సచివాలయ ఉద్యోగులు డిటైన్

By Krishna· 3h ago

AP: ఇవాళ ఆంధ్రప్రదేశ్‌లో గ్రామ, వార్డు సచివాలయ ఉద్యోగులు నిర్వహిస్తున్న 'ఛలో విజయవాడ' ఆందోళన తీవ్రమవుతోంది. ఐతే.. పోలీసులు ధర్నా చౌక్‌కి వెళ్తున్న ఉద్యోగులను ఎక్కడికక్కడ అడ్డుకుంటున్నారు. కొంతమందిని ముందుగానే అదుపులోకి తీసుకొని గవర్నర్ పేట పోలీస్ స్టేషన్‌కి తరలించారు. రెండేళ్లుగా ఉన్న తమ సమస్యలు పరిష్కరించాలని ఉద్యోగులు కోరుతున్నారు. నిరసన తెలిపే తమ హక్కును కాలరాయాలని చూస్తే, మరింత తీవ్రం చేస్తామని హెచ్చరిస్తున్నారు.

More in AP

▶

AP· 14m ago

భగ్గుమంటున్న విజయవాడ

AP: ఆంధ్రప్రదేశ్‌లో ఇవాళ గ్రామ, వార్డు సచివాలయ ఉద్యోగులు చేపట్టిన 'ఛలో విజయవాడ' ఉద్ధృతంగా సాగుతోంది. పోలీసుల నిర్బంధాన్ని ఏమాత్రం లెక్కచెయ్యకుండా ఉద్యోగులు.. భారీ సంఖ్యలో విజయవాడకు తరలివస్తున్నారు. ఎటుచూసినా వారే కనిపిస్తున్నారు. బారికేడ్లను సైతం తోసుకుంటూ వస్తుండటంతో, అనేక ప్రాంతాల్లో ఉద్రిక్త పరిస్థితులు తలెత్తుతున్నాయి. రెండేళ్లుగా AAS, నోషనల్ ఇంక్రిమెంట్లు, మృతుల కుటుంబాలకు ప్రయోజనాలు, ప్రమోషన్ల వంటి సమస్యలు పరిష్కరించకపోవడంతో వారు నిరసన తెలుపుతున్నారు.

AP· 1h ago

ఫార్మా కంపెనీలకు నోటీసులు

AP: అనకాపల్లి జిల్లా.. పరవాడ ఫార్మాసిటీలో కాలుష్యంపై AP పొల్యూషన్ కంట్రోల్ బోర్డ్ (APPCB) ఫోకస్ పెట్టింది. ఫార్మా కంపెనీల నుంచి వచ్చే వ్యర్థ జలాలను.. క్లీన్ చెయ్యకుండా బయటకు వదిలినట్లు ప్రాథమికంగా గుర్తించింది. రాంకీతో పాటు ఫార్మాసిటీలోని మొత్తం 95 ఫార్మా కంపెనీలకు షోకాజ్ నోటీసులు జారీ చేసింది. వారం రోజుల్లో వివరణ ఇవ్వాలని ఆదేశించింది. అధికారులు నీటి శాంపిళ్లను సేకరించి టెస్టుల కోసం పంపారు.

AP· 2h ago

APలో మరో భారీ సిమెంట్ ఫ్యాక్టరీ

AP: ఏపీలో భారీ పెట్టుబడికి మై హోం ఇండస్ట్రీస్‌ సిద్ధమైంది. పల్నాడు జిల్లా, దాచేపల్లి మండలం, గామలపాడుకి దగ్గర్లో 3000 కోట్ల రూపాయలతో గ్రీన్‌ఫీల్డ్‌ సిమెంట్‌ ఫ్యాక్టరీ ఏర్పాటు చేయనుంది. ఏడాదికి 35 లక్షల టన్నుల సిమెంట్‌ ఉత్పత్తి చేసేలా ప్లాంట్‌ను నిర్మిస్తారు. 2029 మార్చి నాటికి ఉత్పత్తి ప్రారంభించే ప్లాన్ ఉంది. ఈ ప్రాజెక్టుతో సుమారు 2 వేల మందికి ఉపాధి లభిస్తుందన్న ప్రభుత్వం... ప్రత్యేక రాయితీలు, ప్రోత్సాహకాలు ప్రకటించింది.

▶

AP· 3h ago

వైజాగ్‌లో రోడ్డుపైకి జింకలు.. వీడియో

AP: వైజాగ్ లోని జూ నుంచి అర్ధరాత్రి జింకల గుంపు రోడ్డుపైకి వచ్చింది. వాటిని చూసి వాహనదారులు, స్థానికులు ఆందోళన వ్యక్తం చేశారు. వన్య ప్రాణులు ఇలా రోడ్లపైకి రాకుండా జాగ్రత్తలు తీసుకోవాలని కోరుతున్నారు. ఇదివరకు ఇలాగే రాత్రివేళ సంచరించే కొన్ని వన్యప్రాణులు రోడ్డు ప్రమాదాల్లో మృతి చెందిన ఘటనలు ఉన్నాయని అంటున్నారు. ఈ జింకల వీడియో SMలో వైరల్ అవుతోంది.