చెరువుకు గండి.. కొట్టుకుపోయిన చేపపిల్లలు

By Surya Prakash Bootla· 1d ago· Bejjanki, Bejjanki, Siddipet

సిద్దిపేట జిల్లా బెజ్జంకి మండలం రామసాగరం, దాచారం గ్రామాల పరిధిలోని తుమ్మలచెరువుకు భారీ వర్షాలతో గండి పడింది. దీంతో చెరువులో కొద్ది రోజుల క్రితం దాచారం గ్రామానికి చెందిన ముదిరాజులు వదిలిన చేప పిల్లలు వరద నీటిలో కొట్టుకుపోయాయి. చేప పిల్లలు నీటిపాలవడంతో తమకు తీవ్ర ఆర్థిక నష్టం వాటిల్లిందని ముదిరాజులు ఆవేదన వ్యక్తం చేశారు. మరోవైపు చెరువు నుంచి నీరు వృథాగా బయటకు వెళ్లిపోతుండటంతో వారు స్వయంగా తాత్కాలిక మరమ్మతులు చేపట్టారు.

More in Local

Local· 3m ago

రోడ్డుపై పడిన భారీ చెట్టు

అంబేడ్కర్ కోనసీమ జిల్లా రాజోలు మండలం తాటిపాక మఠం–చాకలిపాలెం ప్రధాన రహదారిపై భారీ వృక్షం కూలి వాహనాల రాకపోకలు నిలిచిపోయాయి. గత రెండు రోజులుగా కురుస్తున్న భారీ వర్షాలకు చెట్టు రోడ్డుకు అడ్డంగా పడిపోయింది. దీంతో ప్రయాణికులు, వాహనదారులు తీవ్ర ఇబ్బందులు ఎదుర్కొంటున్నారు. అత్యవసర పనులపై వెళ్లేవారు, బైక్‌లపై ప్రయాణించే వారు అవస్థలు పడుతున్నారని స్థానికులు తెలిపారు. రహదారిపై చెట్టు కూలి రాకపోకలు నిలిచిపోయినా అధికారులు స్పందించకపోవడంపై స్థానికులు ఆగ్రహం వ్యక్తం చేశారు.

Local· 10m ago

టీచర్లపై దాడి చేయడం సరికాదు: MLA

బాపట్ల జిల్లా చీరాలలో ఉపాధ్యాయులపై దాడి ఘటనను MLA మాలకొండయ్య తీవ్రంగా తప్పుబట్టారు. AP Skill Development Corporation ఆధ్వర్యంలో చీరాలలో నిర్వహించిన జాబ్ మేళాను ఆయన ప్రారంభించారు. DSC నియామకాల విషయంలో YCP తీరుపై విమర్శలు చేశారు. కష్టపడి ఉద్యోగాలు సాధించిన ఉపాధ్యాయులపై కోడిగుడ్లు, రాళ్లతో దాడి చేయడం దారుణమని ఆరోపించారు. గత YCP ప్రభుత్వంలో నిరుద్యోగులకు ఉద్యోగాలు కల్పించలేదని, ఉద్యోగాలు ఇస్తున్న కూటమి ప్రభుత్వాన్ని విమర్శించడం విడ్డూరంగా ఉందన్నారు.

Local· 15m ago

గురుకుల విద్యార్థినుల ఆటో బోల్తా

నెల్లూరు జిల్లా తోటపల్లిగూడూరు మండలం మహాలక్ష్మీపురం ప్రభుత్వ బాలికల గురుకుల పాఠశాలకు చెందిన విద్యార్థినులు ప్రయాణిస్తున్న ఆటో బోల్తాపడింది. సచివాలయంలో నిర్వహిస్తున్న Information Technology క్లాసులకు విద్యార్థినులను మూడు ఆటోల్లో ప్రిన్సిపాల్ పంపించారు. ఎదురుగా వచ్చిన సిమెంట్ ఆటో ఢీకొనడంతో ఓ ఆటో అదుపుతప్పి బోల్తాపడింది. ప్రమాదంలో ఎనిమిది మంది విద్యార్థినులు గాయపడగా ప్రభుత్వ ఆస్పత్రికి తరలించారు. తీవ్రంగా గాయపడిన టీచర్‌ను KIMSకు తీసుకెళ్లారు.

Local· 29m ago

బంకించంద్ర చటర్జీని స్మరించుకోవాలి: MLA

వందేమాతరం గేయం ప్రతి ఒక్కరి గొంతులో మార్మోగాలని నిర్మల్ జిల్లా ముధోల్ MLA పవార్ రామారావు పటేల్ అన్నారు. భైంసాలోని ఎస్‌ఎస్‌ జిన్నింగ్ ఫ్యాక్టరీలో విద్యాభారతి ఆధ్వర్యంలో ‘నమామి భారతం’ కార్యక్రమంలో భాగంగా శుక్రవారం సామూహిక వందేమాతరం గాన కార్యక్రమం నిర్వహించారు. ఈ సందర్భంగా MLA మాట్లాడుతూ.. వందేమాతరం గేయ రచయిత బంకించంద్ర చటర్జీని స్మరించుకోవాలని తెలిపారు. దేశభక్తి భావనను పెంపొందించేలా ఇలాంటి కార్యక్రమాలు నిర్వహించడం అవసరమన్నారు.