క్లియర్ కట్ న్యూస్‌ ఎఫెక్ట్.. స్పందించిన అధికారులు

By Srinivasarao· 21h ago· Khammam

ఖమ్మం జిల్లా తిరుమలాయపాలెం మండలం పెండిప్రోలు గ్రామంలో విద్యుత్ అధికారుల నిర్లక్ష్యంపై క్లియర్ కట్ న్యూస్‌లో వచ్చిన <a href="https://www.theclearcutnews.com/n/YuqV2RY">వార్త</a>కు అధికారులు వెంటనే స్పందించారు. కరెంట్ స్తంభానికి అడ్డుగా ఉన్న వాటిని తొలగించి, 3 నెలలుగా పక్కకు ఒరిగి ప్రమాదకరంగా మారిన స్తంభాన్ని క్లియర్ చేశారు. దీంతో కరెంట్ ప్రాబ్లమ్ సాల్వ్ అయింది. పబ్లిక్ ప్రాబ్లమ్స్‌ను బయటపెట్టి, అధికారుల దృష్టికి తీసుకెళ్లడంలో క్లియర్ కట్ న్యూస్‌ కీలక పాత్ర పోషిస్తుందని గ్రామస్తులు అభినందిస్తున్నారు.

More in Local

Local· 4m ago

చదువులో సత్తా.. విద్యార్థులకు స్కాలర్‌షిప్‌లు

సిద్దిపేట జిల్లా బెజ్జంకి మండలం చీలాపూర్‌లో ఈవ్స్ స్వచ్ఛంద సంస్థ ఆధ్వర్యంలో 2025–26 విద్యా సంవత్సరానికి ప్రతిభావంతులైన విద్యార్థులకు మెరిట్ స్కాలర్‌షిప్‌లు అందజేశారు. మొదటి స్థానం సాధించిన వారికి ₹1,500, రెండో స్థానం పొందిన వారికి ₹1,000 చొప్పున నగదు బహుమతులు ఇచ్చారు. ఇంటర్, ఎస్‌ఎస్‌సీ, ఏడో తరగతిలో ప్రతిభ చూపిన విద్యార్థులను అభినందించారు. విద్యార్థులు ఉన్నత లక్ష్యాలను చేరుకోవాలని సంస్థ ప్రతినిధులు ఆకాంక్షించారు.

Local· 8m ago

కడపలో దళిత అభ్యర్థిపై దాడి!

కడప పట్టణంలోని 27వ వార్డు దళిత కార్పొరేటర్ అభ్యర్థి బి. శ్యాంసన్, ఆయన కుటుంబ సభ్యులపై దాడి చేసి నామినేషన్ పత్రాలు చించివేశారని ఆరోపణలు వెల్లువెత్తాయి. లోమడ చంద్రమోహన్ రెడ్డి అనుచరులే ఈ దాడికి పాల్పడ్డారని బాధితుడు ఆరోపించారు. గాయపడిన వారికి పోలీసులు రక్షణ కల్పించలేదని, ఫిర్యాదు నమోదు చేయలేదని పేర్కొన్నారు. ఈ ఘటనపై జాతీయ ఎస్సీ కమిషన్, జాతీయ మానవ హక్కుల కమిషన్‌కు ఫిర్యాదు చేయనున్నట్లు శ్యాంసన్ తెలిపారు.

Local· 19m ago

వర్క్‌షాప్ ఉద్యోగుల సమస్యలపై మంత్రి హామీ

కరీంనగర్ RTC వర్క్‌షాప్‌ జోనల్ పరిధిలో 12 ఏళ్ల తర్వాత జరిగిన ఎంప్లాయీస్ యూనియన్ ఎన్నికల్లో కాంగ్రెస్ ఐక్యకూటమి ఘన విజయం సాధించింది. ఈ నేపథ్యంలో యూనియన్ గౌరవ అధ్యక్షుడు తాళ్లపల్లి శ్రీనివాస్ గౌడ్ ఆధ్వర్యంలో నాయకులు మంత్రి పొన్నం ప్రభాకర్‌ను కలిశారు. వర్క్‌షాప్‌ ఉద్యోగుల సమస్యలను ఆయన దృష్టికి తీసుకెళ్లగా, పరిష్కారానికి కృషి చేస్తానని మంత్రి హామీ ఇచ్చారు.

Local· 22m ago

'పండుగ వేళ శాంతిభద్రతలకు సహకరించండి'

విజయదశమి సందర్భంగా నిజామాబాద్ జిల్లా ప్రజలకు పోలీస్ కమిషనర్ పి. సాయి చైతన్య శుభాకాంక్షలు తెలిపారు. చెడుపై మంచి విజయానికి ప్రతీకగా జరుపుకునే ఈ పండుగ స్ఫూర్తితో ప్రజలంతా ఐక్యత, సమగ్రతను కాపాడాలని ఆకాంక్షించారు. నిజామాబాద్, ఆర్మూర్, బోధన్ డివిజన్లలో శాంతిభద్రతలకు విఘాతం కలగకుండా, మత విద్వేషాలకు తావివ్వకుండా పోలీసులకు సహకరించాలని కోరారు. ప్రజలు, పోలీసులు స్నేహభావంతో మెలగాలని సూచించారు.