జూనియర్ బాలికల హ్యాండ్‌బాల్ జట్టు ఎంపిక

By Surender· 19h ago· Mahabubnagar

తెలంగాణ హ్యాండ్‌బాల్ అసోసియేషన్ ఆధ్వర్యంలో జడ్చర్ల మినీ స్టేడియంలో నిర్వహించిన ఉమ్మడి మహబూబ్‌నగర్ జిల్లా జూనియర్ గర్ల్స్ హ్యాండ్‌బాల్ సెలక్షన్స్‌లో 16 మంది ప్లేయర్లు సెలెక్ట్ అయ్యారు. ఈ టీమ్ నవంబర్ 2 వరకు ఖమ్మంలో జరిగే 48వ స్టేట్ లెవెల్ హ్యాండ్‌బాల్ ఛాంపియన్‌షిప్‌లో పాల్గొంటుంది. గెస్ట్‌గా పాల్గొన్న స్టేట్ పీడీ, పీఈటీ అసోసియేషన్ ప్రెసిడెంట్ దుమర్ల నిరంజన్ క్రీడాకారిణులకు శుభాకాంక్షలు తెలిపారు.

More in Local

Local· 3m ago

చదువులో సత్తా.. విద్యార్థులకు స్కాలర్‌షిప్‌లు

సిద్దిపేట జిల్లా బెజ్జంకి మండలం చీలాపూర్‌లో ఈవ్స్ స్వచ్ఛంద సంస్థ ఆధ్వర్యంలో 2025–26 విద్యా సంవత్సరానికి ప్రతిభావంతులైన విద్యార్థులకు మెరిట్ స్కాలర్‌షిప్‌లు అందజేశారు. మొదటి స్థానం సాధించిన వారికి ₹1,500, రెండో స్థానం పొందిన వారికి ₹1,000 చొప్పున నగదు బహుమతులు ఇచ్చారు. ఇంటర్, ఎస్‌ఎస్‌సీ, ఏడో తరగతిలో ప్రతిభ చూపిన విద్యార్థులను అభినందించారు. విద్యార్థులు ఉన్నత లక్ష్యాలను చేరుకోవాలని సంస్థ ప్రతినిధులు ఆకాంక్షించారు.

Local· 6m ago

కడపలో దళిత అభ్యర్థిపై దాడి!

కడప పట్టణంలోని 27వ వార్డు దళిత కార్పొరేటర్ అభ్యర్థి బి. శ్యాంసన్, ఆయన కుటుంబ సభ్యులపై దాడి చేసి నామినేషన్ పత్రాలు చించివేశారని ఆరోపణలు వెల్లువెత్తాయి. లోమడ చంద్రమోహన్ రెడ్డి అనుచరులే ఈ దాడికి పాల్పడ్డారని బాధితుడు ఆరోపించారు. గాయపడిన వారికి పోలీసులు రక్షణ కల్పించలేదని, ఫిర్యాదు నమోదు చేయలేదని పేర్కొన్నారు. ఈ ఘటనపై జాతీయ ఎస్సీ కమిషన్, జాతీయ మానవ హక్కుల కమిషన్‌కు ఫిర్యాదు చేయనున్నట్లు శ్యాంసన్ తెలిపారు.

Local· 17m ago

వర్క్‌షాప్ ఉద్యోగుల సమస్యలపై మంత్రి హామీ

కరీంనగర్ RTC వర్క్‌షాప్‌ జోనల్ పరిధిలో 12 ఏళ్ల తర్వాత జరిగిన ఎంప్లాయీస్ యూనియన్ ఎన్నికల్లో కాంగ్రెస్ ఐక్యకూటమి ఘన విజయం సాధించింది. ఈ నేపథ్యంలో యూనియన్ గౌరవ అధ్యక్షుడు తాళ్లపల్లి శ్రీనివాస్ గౌడ్ ఆధ్వర్యంలో నాయకులు మంత్రి పొన్నం ప్రభాకర్‌ను కలిశారు. వర్క్‌షాప్‌ ఉద్యోగుల సమస్యలను ఆయన దృష్టికి తీసుకెళ్లగా, పరిష్కారానికి కృషి చేస్తానని మంత్రి హామీ ఇచ్చారు.

Local· 21m ago

'పండుగ వేళ శాంతిభద్రతలకు సహకరించండి'

విజయదశమి సందర్భంగా నిజామాబాద్ జిల్లా ప్రజలకు పోలీస్ కమిషనర్ పి. సాయి చైతన్య శుభాకాంక్షలు తెలిపారు. చెడుపై మంచి విజయానికి ప్రతీకగా జరుపుకునే ఈ పండుగ స్ఫూర్తితో ప్రజలంతా ఐక్యత, సమగ్రతను కాపాడాలని ఆకాంక్షించారు. నిజామాబాద్, ఆర్మూర్, బోధన్ డివిజన్లలో శాంతిభద్రతలకు విఘాతం కలగకుండా, మత విద్వేషాలకు తావివ్వకుండా పోలీసులకు సహకరించాలని కోరారు. ప్రజలు, పోలీసులు స్నేహభావంతో మెలగాలని సూచించారు.