ధర్నాను జయప్రదం చేయండి: CITU

By Bala· 2h ago

జోగులాంబ గద్వాల జిల్లా కార్మికుల సమస్యల పరిష్కారం కోసం ఈ నెల 25, 26 తేదీల్లో HYDలోని ఇందిరాపార్కు వద్ద నిర్వహించనున్న మహాధర్నాకు కార్మికులు భారీగా తరలిరావాలని CITU జిల్లా అధ్యక్షుడు ఉప్పేర్ నరసింహ, కార్యదర్శి వి.వి. నరసింహ పిలుపునిచ్చారు. సోమవారం గద్వాలలో మహాధర్నా పోస్టర్ను ఆవిష్కరించారు. నాలుగు లేబర్ కోడ్లను రద్దు చేసి, పాత కార్మిక చట్టాలను పునరుద్ధరించాలన్నారు.

More in Local

▶

Local· 1m ago

ఊరు దాటితే చీకటే.. వీధి దీపాలెక్కడ?

కరీంనగర్ జిల్లా జమ్మికుంట వెళ్లే రహదారిపై వీధి దీపాల కొరత తీవ్రంగా ఉంది. హైదరాబాద్ నుంచి ప్రయాణిస్తున్నప్పుడు వునికిచెర్ల గ్రామం దాటిన తర్వాత ఎలకతుర్తి వైపు సుమారు నాలుగు కిలోమీటర్ల మేర వెలుతురు లేదు. గ్రామాల పరిధిలో దీపాలు ఉన్నా, గ్రామాలు దాటిన తర్వాత చీకటి ఆవరిస్తోంది. రాత్రివేళ ద్విచక్ర వాహనదారులు, ఇతర ప్రయాణికులు చీకటిలోనే ప్రయాణించాల్సి వస్తోంది. రహదారిపై గుంతలు, మలుపులు, పశువులు ఎదురైతే ప్రమాదాల ముప్పు ఉందని ప్రజలు ఆందోళన చెందుతున్నారు.

Local· 4m ago

సూరత్‌లో బతుకమ్మ సందడి!

గుజరాత్‌లోని సూరత్‌లో తెలంగాణ వైభవాన్ని చాటుతూ సద్దుల బతుకమ్మ సంబరాలు ఘనంగా జరిగాయి. బాలాజీ నగర్ (GHB) అసోసియేషన్, సిద్ధి వినాయక మందిర కమిటీ, పద్మశాలీ సమాజం, కల్పన ప్రియాంక టౌన్ కైలాస్ నగర్ ఆధ్వర్యంలో ఈ వేడుక నిర్వహించారు. స్థానిక తెలంగాణ మహిళలు రంగురంగుల పూలతో బతుకమ్మలు పేర్చారు. సూరత్‌లో తెలంగాణ సంస్కృతిని చాటుతున్న మహిళలను నిర్వాహకులు అభినందించారు. ఈ ఉత్సవంలో అంబటి పద్మ, వెంకటమ్మ, నిర్మల, సామల ఝాన్సీ, తుమ్మ పుష్పమ్మ పాల్గొన్నారు.

Local· 9m ago

ఆటో ఢీకొని వ్యక్తికి తీవ్ర గాయాలు

విజయనగరం జిల్లా కొత్తవలస సమీపంలో ఆటో ఢీకొని బొంతల అనిల్ కుమార్ తీవ్రంగా గాయపడ్డారు. రేగిడి మండలం లక్ష్మీపురం గ్రామానికి చెందిన అనిల్ కుమార్ పెయింటింగ్ పనులు ముగించుకుని తిరిగి వస్తుండగా ఈ ప్రమాదం జరిగింది. గాయపడిన అతడిని రాజాం ప్రభుత్వ ఆసుపత్రికి తరలించారు. తీవ్ర రక్తస్రావం కావడంతో మెరుగైన ట్రీట్‌మెంట్ కోసం శ్రీకాకుళం రిమ్స్‌కు రిఫర్ చేసినట్లు ఆసుపత్రి వర్గాలు తెలిపాయి.

Local· 10m ago

అరకులోయలో దసరా కళకళ!

అల్లూరి సీతారామరాజు జిల్లా ప్రముఖ పర్యాటక కేంద్రం అరకులోయలో దసరా పండుగ శోభ కళకళలాడుతోంది. దుర్గాపూజ కోసం ప్రజలు పూజా సామాగ్రి, వాహనాలకు కట్టే పూలదండలు, రంగురంగుల దారాల కోసం షాపుల్లో ఎగబడుతున్నారు. ప్రముఖ పర్యాటక కేంద్రం కావడంతో 450 ఆటోలు, 156 ట్యాక్సీలు, వందలాది ద్విచక్ర వాహనాలు ఉండడంతో దుర్గాపూజ ప్రాధాన్యత పెరిగింది. పండుగ సందడితో అరకులోయ రంగుల మయంగా మారింది.