బస్సు బోల్తా.. 8 మంది మృతి

By Krishna· 2h ago· X

రాజస్థాన్‌లో తెల్లవారుజామున ఘోర ప్రమాదం జరిగింది. కోటా జిల్లాలో ఢిల్లీ-ముంబై ఎక్స్‌ప్రెస్‌వేపై కంట్రోల్ తప్పి బస్సు బోల్తా పడింది. 8 మంది చనిపోగా, మరో 17 మందికి గాయాలయ్యాయి. మృతుల్లో ఐదుగురు మహిళలున్నారు. మధ్యప్రదేశ్‌, భోపాల్ నుంచి ఖాటూ శ్యామ్‌జీ ఆలయానికి వెళ్తున్న మినీ బస్సు.. డ్రైవర్ నిద్రమత్తుతో అదుపు తప్పి.. 15 అడుగుల లోతైన డ్రైన్‌లో పడింది. గాయపడిన వారిని కోటాలోని MBS, న్యూ మెడికల్ కాలేజ్ హాస్పిటల్‌లో చికిత్స పొందుతున్నారు. రెస్క్యూ ఆపరేషన్ కొనసాగుతోంది.

More in National

National· 23m ago

అభిజీత్ దిప్కే కోసం స్టేషన్ ముందు లాయర్లు

అభిజీత్ దిప్కేను కోర్టులో ప్రవేశపెట్టనున్న నేపథ్యంలో CJP లీగల్ హెడ్ రత్నా సింగ్ న్యూఢిల్లీలోని మందిర్ మార్గ్ పోలీస్ స్టేషన్‌కు చేరుకున్నారు. లీగల్ ఫార్మాలిటీస్ పూర్తి చేసి, దిప్కేను కోర్టు ముందుకు తీసుకురావడానికి పోలీస్ స్టేషన్ వద్ద లాయర్లు రెడీగా ఉన్నారు. తిరంగా యాత్రకు వెళ్తుండగా అరెస్టైన దిప్కే కేసు ప్రస్తుతం దేశవ్యాప్తంగా చర్చనీయాంశంగా మారింది. కోర్టు విచారణ తర్వాత ఆయన రిలీజ్ లేదా రిమాండ్‌పై క్లారిటీ రానుంది.

▶

National· 27m ago

అభిజీత్ డిటెన్షన్‌..నేహాకు తెలియదు

అభిజీత్ దీప్కే ఇంకా పోలీసుల అదుపులోనే ఉన్నారా? అని జర్నలిస్ట్ అడిగిన ప్రశ్నకు నేహా 'అవునా? అభిజీత్ డిటైన్ అయ్యారా?' అని పక్కన ఉన్నవారిని అడిగి తెలుసుకున్నారు. ఆయన డిటెన్షన్‌లో ఉన్నట్లు తనకు ఇప్పుడే తెలిసిందని, ఆయనను ఎక్కడ ఉంచారనే దానిపై తనకు పూర్తి సమాచారం లేదని తెలిపారు. అభిజీత్‌తో పాటు నిరసనల్లో డిటైన్ చేసిన వారందరినీ రాత్రంతా అదుపులో ఉంచడం, అక్రమంగా నిర్బంధించడం సరికాదని ఫైర్ అయ్యారు. అభిజీత్‌ని ఎప్పుడు రిలీజ్ చేస్తారన్నది సస్పెన్స్‌గా ఉంది.

National· 33m ago

యూట్యూబ్ చూసి అబార్షన్.. అరెస్ట్!

మహారాష్ట్రలోని నాగ్‌పూర్‌లో షాకింగ్ ఘటన వెలుగులోకి వచ్చింది. 16 ఏళ్ల బాలిక గర్భం దాల్చడంతో, ఆమెను పెళ్లి చేసుకుంటానని చెప్పిన 18 ఏళ్ల యువకుడు యూట్యూబ్ వీడియోలు చూసి అబార్షన్‌కు ప్రయత్నించినట్లు ఆరోపణలు ఉన్నాయి. లిక్విడ్, టాబ్లెట్లు ఇచ్చినట్లు పోలీసులు తెలిపారు. ప్రయత్నం విఫలం కావడంతో బాలిక ఇంట్లోనే బిడ్డకు జన్మనిచ్చింది. ఆరోగ్యం క్షీణించడంతో ఆస్పత్రికి తరలించారు. డాక్టర్ల సమాచారంతో పోలీసులు POCSO చట్టం కింద కేసు నమోదు చేసి అరెస్ట్ చేశారు.

National· 33m ago

ఐదుగురి ప్రాణాలు తీసిన నూడిల్స్

ఉత్తరప్రదేశ్ రాష్ట్రం గ్రేటర్ నోయిడాలో దారుణం జరిగింది. రాత్రిపూట నూడిల్స్ తిన్న ఐదుగురు మృతి చెందారు. రబుపురా ప్రాంతానికి చెందిన మహేష్, భార్య లలిత, వారి ముగ్గురు పిల్లలు లడ్డు, మిష్టి, సాక్షత్ రాత్రి 10 గంటలకు ఇన్‌స్టంట్ నూడిల్స్ తిని నిద్రపోయారు. ఉదయం చుట్టుపక్కలవారు వెళ్లి చూడగా ఐదుగురు మరణించి ఉన్నారు. పోలీసులు ఆధారాలు సేకరించి, మృతదేహాలను పోస్ట్‌మార్టానికి తరలించారు. ఫుడ్ పాయిజన్ వల్లే ఈ ఘటన జరిగి ఉంటుందని అనుమానిస్తున్నారు.