కంచరాం స్కూల్‌కు రాష్ట్ర స్థాయిలో గుర్తింపు

By Mohan· 1d ago· Vizianagaram

శ్రీకాకుళం జిల్లా రాజాం మండలం కంచరాం ZP హైస్కూల్ విద్యార్థులు రాష్ట్ర స్థాయి SGF రెజ్లింగ్ పోటీల్లో సత్తా చాటారు. అండర్-17 విభాగంలో 46 కేజీల ఫ్రీస్టైల్‌లో ఎస్. అపర్ణ రాష్ట్ర స్థాయిలో 2వ స్థానం సాధించింది. 65 కేజీల ఫ్రీస్టైల్‌లో కె. లావణ్య 3వ స్థానం దక్కించుకుంది. ఈ విజయంతో పాఠశాలలో ఆనందం నెలకొంది. HM గౌరీ నాయుడు, PD తాలాడ దుర్గారావు, జిల్లా APTF అధ్యక్షుడు మజ్జి మదనమోహనరావుతో పాటు పలువురు విద్యార్థులను అభినందించారు.

More in Local

Local· 3m ago

కడపలో దళిత అభ్యర్థిపై దాడి!

కడప పట్టణంలోని 27వ వార్డు దళిత కార్పొరేటర్ అభ్యర్థి బి. శ్యాంసన్, ఆయన కుటుంబ సభ్యులపై దాడి చేసి నామినేషన్ పత్రాలు చించివేశారని ఆరోపణలు వెల్లువెత్తాయి. లోమడ చంద్రమోహన్ రెడ్డి అనుచరులే ఈ దాడికి పాల్పడ్డారని బాధితుడు ఆరోపించారు. గాయపడిన వారికి పోలీసులు రక్షణ కల్పించలేదని, ఫిర్యాదు నమోదు చేయలేదని పేర్కొన్నారు. ఈ ఘటనపై జాతీయ ఎస్సీ కమిషన్, జాతీయ మానవ హక్కుల కమిషన్‌కు ఫిర్యాదు చేయనున్నట్లు శ్యాంసన్ తెలిపారు.

Local· 14m ago

వర్క్‌షాప్ ఉద్యోగుల సమస్యలపై మంత్రి హామీ

కరీంనగర్ RTC వర్క్‌షాప్‌ జోనల్ పరిధిలో 12 ఏళ్ల తర్వాత జరిగిన ఎంప్లాయీస్ యూనియన్ ఎన్నికల్లో కాంగ్రెస్ ఐక్యకూటమి ఘన విజయం సాధించింది. ఈ నేపథ్యంలో యూనియన్ గౌరవ అధ్యక్షుడు తాళ్లపల్లి శ్రీనివాస్ గౌడ్ ఆధ్వర్యంలో నాయకులు మంత్రి పొన్నం ప్రభాకర్‌ను కలిశారు. వర్క్‌షాప్‌ ఉద్యోగుల సమస్యలను ఆయన దృష్టికి తీసుకెళ్లగా, పరిష్కారానికి కృషి చేస్తానని మంత్రి హామీ ఇచ్చారు.

Local· 17m ago

'పండుగ వేళ శాంతిభద్రతలకు సహకరించండి'

విజయదశమి సందర్భంగా నిజామాబాద్ జిల్లా ప్రజలకు పోలీస్ కమిషనర్ పి. సాయి చైతన్య శుభాకాంక్షలు తెలిపారు. చెడుపై మంచి విజయానికి ప్రతీకగా జరుపుకునే ఈ పండుగ స్ఫూర్తితో ప్రజలంతా ఐక్యత, సమగ్రతను కాపాడాలని ఆకాంక్షించారు. నిజామాబాద్, ఆర్మూర్, బోధన్ డివిజన్లలో శాంతిభద్రతలకు విఘాతం కలగకుండా, మత విద్వేషాలకు తావివ్వకుండా పోలీసులకు సహకరించాలని కోరారు. ప్రజలు, పోలీసులు స్నేహభావంతో మెలగాలని సూచించారు.

Local· 20m ago

'ఆనకట్టల వద్ద నీటి నిల్వకు ప్రభుత్వం కసరత్తు'

ఖమ్మం జిల్లా అమ్మగారి పల్లి వద్ద గోదావరి ఆనకట్టను పరిశీలించిన మంత్రి తుమ్మల, ఎల్ నినో ముప్పు దృష్ట్యా దసరా నుంచి దుమ్ముగూడెం వద్ద ఇసుక బస్తాలతో ఒక టీఎంసీ నీటిని నిల్వ చేస్తామన్నారు. పంటలను కాపాడటమే లక్ష్యమని చెబుతూ, నీటి కొరత వల్ల రైతులు వరి సాగు చేయకుండా తక్కువ నీటితో పండే ప్రత్యామ్నాయ పంటలు వేసుకోవాలని కోరారు.