పాత కక్షలతో యువకుడి హత్య

By Nani Eluri· 2h ago

జగిత్యాల జిల్లా ఎండపల్లి మండలం రాజారాంపల్లిలో బొంత సంతోష్ 19 ఏళ్ల యువకుడు హత్యకు గురయ్యాడు. ఆదివారం రాత్రి పాత కక్షలతో శివరాత్రి అనిల్ అనే యువకుడు సంతోష్‌పై కత్తితో దాడి చేసినట్లు సమాచారం. తీవ్రంగా గాయపడిన సంతోష్‌ను ఆసుపత్రికి తీసుకెళ్తుండగా మార్గమధ్యంలో చనిపోయాడు. ఘటనపై పోలీసులు కేసు నమోదు చేసి విచారణ చేస్తున్నారు. అయితే హత్యకు దారితీసిన కారణాలు, ఘటనకు సంబంధించిన పూర్తి వివరాలు ఇంకా తెలియాల్సి ఉంది.

More in Local

▶

Local· 6m ago

జువెల్లరీ షాపులో ఒక్కసారిగా మంటలు

కరీంనగర్ జిల్లా జమ్మికుంటలోని విజయలక్ష్మి జువెల్లరీ షాపులో ఒక్కసారిగా మంటలు చెలరేగాయి. దీంతో షాపు చుట్టూ దట్టమైన పొగ వ్యాపించింది. సమాచారం అందగానే ఫైర్ సిబ్బంది అక్కడికి వచ్చి మంటలను ఆర్పేశారు. షార్ట్ సర్క్యూట్ వల్లే ప్రమాదం జరిగి ఉంటుందని స్థానికులు చెబుతున్నారు. మంటలు రావడంతో చుట్టుపక్కల ఉన్నవారు ఆందోళనకు గురయ్యారు. అయితే, ఈ ప్రమాదంలో ఎంత నష్టం జరిగిందనే వివరాలు ఇంకా తెలియలేదు.

Local· 10m ago

'ఎన్నికల కోడ్ ఉల్లంఘిస్తే చర్యలు'

సత్యసాయి జిల్లాలో ZPTC,MPTC ఎన్నికల నేపథ్యంలో ఎన్నికల ప్రవర్తనా నియమావళిని పకడ్బందీగా అమలు చేయాలని ఎన్నికల పరిశీలకులు పి. అరుణ్ బాబు సూచించారు. నిబంధనలు ఉల్లంఘించిన వారిపై చట్టప్రకారం చర్యలు తీసుకోవాలని అధికారులను ఆదేశించారు. ఎన్నికల ప్రక్రియను ప్రభావితం చేసే అంశాలపై నిరంతరం పర్యవేక్షణ చేపట్టాలని స్పష్టం చేశారు.

Local· 16m ago

ఉపాధి పనులకు వెళ్లి ప్రాణాలు కోల్పోయిన కూలీ

నిజామాబాద్ జిల్లా వేల్పూర్ మండలం రామన్నపేటలో ఉపాధి హామీ పనులు చేస్తుండగా భగవాన్ దాస్ (52)కు ఒక్కసారిగా గుండెపోటు వచ్చింది. దీంతో ఆయన అక్కడే కుప్పకూలిపోయాడు. ఇది చూసిన తోటి కూలీలు వెంటనే ఆయనను హాస్పిటల్‌కు తీసుకెళ్లారు. అయితే అప్పటికే ఆయన చనిపోయినట్లు డాక్టర్లు చెప్పారు. రోజువారీ పనులకు వెళ్లిన భగవాన్ దాస్ ఇలా చనిపోవడంతో స్థానికంగా విషాదం నెలకొంది.

Local· 18m ago

కార్మికుల కుటుంబాలకు చెక్కులు పంపిణీ

కాకినాడ జిల్లాలో వివిధ కారణాలతో మరణించిన ఆరుగురు హెచ్ఎంఎస్ కార్మికుల కుటుంబాలకు ₹ 29,91,885 విలువైన జీవిత బీమా, సంక్షేమ చెక్కులను కాకినాడ సిటీ ఎమ్మెల్యే వనమాడి కొండబాబు పంపిణీ చేశారు. హెచ్ఎంఎస్ ఆధ్వర్యంలో నిర్వహించిన కార్యక్రమంలో బాధిత కుటుంబాలకు చెక్కులు అందజేసి, ఆర్థిక భరోసా కల్పించారు. ఈ కార్యక్రమంలో హెచ్ఎంఎస్ అధ్యక్షుడు పెన్నపోతు రాము, తదితరులు పాల్గొన్నారు.