చాక్లెట్ అడిగితే చేతిలో పిస్టల్ పెట్టిన మామ

By Lokesh· 2h ago· Indiatimes

జార్ఖండ్‌లోని బొకారోలో విషాద ఘటన జరిగింది. చాక్లెట్ అడిగిన మూడేళ్ల బాలుడు సాహిల్ రాజ్‌కు అతడి మామ రాజేష్ కుమార్ (21) పిస్టల్ ఇచ్చినట్లు బాలుడి తల్లి తెలిపింది. దాన్ని పట్టుకుని ఆడుకుంటుండగా తుపాకీ పేలి బాలుడు ప్రాణాలు కోల్పోయాడు. ఆస్పత్రికి తీసుకెళ్లినా అప్పటికే మృతి చెందినట్లు వైద్యులు తెలిపారు. ఘటన తర్వాత మామ తుపాకీతో వెళ్లిపోయినట్లు కుటుంబ సభ్యులు చెప్పారు. పోలీసులు కేసు నమోదు చేసి అతడి కోసం గాలిస్తున్నారు.

More in National

National· 23m ago

100 కోట్ల రూపాయల విలువైన డ్రగ్స్ సీజ్..

తమిళనాడులోని నాగపట్నం జిల్లాలో 137 కిలోల క్రిస్టల్ మెత్ డ్రగ్స్‌ను DRI అధికారులు సీజ్ చేశారు. వీటి విలువ 100 కోట్ల రూపాయలకుపైగా ఉంటుందని అంచనా వేశారు. ఈ డ్రగ్స్‌ను సముద్ర మార్గంలో శ్రీలంకకు తరలించేందుకు ప్లాన్ చేసినట్లు అధికారులు గుర్తించారు. ఈ కేసులో నలుగురిని అరెస్ట్ చేసి, జ్యుడీషియల్ కస్టడీకి పంపారు. నిందితుల దగ్గర 10 లక్షల రూపాయల నగదుతో పాటు రెండు కార్లు, ఒక బైక్‌ను కూడా సీజ్ చేశారు. డ్రగ్స్ ఎక్కడి నుంచి వచ్చాయో తెలుసుకుంటున్నారు.

National· 36m ago

ఇంటి పనులు నేర్పిస్తే ₹85 వేల శాలరీ

చైనాలో రోబోలకు ఇంటి పనులు నేర్పేందుకు కొత్త తరహా ఉద్యోగాలు అందుబాటులోకి వచ్చాయి. పాత్రలు కడగడం, బట్టలు మడతపెట్టడం, ఇల్లు ఊడ్చడం వంటి పనులను ఉద్యోగులు పదేపదే చేసి చూపిస్తారు. వారి కదలికలను రికార్డ్ చేసి, రోబోలు ఆ పనులు నేర్చుకునేలా శిక్షణ ఇస్తారు. సౌత్ చైనా మార్నింగ్ పోస్ట్ (SCMP) ప్రచురించిన నివేదిక ప్రకారం, ఈ ఉద్యోగాలకు నెలకు దాదాపు ₹56,800 నుంచి ₹85,200 వరకు శాలరీ ఇస్తున్నట్లు నివేదికలు చెబుతున్నాయి.

▶

National· 1h ago

ఉంగ్లీ తో ఉఠేగీ..హల్లాబోల్ మార్చ్

ఢిల్లీలో కాంగ్రెస్ విద్యార్థి విభాగం NSUI ఈ రోజు ‘ఉంగ్లీ తో ఉఠేగీ – హల్లాబోల్ పేరుతో మార్చ్’ నిర్వహించింది.న్యూఢిల్లీలోని NSUI జాతీయ కార్యాలయం నుంచి జంతర్ మంతర్ వైపు మార్చ్ చేపట్టింది. నిరసనలో పాల్గొన్న విద్యార్థులు తమ వేళ్లపై గాయం అయినట్లు కట్టు కట్టుకొని వేళ్లను చూపిస్తూ ‘ఉంగ్లీ తో ఉఠేగీ’ అంటూ నినాదాలు చేశారు. అంటే, ఓటర్ల హక్కుల విషయంలో ప్రశ్నలు అడుగుతూనే ఉంటామని చెప్పడం ఈ నినాదం ఉద్దేశం.

National· 1h ago

పబ్లిక్ టాయిలెట్లు క్లీన్‌గా ఉండాల్సిందే: ఢిల్లీ హైకోర్టు

పబ్లిక్ టాయిలెట్లు శుభ్రంగా ఉండటం కూడా మన జీవించే హక్కులో భాగమేనని ఢిల్లీ హైకోర్టు చెప్పింది. టాయిలెట్లు ఎలా ఉన్నాయో తెలుసుకోవడానికి విద్యార్థులతో సడన్ చెకింగ్ చేయించాలని చెప్పింది. ఢిల్లీ యూనివర్సిటీ, జామియా మిలియా ఇస్లామియా, అదితి మహావిద్యాలయ విద్యార్థులు టాయిలెట్ల ఫొటోలు తీసి రిపోర్ట్ ఇవ్వాలి. టాయిలెట్లను శుభ్రంగా ఉంచకపోతే బాధ్యులైన MCD అధికారులపై ఏం చర్యలు తీసుకుంటారో చెప్పాలని కోర్టు కోరింది. ఈ కేసుపై నవంబర్ 2న మళ్లీ విచారణ జరగనుంది.