ఎన్నికల వేళ.. వాహనాలపై పోలీసుల నిఘా

By Mohan· 2h ago· Vizianagaram

విజయనగరం జిల్లా రాజాం మండలంలో స్థానిక సంస్థల ఎన్నికల నేపథ్యంలో పోలీసులు ముమ్మర వాహన తనిఖీలు చేపట్టారు. అక్రమ మద్యం, నగదు రవాణాను అడ్డుకునేందుకు తనిఖీలు నిర్వహిస్తున్నట్లు పట్టణ ఇన్‌స్పెక్టర్ డి. నవీన్ కుమార్ తెలిపారు. ఎన్నికలు ముగిసే వరకు తనిఖీలు కొనసాగుతాయని, అక్రమ వస్తువులు పట్టుబడితే చట్టపరమైన చర్యలు తీసుకుంటామని హెచ్చరించారు. అవసరాల కోసం అధిక మొత్తంలో నగదు తీసుకెళ్లేవారు సంబంధిత ఆధారాలను వెంట ఉంచుకోవాలని సూచించారు.

More in Local

Local· 2m ago

ప్రజలకు ఎలాంటి ఇబ్బందులు కలగకుండా పటిష్ట బందోబస్తు

పెద్దపల్లి జిల్లా గోదావరిఖని సింగరేణి జవహర్‌లాల్ నెహ్రూ స్టేడియంలో జరగనున్న దసరా వేడుకలకు పోలీస్ సెక్యూరిటీ పెంచుతున్నారు. రామగుండం పోలీస్ కమిషనర్ అంబర్ కిషోర్ ఝా ఏర్పాట్లను పరిశీలించి అధికారులకు సూచనలు చేశారు. రావణ దహనం, క్రాకర్ షో, సినీ కళాకారుల ప్రోగ్రామ్స్ ఉండటంతో పెద్ద సంఖ్యలో జనం వచ్చే అవకాశం ఉంది.ట్రాఫిక్, పార్కింగ్ ఇబ్బందులు రాకుండా చూడాలని చెప్పారు. వేడుకలు పూర్తయ్యే వరకు పోలీసులు అలర్ట్‌గా ఉండాలని ఆదేశించారు.

Local· 4m ago

MBBS సీట్ సాధించిన విద్యార్థినికి సన్మానం

రాజన్న సిరిసిల్ల జిల్లా కోనరావుపేట మండలం నాగారం గ్రామానికి చెందిన ఫీల్డ్ అసిస్టెంట్ బుర్ర వేణి కూతురు శ్రీజ ఉస్మానియా మెడికల్ కాలేజీలో బీడీఎస్ సీటు సాధించింది. ఈ సందర్భంగా మాజీ సింగిల్ విండో చైర్మన్, మాజీ సర్పంచ్ గోపాడి సురేందర్ రావు ఆమెను ఘనంగా సన్మానించారు. శ్రీజ సాధించిన విజయం గ్రామానికి గర్వకారణమని, భవిష్యత్తులో మరిన్ని ఉన్నత శిఖరాలు అధిరోహించాలని ఆకాంక్షించారు.

దసరా కోసం ముస్తాబైన వేల్పూర్‌లోని జంబి హనుమాన్ ఆలయం

▶

Local· 12m ago

దసరా కోసం ముస్తాబైన వేల్పూర్‌లోని జంబి హనుమాన్ ఆలయం

నిజామాబాద్ జిల్లా వేల్పూర్‌ మండల కేంద్రంలో దసరా పండగ కోసం జంబి హనుమాన్ ఆలయాన్ని అందంగా అలంకరించారు. ఉద్యోగాలు, పనుల కోసం ఇతర ప్రాంతాల్లో సెటిల్ అయిన గ్రామస్తులు కూడా దసరా వచ్చిందంటే సొంతూరికి వస్తారు. ఆలయం దగ్గర పూజలు చేసి, ఒకరికొకరు శుభాకాంక్షలు చెప్పుకుంటారు. గ్రామస్తులంతా కలిసి పండగను ఘనంగా జరుపుకుంటారు. ఈ సందర్భంగా సాంస్కృతిక కార్యక్రమాలు కూడా నిర్వహిస్తారు. దీంతో గ్రామంలో పండగ సందడి కనిపిస్తుంది.

Local· 21m ago

ఆర్టీసీ బస్సులో చోరీ.. తల్లీకూతుళ్ల బంగారం మాయం!

వికారాబాద్ జిల్లా తాండూరులో RTC బస్సులో తల్లీకూతుళ్ల పర్సు కత్తిరించి 2.5 తులాల బంగారు ఆభరణాలను గుర్తుతెలియని వ్యక్తులు చోరీ చేశారు. పాత తాండూరుకు చెందిన ఆండాలమ్మ, కుమార్తె శిరీష సోమవారం హైదరాబాద్ వెళ్లేందుకు బస్సు ఎక్కారు. టికెట్ కోసం ఆధార్ కార్డు తీసే క్రమంలో పర్సు కత్తిరించి ఉండటాన్ని గుర్తించారు. అందులోని బంగారం కనిపించకపోవడంతో పోలీసులకు ఫిర్యాదు చేశారు. ఘటనపై పోలీసులు ఎంక్వైరీ చేపట్టారు.