పోలీస్ కళాబృందంతో ప్రయాణికులకు అవగాహన

By Bala· 1h ago

కామారెడ్డి జిల్లా ఎస్పీ రాజేష్ చంద్ర ఆదేశాల మేరకు సోమవారం జిల్లా బస్టాండ్‌లో పోలీస్ కళాబృందం అవగాహన కార్యక్రమం నిర్వహించింది. మాటలు, పాటల రూపంలో ప్రయాణికులకు పలు అంశాలపై చైతన్యం కల్పించారు. మాదకద్రవ్యాల వినియోగంతో కలిగే నష్టాలు, సైబర్ నేరాల పట్ల అప్రమత్తత, రోడ్డు ప్రమాదాల నివారణ, మహిళల భద్రతపై వివరించి ప్రజలు జాగ్రత్తలు పాటించాలని సూచించారు.

More in Local

▶

Local· 3m ago

కనిగిరిలో నామినేషన్లపై దౌర్జన్యం!

మార్కాపురం జిల్లా కనిగిరి మున్సిపాలిటీలో 32 వార్డుల ఎన్నికల నామినేషన్లపై వివాదం చెలరేగింది. YCP అభ్యర్థులను నామినేషన్ వేయకుండా అడ్డుకున్నారని ఆరోపణలు వస్తున్నాయి. పోలీసులను తప్పించి TDPకి చెందిన 150-200 మంది బయటి వ్యక్తులు నామినేషన్ కేంద్రంలోకి చొరబడి పత్రాలు చించారని, దాడులకు పాల్పడ్డారని బాధితులు చెబుతున్నారు. ఈ ఘటనపై SP, కలెక్టర్‌కు ఫిర్యాదు చేసినా స్పందన లేదన్నారు. నిష్పక్షపాతంగా ఎన్నికలు జరపాలని, రీనోటిఫికేషన్ ఇవ్వాలని ప్రజలు కోరుతున్నారు.

Local· 4m ago

పోలీస్ ఆఫీసులో ఆయుధ పూజ

సూర్యాపేట జిల్లా పోలీస్ ఆఫీసులో దసరా సందర్భంగా ఆయుధ పూజ నిర్వహించారు. జిల్లా ఎస్పీ కె. నరసింహ ఈ కార్యక్రమంలో పాల్గొని పోలీస్ సిబ్బందికి దసరా శుభాకాంక్షలు తెలిపారు. చెడు పోయి మంచి గెలవాలని, సమాజంలో శాంతి, సంతోషాలు ఉండాలని అన్నారు. పోలీసుల విధుల్లో ఆయుధాలు, వాహనాలు కీలకమని తెలిపారు. వీటిని ఎప్పటికప్పుడు మెయింటైన్ చేస్తూ, విధుల్లో జాగ్రత్తగా ఉపయోగించాలని సూచించారు. ప్రజలకు మెరుగైన సేవలు అందించడంతో పాటు శాంతిభద్రతలను కాపాడటంలో ఇవి ముఖ్యమని చెప్పారు.

Local· 10m ago

జుహూ బీచ్‌లో బతుకమ్మ సందడి!

మహారాష్ట్ర ముంబైలో అంధేరీ గంగపుత్ర సంఘం ఆధ్వర్యంలో బతుకమ్మ సంబరాలు ఘనంగా జరిగాయి. సంఘం అధ్యక్షులు మంగిలిపెల్లి శ్రీనివాస్ ఈ ఈవెంట్‌కు నేతృత్వం వహించారు. ఆదివారం సాయంత్రం పశ్చిమ అంధేరీ డొంగ్రి ఏరియా నుంచి మహిళలు బతుకమ్మలను నెత్తిపై పెట్టుకొని ప్రఖ్యాత జుహూ బీచ్ వరకు ఊరేగింపుగా వెళ్లి అక్కడ బతుకమ్మ ఆడారు. ఈ ఉత్సవంలో మంగిలిపెల్లి రేణుకదేవి, అంబటి నాగమ్మ, బాలగొని ఇందిరమ్మ, కదిరి కొమురమ్మ, ఇటుకల మహేశ్వరి, మైసా అనిత, సింగర్ కలమ, దేశబోయిన సువర్ణ, బెర్గల లక్ష్మి, పూస బాలమణి పాల్గొన్నారు.

Local· 12m ago

నందిపేట్‌లో పంచాయతీ సిబ్బందికి దసరా కానుకలు

నిజామాబాద్ జిల్లా నందిపేట్‌లో గ్రామ పంచాయతీ ఆధ్వర్యంలో సోమవారం సిబ్బందికి దుస్తులు, నిత్యావసర వస్తువులు, చెప్పులు పంపిణీ చేశారు. ఈ కార్యక్రమంలో సర్పంచ్ ఎర్రం లింగం, ఉపసర్పంచ్ రామ్ చందర్, వార్డు సభ్యులు పాల్గొన్నారు. ఈ సందర్భంగా సర్పంచ్ మాట్లాడుతూ.. గ్రామంలో చెత్త పేరుకుపోకుండా చూడాలని, ప్రతి వార్డులో పరిశుభ్రత పాటించాలని సిబ్బందికి చెప్పారు. తాగునీరు వృథా కాకుండా చూడాలని, గ్రామ అభివృద్ధికి అందరూ కలిసి పనిచేయాలని కోరారు.