పెరిగిన ధరలు.. బియ్యం కోసం క్యూ

By Kenguva Gowrinaidu· 1h ago· Visakhapatnam

పెరిగిన నిత్యావసర సరుకుల ధరలతో నిరుపేదలు తీవ్ర ఇబ్బందులు పడుతున్నారు. ముఖ్యంగా బియ్యం ధరలు పెరగడంతో సామాన్య కుటుంబాలపై ఆర్థిక భారం పడుతోంది. ఈ నేపథ్యంలో విశాఖపట్నం జిల్లా గోపాలపట్నం రైతు బజార్‌లో శనివారం ఉదయమే స్థానికులు పెద్దఎత్తున బియ్యం కొనుగోలు చేసేందుకు క్యూ కట్టారు. నిత్యావసరాల ధరలు పెరుగుతుండటంతో కుటుంబ ఖర్చులను నిర్వహించడం కష్టంగా మారుతోందని పలువురు ఆందోళన వ్యక్తం చేస్తున్నారు.

More in Local

Local· just now

ఆలయంలో ప్రత్యేక పూజలు

అనంతపురం జిల్లా గుత్తి మండలం కొత్తపేట గ్రామంలోని నవ అహోబిలం లక్ష్మీనరసింహస్వామి దేవస్థానంలో నరసింహ నవరాత్రుల నాలుగో రోజు ప్రత్యేక పూజలు నిర్వహించారు. ఈ సందర్భంగా అమ్మవారిని ప్రత్యేకంగా అలంకరించి పూజలు చేశారు. పెద్ద సంఖ్యలో భక్తులు ఆలయానికి చేరుకుని అమ్మవారిని దర్శించుకుని తీర్థప్రసాదాలు స్వీకరించారు. భక్తుల రాకతో ఆలయం ఆధ్యాత్మిక శోభను సంతరించుకుంది.

Local· 2m ago

నాలుగు మున్సిపాలిటీల్లో 144 సెక్షన్

స్థానిక సంస్థల ఎన్నికల నేపథ్యంలో చిత్తూరు, పలమనేరు, నగరి, కుప్పం మున్సిపాలిటీల నామినేషన్ కేంద్రాల వద్ద 144 సెక్షన్ విధించినట్లు జిల్లా కలెక్టర్ సుమిత్ కుమార్ తెలిపారు. శాంతిభద్రతల పరిరక్షణ కోసం అక్టోబర్ 16 రాత్రి 11 గంటల నుంచి అక్టోబర్ 18 సాయంత్రం 5 గంటల వరకు ఆంక్షలు అమల్లో ఉంటాయని వెల్లడించారు. నామినేషన్ కేంద్రాల సమీపంలో అనుమతి లేకుండా ఐదుగురు లేదా అంతకంటే ఎక్కువ మంది గుమికూడడం, ర్యాలీలు, ఊరేగింపులు నిర్వహించడం నిషేధమని స్పష్టం చేశారు.

Local· 21m ago

నిజం కోసం ప్రాణాలిచ్చిన కలం యోధుడు

నిజం కోసం నిర్భయంగా కలం పట్టిన తొలితరం పాత్రికేయుడు షోయబుల్లాఖాన్ జయంతి నేడు. 1920 అక్టోబర్ 17న జన్మించిన ఆయన నిజాం పాలనలో ప్రజల హక్కుల కోసం పోరాడారు. ‘ఇమ్రోజ్‌’ ఉర్దూ దినపత్రిక ద్వారా నిరంకుశ పాలనను ప్రశ్నిస్తూ, రజాకార్ల దౌర్జన్యాలను ఎండగట్టారు. 1948 ఆగస్టు 22న రజాకార్ల దాడిలో ప్రాణాలు కోల్పోయారు. షోయబుల్లాఖాన్ జీవితం నేటి స్ఫూర్తిదాయకమని, ఆయన జయంతి సందర్భంగా పత్రికా స్వేచ్ఛ, వృత్తి నిబద్ధతను స్మరించుకోవాలని ఖమ్మం జిల్లా పలువురు పేర్కొంటున్నారు.

Local· 30m ago

పోలీస్ ఫ్లాగ్ డే సందర్భంగా ప్రత్యేక పోటీలు

పోలీస్ అమరవీరుల సంస్మరణ దినోత్సవం సందర్భంగా జోగుళాంబగద్వాల జిల్లా పోలీసుల ఆధ్వర్యంలో ఫోటోగ్రఫీ, షార్ట్ ఫిల్మ్, విద్యార్థులకు వ్యాసరచన పోటీలు నిర్వహిస్తున్నట్లు జిల్లా ఎస్పీ టి. శ్రీనివాసరావు తెలిపారు. ఫోటోలు, 3 నిమిషాల్లోపు షార్ట్ ఫిల్మ్‌లను అక్టోబర్ 23లోపు జిల్లా పోలీస్ కార్యాలయంలో అందజేయాలి. విద్యార్థులు అక్టోబర్ 26లోపు ఆన్‌లైన్‌లో వ్యాసాలు సమర్పించాలి. విజేతలకు జిల్లా స్థాయిలో బహుమతులు అందజేస్తామని, వివరాలకు 8712661828 ji సంప్రదించాలన్నారు.