కడపలో కంకర రాళ్లు.. భారీ కుట్ర?

By Krishna· 1d ago

AP: ఆంధ్రప్రదేశ్.. కడప జిల్లాలోని గాంధీ నగర్ స్కూల్ నామినేషన్ కేంద్రం దగ్గర ఎవరో కంకర రాళ్లను డంప్ చేశారు. స్థానిక సంస్థల ఎన్నికల్లో అక్టోబర్ 16న నామినేషన్ల స్వీకరణ ప్రక్రియ మొదలైంది. ఇవాళ్టితో ముగుస్తుంది. గత రెండు రోజులూ TDP, YCP వర్గాల మధ్య భారీ ఘర్షణలు జరిగాయి. ఇవాళ హింసకు పాల్పడాలనే ఉద్దేశంతోనే కంకర రాళ్లను డంప్ చేశారా అనే సందేహాలు కలుగుతున్నాయి. తమను నామినేషన్ వెయ్యకుండా చెయ్యడానికి TDPయే వాటిని డంప్ చేయించిందని YCP ఆరోపిస్తోంది.

More in AP

AP· 8m ago

మైదుకూరు ఎన్నికలు వాయిదా

కడప జిల్లా మైదుకూరు మున్సిపల్ ఎన్నికలను రాష్ట్ర ఎన్నికల సంఘం వాయిదా వేసింది. నామినేషన్ల ప్రక్రియలో తీవ్ర ఉద్రిక్తతలు చెలరేగి, అభ్యర్థుల నామినేషన్ పత్రాలను ప్రత్యర్థులు చించివేయడంతో సరైన స్క్రూటినీ సాధ్యం కాదని జిల్లా కలెక్టర్ SEC రిపోర్ట్ ఇచ్చారు. దీని ఆధారంగా ఎన్నికల కమిషనర్ అనిల్ చంద్ర పునేఠా ఎన్నికను వాయిదా వేస్తున్నట్లు ప్రకటించారు. నామినేషన్ కేంద్రంలోకి గుంపు చొరబడి ధ్వంసం చేసిన ఘటన రాజకీయ వర్గాల్లో తీవ్ర చర్చగా మారింది. నెక్ట్స్ ఉత్తర్వులు వచ్చే వరకు ప్రక్రియకు బ్రేక్ పడినట్లే.

AP· 32m ago

"రక్త చరిత్ర వారిదే": CM చంద్రబాబు

AP: ప్రతిపక్ష YCP రక్త చరిత్రకు పాల్పడుతూ.. తామే పాల్పడుతున్నామని అంటున్నారని CM చంద్రబాబు విమర్శించారు. రాజకీయ పార్టీ బాధ్యతతో ఉండాలన్న ఆయన.. తాము చెప్పిందే జరగాలనీ, లేదంటే.. దాడులకు పాల్పడే ధోరణి కరెక్ట్ కాదన్నారు. "అప్పుడు CECకి అనుకూలంగా ఓటు వేసి.. ఎన్నికల్లో ఓడిపోవడంతో.. ఇప్పుడు CEC నచ్చలేదా" అని చంద్రబాబు సెటైర్ వేశారు. Gen Zని తప్పుదారి పట్టించడం, కరడుగట్టిన నేరస్థులను పెంచి పోషించడం సరి కాదని చంద్రబాబు అన్నారు.

AP· 44m ago

కూటమి అభ్యర్థులను గెలిపించండి: చంద్రబాబు

AP: ప్రజలు మెచ్చిన వాళ్లనే అభ్యర్థుల ఎంపిక చేశామన్నారు TDP చీఫ్ చంద్రబాబు. కూటమి అభ్యర్థులను గెలిపించాలన్న ఆయన.. అభివృద్ధి సహకరించాలని కోరారు. ఈసారి పట్టణ స్థానిక ఎన్నికల్లో మేయర్లు, ఛైర్‌పర్సన్లను నేరుగా ఎన్నుకునే విధానం తెచ్చామన్న CM.. BCలు, యువత, మహిళకు ప్రాధాన్యమిచ్చామనీ.. విద్యావంతులను అభ్యర్థులుగా నిలబెట్టామని అన్నారు. గంజాయి బ్యాచ్ వర్సెస్ విద్యావంతులు అన్నట్టుగా స్థానిక ఎన్నికల్లో పోటీ ఉందని చంద్రబాబు అన్నారు.

AP· 53m ago

అది అరాచకాల ప్రభుత్వం: CM చంద్రబాబు

AP: స్థానిక ఎన్నికలతో స్థానిక నాయకత్వం బలపడుతుందనీ, అందుకే ఆ ఎన్నికలకు ప్రాధాన్యం ఉంటుంది అన్నారు సీఎం చంద్రబాబు. 2024 జనరల్ ఎన్నికల్లో 94 శాతం స్ట్రైక్ రేట్‌, 57 శాతం ఓట్ షేర్‌తో గెలిచామన్న ఆయన.. గత YCP ప్రభుత్వ అరాచకాలకు వ్యతిరేకంగా ప్రజలు ఇచ్చిన తీర్పు అది అన్నారు. రాయలసీమ ఫ్యాక్షనిజం సినిమాలకు కంటెంటుగా మారిందన్న సీఎం.. ఇప్పుడు సీమలో జరుగుతున్న అభివృద్ధిని చూసి అసూయ పడే పరిస్థితి వచ్చిందన్నారు.