణేష్ నవరాత్రి ఉత్సవాలను ప్రశాంతంగా, భక్తిశ్రద్ధలతో నిర్వహించేందుకు భద్రాద్రి కొత్తగూడెం జిల్లా పోలీసులు కఠిన నిబంధనలు అమలు చేస్తున్నారు. మండపాల నిర్వాహకులు తప్పనిసరిగా ఆన్‌లైన్‌లో వివరాలు నమోదు చేసి పోలీసుల అనుమతి పొందాలని ఎస్పీ రోహిత్ రాజు సూచించారు. మండపాల వద్ద CCTV కెమెరాలు, అగ్ని ప్రమాదాల నివారణ చర్యలు, 24 గంటల వాలంటీర్లను ఏర్పాటు చేయాలని తెలిపారు. DJలకు అనుమతి లేదని, రాత్రి 10 గంటల తర్వాత లౌడ్‌స్పీకర్లు వినియోగించరాదని స్పష్టం చేశారు.

Local· 28m ago

ఎడ్లబండిపై బడిబాట.. ఇదేం దుస్థితి!

TG: సరైన రోడ్డు, బస్సు సౌకర్యం లేక నిర్మల్ జిల్లా నర్సాపూర్ జి మండలం బామిని గ్రామంలోని విద్యార్థులు తీవ్ర ఇబ్బందులు పడుతున్నారు. రహదారులు అధ్వానంగా మారడంతో చిన్నారులు నిత్యం కిలోమీటర్ల మేర బురద దారుల్లో ఎడ్లబండిపై పాఠశాలలకు వెళ్తున్నారు. దశాబ్దాలుగా కొనసాగుతున్న ఈ సమస్యపై అధికారులు, ప్రజాప్రతినిధులు వెంటనే స్పందించాలని తల్లిదండ్రులు కోరుతున్నారు. గ్రామానికి పక్కా రోడ్డు నిర్మించడంతో పాటు విద్యార్థుల కోసం బస్సు సర్వీస్ ఏర్పాటు చేయాలని డిమాండ్ చేస్తున్నారు.

▶

Local· 29m ago

ఎండిన మర్రిచెట్టుపై పచ్చని తాటిచెట్టు

TG : నర్సంపేట లక్నేపల్లి వద్ద ఒక ప్రకృతి వింత నెటిజన్లను ఆశ్చర్యపరుస్తోంది. అక్కడ పూర్తిగా ఎండిపోయిన ఒక పెద్ద మర్రిచెట్టు కొమ్మల మధ్య నుంచి తాటిచెట్టు పచ్చగా పెరుగుతోంది. తాను ఎండిపోయినా తాటిచెట్టుకు ఆసరాగా నిలిచిన మర్రిచెట్టు దృశ్యం అందరినీ ఆకట్టుకుంటోంది. ఈ వింతను చూసేందుకు స్థానికులు ఆసక్తిగా తరలివస్తున్నారు.