ప్రజలకు ఎలాంటి ఇబ్బందులు కలగకుండా పటిష్ట బందోబస్తు

By VGRAO· 1h ago· Peddapalli

పెద్దపల్లి జిల్లా గోదావరిఖని సింగరేణి జవహర్‌లాల్ నెహ్రూ స్టేడియంలో జరగనున్న దసరా వేడుకలకు పోలీస్ సెక్యూరిటీ పెంచుతున్నారు. రామగుండం పోలీస్ కమిషనర్ అంబర్ కిషోర్ ఝా ఏర్పాట్లను పరిశీలించి అధికారులకు సూచనలు చేశారు. రావణ దహనం, క్రాకర్ షో, సినీ కళాకారుల ప్రోగ్రామ్స్ ఉండటంతో పెద్ద సంఖ్యలో జనం వచ్చే అవకాశం ఉంది.ట్రాఫిక్, పార్కింగ్ ఇబ్బందులు రాకుండా చూడాలని చెప్పారు. వేడుకలు పూర్తయ్యే వరకు పోలీసులు అలర్ట్‌గా ఉండాలని ఆదేశించారు.

More in Local

Local· just now

విజయదశమి.. మంచి గెలుపు సందేశం : MLA

నిజామాబాద్ జిల్లా బాల్కొండ ఎమ్మెల్యే, మాజీ మంత్రి వేముల ప్రశాంత్ రెడ్డి విజయదశమి శుభాకాంక్షలు తెలిపారు. చెడుపై మంచి, అధర్మంపై ధర్మం గెలిచిన విజయానికి ఈ పండుగ ప్రతీక అని అన్నారు. ప్రతి ఒక్కరూ చెడును విడనాడి మంచిని ఆచరించాలని పిలుపునిచ్చారు. ప్రజల మధ్య ప్రేమ, ఐక్యత, సోదరభావం బలపడాలని ఆకాంక్షించారు. జిల్లా ప్రజలకు అన్ని రంగాల్లో విజయం, కుటుంబాల్లో సుఖసంతోషాలు, ఆయురారోగ్యాలు కలగాలని కోరారు.

Local· 4m ago

రూ.2.5 కోట్లతో గిరిజన హాస్టల్ నిర్మాణం మంత్రి శంకుస్థాపన

ఖమ్మం జిల్లా ఏదులాపురం మున్సిపాలిటీలోని TNGOs కాలనీలో గిరిజన బాలుర పోస్ట్‌మెట్రిక్ హాస్టల్ నిర్మాణానికి మంత్రి పొంగులేటి శ్రీనివాసరెడ్డి సోమవారం రాత్రి శంకుస్థాపన చేశారు. ఈ హాస్టల్‌ను 2.5 కోట్ల రూపాయలతో నిర్మించనున్నారు. త్వరలో బాలికల హాస్టల్ నిర్మాణానికి కూడా శంకుస్థాపన చేస్తామని మంత్రి చెప్పారు. అనంతరం ముత్తగూడెంలో దేవీ నవరాత్రుల సందర్భంగా అన్నదానాన్ని ప్రారంభించి, ప్రజలకు దసరా శుభాకాంక్షలు తెలిపారు.

Local· 18m ago

అంబేద్కర్ భవనం, స్కిల్ సెంటర్‌కు MLA కూనంనేని శంకుస్థాపన

భద్రాద్రి కొత్తగూడెం జిల్లా పాల్వంచ మండలం లక్ష్మీదేవిపల్లి (ఎస్) గ్రామపంచాయతీలో అంబేద్కర్ భవనం, స్కిల్ డెవలప్‌మెంట్ సెంటర్ నిర్మాణానికి ఎమ్మెల్యే కూనంనేని సాంబశివరావు శంకుస్థాపన చేశారు. అంబేద్కర్ భవనం పాల్వంచ ప్రజల చిరకాల కోరిక అని ఆయన చెప్పారు. స్కిల్ సెంటర్ ద్వారా స్థానిక యువతకు నైపుణ్య శిక్షణ అందించి ఉద్యోగ, ఉపాధి అవకాశాలు పొందేందుకు ఉపయోగపడుతుందని తెలిపారు. యువత అభివృద్ధి, విద్య, సామాజిక సమానత్వానికి ఇలాంటి కేంద్రాలు ఉపయోగపడతాయని అన్నారు.

Local· 26m ago

పారిశుద్ధ్య కార్మికులకు నూతన వస్త్రాల పంపిణీ

రంగారెడ్డి జిల్లా షాద్‌నగర్‌లో దసరా సందర్భంగా పారిశుద్ధ్య కార్మికులకు కొత్త బట్టలు పంపిణీ చేసేందుకు యువనేత, కాంట్రాక్టర్ KK కృష్ణ సహకరించారు. షాద్‌నగర్ మున్సిపల్ కార్యాలయంలో జరిగిన ఈ కార్యక్రమంలో చైర్మన్ అగ్గనూర్ బసవేశ్వర్ కార్మికులకు దుస్తులు అందించి పండుగ శుభాకాంక్షలు తెలిపారు. ఎమ్మెల్యే వీర్లపల్లి శంకర్ ఆశయాలకు అనుగుణంగా కేకే కృష్ణ ఈ కార్యక్రమానికి సహకరించారు. పండుగ వేళ కొత్త బట్టలు అందుకోవడంతో కార్మికులు సంతోషం వ్యక్తం చేశారు.