కనజిగూడలో బతుకమ్మ వేడుకలు

హైదరాబాద్ అల్వాల్ పరిధిలోని కనజిగూడ టెలికాం కాలనీ పార్కులో నిర్వహించిన సద్దుల బతుకమ్మ వేడుకలు ఘనంగా జరిగాయి. కాలనీ వాసులు పెద్ద సంఖ్యలో పాల్గొని వేడుకలను విజయవంతం చేసినట్లు టెలికాం కాలనీ వెల్ఫేర్ అసోసియేషన్ కమిటీ సభ్యులు తెలిపారు. మహిళలు, యువతులు, చిన్నారులు రంగురంగుల పూలతో బతుకమ్మలను పేర్చి, సంప్రదాయ పాటలు, కోలాటాలతో సందడి చేశారు. ఇలాంటి వేడుకలు కాలనీ వాసుల మధ్య ఐక్యత, ఆనందాన్ని పెంచుతాయని కమిటీ సభ్యులు తెలిపారు.