కోతుల గోలకు చెక్!

మెదక్‌ జిల్లాలో కోతుల సమస్యను తగ్గించేందుకు కలెక్టర్ ప్రతిమాసింగ్ కీలక ఆదేశాలు ఇచ్చారు. పంటలు నాశనం కాకుండా, ఇళ్లలో ప్రజలకు, పిల్లలకు ఇబ్బంది లేకుండా ప్రత్యేక చర్యలు చేపట్టాలని అధికారులకు చెప్పారు. పట్టుకున్న కోతులను అటవీశాఖ సాయంతో నిర్మల్ జిల్లాకు తరలించి, వాటికి కుటుంబ నియంత్రణ ఆపరేషన్లు చేస్తామని తెలిపారు. ప్రజల సహాయంతో కోతుల సమస్యను దశలవారీగా తగ్గిస్తామని కలెక్టర్ చెప్పారు.